بنات التربيه الاساسيه والتجاري تعاالـو ساعدونــي :( مستقبلــي:(

[M!S.S]

السلام عليكم ​

شخباركم​

بنات بلييز ساعدوني​

انا نسبتي 70.14 ادبـــي​

وابي ادش تربيه اساسيه فنيه ؟ ادري مايقبلوني ​

بس فيه موسيقى واهلي يقولون دشي امي بس انا مابي لانها حرام ومعاشها حرام ​

وبعد قالو مايصير احول من موسيقا لتخصص ثاني ​

قالو تقدرين ادشين تجاري وتحولين وانا مابي تجاري ​

الكل يقوول سمعته خايسه ومادري شنو ​

بليزز ساعدووني واذا بدش تجاري شنو؟​

1- اسهلل تخصص يمكن ارفع فيه معدلي؟​

2-وجم نقاط عشان احول وجم سنه ؟​

3-ويحتاج لأمتحان قدرات ((للعلم ممتحنه بس ساقطه فييه ))​

4-شنو تنصحوني بتجاري واحول ولا موسيقى تربيه اساسيه ؟!​

بليييييز لاتحرموني من ردودكم انتم خواتي لو مو انتو جان مادشيت وقلت لكم عن حالتي :krkrkr:​

 

[KelyAmanii]

وعليكم السلام والرحمه ..

بخير غلاتي وانتي ..؟

انتي ادبي ..؟ ولآ علمي ..؟

جنـآ تربيه اساسيه يقبلون من 75 وفوق !!

لأن رفيجتي السنه الي طافت يابت 74.5 ادبي ، ماقبلوها تربيه اساييه قبلوهآ تجآري !

ماعليج من سمعت التجآري والبنات !! ياما تكلمو عن بنات التربيه الأساسيه

وعن بنات كليتي [ الآدآب ] ، البنآت يمشون ويتكلمون , وبالنهآيه كلآمهم مآ جآب شي !!


بعدي عن تخصص موسيقى مامنه فايدهـ ولو كان تخصص سهل حيل ، شـ الفآيدهـ وهو حرآم !!

اسهل تخصص بـ التجآري سمعت من رفيجتي [ ادآرهـ او ادآرهـ موآد ]

ولازم تجيبين 3 نقآط عشآن تحولين !

 

[M!S.S]

بس يقلون صععب التجااري

وامي عصبت علي توها تقولي دشي موسيقا وانا مابي

والله محتاره

يقلون على الاقل ضمني تربيه اساسيه باجر يرفعون النسب

لانه وحده من اهلى شاطره دشت تجاري يوم انا كنت بتاسع ولحد الحين اهي فيه وميته منه وتقولي دشي اساسيه مادري وربي

 

[KelyAmanii]

بس حبيبتي اللي اعرفه خريجات الأدبي فوق الـ 75 يقبلونهم تربيه اساسيه

وانتي 70 !!

زين بقولج ،

رفيجتي مو شاطرهـ كلش ، تخرجت بـ 69 بالأخير !!

نسبهآ كله بـ الستينات !

مشاءالله دشت تجآري وخذت تخص سهل والله والله والله ان درجآتهآ

مشاءالله كله a و b

عشان بتحول تربيه اساسيه وبالكورس الياي راح تحول اتوقع

شفتي شلون ..؟ مآعليج من يقولج صعب او غيرهـ

كا بكل كليه يقولون صعب وصعب !!

عرفتي غلآتي

وامج اقنعيها ان الموسيقى حرام شنو فايته انج طول الـ 12 سنه

تدرسين واخر شي تتوظفين بـ الحرام !!

 

[amert zmany]

o 3likm alslam
mbrok alnja7
awal shy 7bebty laish tz3lena mnch ??
y3ni ts2len o hm tgolen sm3a o sm3a
7bebty altjari sm3ta 7ala 7al ay koleya fee elshain o ffee elzain
ast'3b ana mn ay a7d yt7cha o ahwa ma ydry 3n shy
3mooman ay a7d ytkm 3n sm3t altjari aw ay koliya thanya ahwa alsbbab fee dmarha
o kelna mtrbeen o n3rf alsa7 mn al '3la6
o ma nnsa ena eldkatra m3rofen ma a3tgd fee doctor yr'9a ydrs bmkan sm3ta shena
bs 7sby allah 3la elly ysh.whoon elmkan
o ahma ma ydreon 3n shy !

thany shy
enty lazm td5len tjari o ensy ena fee nas galelen aladb yt7choon feeh mthl ma '3erhom yt7choon 3n ay mokan thany

enty d5ly ashal t59o9 o yeby m3dal o 7wly TARBIYA
bs lazm mo3dal
l2 tdleen mosega feeha godrat tra !!

nasit
altjari fee godrat english

o salamtch 3> 3>​

 

[M!S.S]

خلاص بنات انا اقتنعت ادش موسيقآ انشاله

بس انا مستغربه نقول حرام ونسمع اغاني ونروح عروس ونلبس بدل ونتمكيج انززين ،، وبعدين خالتي ناظره روضه تقولي

توظفي عندي والوزاره مانعه اغاني يعني اناشيد وجذي

وانا بضمن التربيه 4 سنين وبكالريوس ومعاشي حال حال المدرسه

اما تجاري مابييه حده صعب وامي مو راضيه بطيع كلام امي

ومشكورين وتعبتكم معاي

 

[KelyAmanii]

العفو ولو ..

موفقه غلآتي

 

[lolelicious]

هااي بنات
انزين بالنسبة لأمتحان القدرات حق الموسيقى من شنو يتكون ؟
انا ناوية ادش تربية اساسية ( تخصص موسيقى ) بس حدي خايفة من امتحان القدرات ماني عارفة من شنو يتكون !!
بلييييييييييييييز اللي تعرف ترد علي ضروري !! ما بقى شي على امتحاني :eh_s(11):

 

[^_^NANOSA^_^]

نصيحه لوجه الله يـ اخيتي ،، لا تدرشين التربيه الاساسية موسيقى =)

أنا طالبه في التربيه الاساسية ،، واعرف الكثيـــر عن هذا التخصص وعن الدكـاتره هنآك ،،

علي الاقل درسي شيء ترتاحين فيه وقليج يرتاح فيه ومعاشج يكون حلال لج ولحياتج ولـ عيالج مستقبلاً ،،

لا تختارين شيء يكون سبب هلاكج بـ دنيآج وآخرتج !

مفروض امج تنصحيج ما توجهج لـ الغلط ، عسى الله يهدينآ ويهديج يا اخيتي ،، فكري بـ كلامي عدل ،، ورربي يوفقج ^_*

التجاري ما فيه شيء بإذن الله ،، يا مآ نآآس دخلوهـ وتخرجوآ منه ،، وما حاشهم شيء ولا اثر عليهم شيء ،، الي يلتفق لـ كلام الناس ما يعيش ،،

 

[||89-Ko0okH||]

لا دشين موسيقى نصيحه

انا علمي نسبتي ٦٥

كان عندي موسيقى

تركته ورحت التجاري ع الكورس الثاني وبكورس جبت فوق المعدل المطلوب ٣.٨٠ مشالله تبارك الرحمن العين حق

والتجاري مصخره وتافه وسهل


والحين قدمت ع التحويل وحطيت رغباتي اقتصاد ورياض اطفال ورياضيات
واذا مو عاجبني التخصص اغيره

ومن ترك شي لله عوضه الله خيرا منه



والله يوفقج

 

[فتوشه كويتيه]

موفقه