بنات التطبيقي ممكن مساااعدة عن أمتحان تحديد المستوى للمستجدات بااجر

[Hofy]

بناااات ما عليكم أمر أمتحان تحديد المستوى الأنجليزي باجر شنو بالضبط راح يجي

وألي عندها نموذج من النت تحطه لنا هني لأني والله ضايعة وما أدري شنو أسوي حتى. تخصصي
إدارة وما اعرف عنه شيء

أألي عندها معلومات تقول لي :eh_s(2):



:yaaaaaarb:

 

[Afon.91]

قواعد وقطعه عليها اشئله ومواقف

ويبي معاج قلم رصاص وبطاقتـــــج المدنييييييييه اهم شي لا تنسينها

وشوفي بالموقع وين مكانج اي قاعه او اي لجنه عشان ماتتوهقين باجر

 

[gala q8]

انا رحت الندوه اليوم بـ كليه التجاري ,

قالت لا تييبوون قلم بس بطاقتج المدنيه او اي اثبات ان انتي فلانه ,

و راح يعطونا كتاب و ورقه

الكتاب فيها الاسآله
والورقه الحل ,

لا تعفسين الورقه حطي علامه خطآ عند الإجابه و لا تكبرينها حيل ولا تصغرينها ’

لان راح يصلحها الجهاز مو تصحيح من الدككاتره

و فونج لا تحطينه بالطاوله و اول ما تدخل الابله راح تطردج ترا لووول ,

يا تحطينه برا او تحطينه داخل جنطتج اللي بالارض

امممم هذا اللي أذكره وقالت الباااجي راح تعلمكم الدكتوره بالقاعه ,

 

[Hofy]

المكان عرفته مبنى 5 قاعة 501
ومشكوورات وضحتوا لي
لأني ما كنت عارفة شنو محتوى الأمتحان أو مكانه
ما كنت بمتحنه بس أن شا الله راح أمتحنه.

 

[gala q8]

إي رووحي احسسن لج ,

 

[gala q8]

إنتي قاعتج يمي مو بعيده بس بيني و بينج قاعه وحده لوول ,

انتي اي فتره ؟

انا الفتره الثانيه من 11 ونص لي 1 ونص

 

[Hofy]

إنتي قاعتج يمي مو بعيده بس بيني و بينج قاعه وحده لوول ,

انتي اي فتره ؟

انا الفتره الثانيه من 11 ونص لي 1 ونص

نفس فترتج من 11ونص إلى 1 ونص

 

[بنتmbc1]

بنات انا فترتي 11 و نص إلى 1 و نص

مبنى 5
قاعة 512

و حدي خايفه

 

[اخجل انثى]

بنات انا فترتي 11 و نص إلى 1 و نص

مبنى 5
قاعة 512

و حدي خايفه

*

حتىى اانااا بعد خااايفه :eh_s(2):

انتي نفسس رفيجتي المبنى والقااعه

 

[Hofy]

دعواتكم لي حدي خايفة

 

[Sja`]

لا تحاتين شي الله يسهل ان شاءالله

والامتحان ان شاءالله راح يكون سهل وقالو القواعد مثله مثل المتوسط وغيره

وانا مثل قاعتج والمبنى ;p

وان شاءالله يارب يكون سهل

والله يسهل علينا يارب


​

 

[Hofy]

موفقين ألي عندهم امتحان أنا. بافي على أمتحاني 5 دقايق >_<

 

[Moe love]

الامتحان عاااادي // ماله داعي كل هالخوف

العام انا نفس الحاله بتدخلين وبيفهمونج كل شي بس جيبي بطاقتج المدنيه

اذا نجحتي بالامتحان يعني ما يعطونج ماده 99 واذا ما نجحتي بيعطونج الماده هذي

ماعليها وحدات ولا تلعب بالمعدل بس فيها تدرسين انجليزي كلمات وقواعد... الخ

واسهل من المدرسه لا تخااافون /// بالتوفيق

 

[Hofy]

الامتحان عاااادي // ماله داعي كل هالخوف

العام انا نفس الحاله بتدخلين وبيفهمونج كل شي بس جيبي بطاقتج المدنيه

اذا نجحتي بالامتحان يعني ما يعطونج ماده 99 واذا ما نجحتي بيعطونج الماده هذي

ماعليها وحدات ولا تلعب بالمعدل بس فيها تدرسين انجليزي كلمات وقواعد... الخ

واسهل من المدرسه لا تخااافون /// بالتوفيق

الحمدلله ما توقعت أنه سهل جذي كان سهل ^_^