بنات التربية وعلوم اجتماعية ممكن سؤال

[الكبر للة]

السلام عليكم ورحمة الله وبركاته


كيفكم حبايبي ان شاء الله بخير

طمنوني عنكم


بنات ابي اسألكم سؤال ضروري

ان شاء الله تفيدوني


بنات انا نسبتي 87

وقبلوني فوري علوم اجتماعية وانا ابي تربية

الحين شنو اسوي

اوقف كورس

ولا احول من علوم اجتماعية لتربية

ولا اسحب اوراقي واسجل متأخر


بسرعة فيدوني تسجيلي يوم الاربعاء

 

[LuLu-121]

حبيبتي ماله داعي تسحبين الكورس بس وقت التسجيل قولي لهم انج بتحولين تربية واهما يخارون لج مواد مشتركه بينا وعموما هذي شروط التحويل


5) كلية التربية

*أ-اجتياز الطالب عددا من الوحدات الدراسية لا يقل عن 30 وحدة دراسية ولا يزيد عن 45 وحدة دراسية .
*ب-اجتياز المقابلة الشخصية التي تعقدها الكلية .
*ج- يكون القبول في التخصصات حسب احتياجات وزارة التربية .
*د-يشترط للتحويل إلى تخصص اللغة الإنجليزية اجتياز اختبار القدرات بنسبة 70 % .
*ه-يكون التحويل إلى أي من مجموعتي التخصص في كلية التربية ( تخصصات علمية ، تخصصات أدبية ) ، أما تحديد التخصصات الدقيقة يكون بمعرفة الكلية وطبقا للمعدلات الدنيا التي تحددها الكلية .




اتمني اني فدتج

 

[الكبر للة]

*ج- يكون القبول في التخصصات حسب احتياجات وزارة التربية



غــــلاي

LuLu-121



اشكرج على الرد ونورتي

بس الشرط رقم ج يعني صعب فأسحب اوراقي واقدم تربية احسن

 

[LuLu-121]

مااعتقد لان وااايد بناااات يحولوون عاادي بس نصيحتي لج لا تسحبين اورااقج بس شدي حيلج واخذي مواد تنحسبلج ورفعي معدلج وحولي عندنا وبتنوريين انشالله

 

[Miss.6Mo7]

ان شآءالله البنات يفيدونج .. موفقه

 

[الكبر للة]

غــــلاي

LuLu-121



منوره بوجودك يا غلاااي

غلااااي

Miss.6Mo7


نورتي وبالتوفيق اجمعين

 

[أم منيـرة]

العلـوم الإجتماعيـه ، حلــووه ،
وتقدرين تصيرين مدرسة علم نفس ، علم إجتماع ، جغرافيا < هالمـواد يعني ،

،

والبنات فاادوووج ، وانا اظن ان التحويل بجامعة الكويت عباااااااااله وعوار راس
الله يعينج حبيبتي ،
وعسى ربي يووفقج ،

 

[الكبر للة]

غلااااي

ام منيرة

نورتي بس انا علمي مو ادبي

يعني مالي في التخصصات الادبيه

 

[cherry kisses]

حبيبتي ليش تسحبين اوراقج من صجججججججج ؟؟ ولا له داعي انج توقفين كورس
ماله شغل حووووووولي من الاجتماعيى لي التربيه >>>> الجمله تعور قلبي بس ماراح اقول ليش
وبالعكس ترا التحويل بين الكليات بالجامعه اسهل من الماااااااااااااي
اخذي مواد مشتركة وشدي حيلج بالمعدل وان شاء الله تحويل تربية وياااااااااااااااكثر الي يحولون تربية
وشوفي شنو التخصص الي تبينه اذا رحت تربيه؟؟؟؟
علشان على هالاساس تاخذين مواد مشتركة بين كلية الاجتماعية و التخصص الي تبينه بالتربيه
واول كورس اخذي مواد مشتركة بين كل الكليات

 

[المـــــها]

مرحبا حبيبتي

اخذي مواد مشتركة
و إن شاء الله بعدها تحولين
و تنورين التربية

 

[الكبر للة]

بس قهر انا نسبتي قبول فوري مفروض تربية

 

[الكبر للة]

ومنووووووووورة بوجووووودكم

 

[المـــــها]

شلوووون !!

انتي مو حاطتها رغبة أولى ؟؟؟؟

 

[الكبر للة]

لااااااااااااااا

حطيت علوم اجتماعية قبل التربية

بس ما توقعت يقبلوني علوم اجتماعية بس

غيرت رايي ابي تربية اريح

 

[المـــــها]

حسااااااااافة


ضيقتي خلقي



شوفي اهو التحويل عادي تقدرين تحولين
بس ليش ما تسالين هناك بالعمادة أحسن ،،،،

 

[أم منيـرة]

الكبـر لله ،

عادي حبيبتي ، أنا علمـي ، وبكلية العلوم الإجتماعية ، بالعكس والله سهـالات ،
انا رايي انج تكملين فيها ما تدرين يمكن خيره ،
واذا انتي مصره تبين التربيه روحي أسئلي بالشويخ عن المواد المشتركه بين الكليتين ، وعسى ربي يوووفقج ياغلاتي ..

 

[cherry kisses]

عادي ليش ضايق خلقج؟
ترا واااااااااايد سهالات الموضوع ليش شايله هم ترا انتي الحين جامعيه و ان شاء الله بتدشين الجامعه وحدج راح تستانسيييييييين
لانه حياة الجامعة حلوووووووه
وصدقيني ترا التحويل سهالات لا تحاتين وتضيقييييييين خلقج

 

[الكبر للة]

هلا وغلا منورين


والله كلامكم يشرح النفس

مشكورين حبايبي

 

[||Miss Shiny||]

نصيحة اسحبي اوراقج وقدمي تسجيل متأخر واذا ماقدرتي قدمي الكورس الثاني


انا صارلي سنة وصيفي بالجامعة للحين ما حولت لازم بعد الصيفي لان شروطها 30 وحدة وفوق وضاعت علي 9وحدات يعني 3 مواد نصيحة اسحبي وقدمي عالتربية لان صج معاناة وتعب

إسالي مجرب

 

[الكبر للة]

طيب متى التسجيل المتأخر

مشكورة shiny girl

نورتي صفحتي والله يحقق اللي في بالج