بنات التاسع وهمن الثامن حياكم ...

[n-h-m]

السلام عليكم

كروشات الله يهون علينا وعليكم ويرزق كل محرومه يارب


زهبنا اغراض البيبي والسرير وعدة الاستقبال بالمستشفى والحلو والادويه وجنطة المسشفى بس في شي حبيت اذكركم فيه وانتو بعد ذكروني

اشرايكم انزهب اغراضنا مالت بيت اهلنا وانا بكتب كل شي زهبته عشان ماانسى

لاتنسون خلطاتكم اخلطوها من الحين وحطوها بغرشتها
اخذي امطه قديمه وترنق ودلاغ قدم حق التدهن
اذا عندج طفل او اكثر لاتنسون العابهم المفضله وديفيدياتهم مو ناقصين حنه وبجي وادويتهم واذا من النوع الي يحتاج الكمام لاتنسينه
شحن الكاميرة سواء فديو او فوتغراف
مكياج بسيط ودهن عود حقج وحق البيبي
حطي اغراض اعيالج بجنطه وملابسهم الداخليه وكل مابقو ايبدلون ايطلعون منها والنظيف المغسول والمكوي يرد بالجنطة بعد اذا ولدتي بتعل قلبج الخدامه بتحط وتنسى او بطرشينها البي مليون مره على شغلات بسيطة ، واخذي وخصوصا حق البنات بدلتين ع الاقل كشخة مع الله يعزكم احذيتهم وشباصاتهم عشان اذا يولج عماتهم او خالاتج او ابوهم بيطلعهم وباجي الملابس اخذي تيشيرتاتهم وجنزاتهم حق الكراف واللعب انتي موفاضيه لهم اتعابلين وراهم ويدمرون الملابس ، واخذي حق البنات شباصات من ابو اميه السيور الملونه وهالسوالف عشان اذا ضاعو مايعورون القلب بعد حسافه .

انا عن نفسي اخذ اسشواري الهوا معاي حق نشيف الشعر بيت اهلي ميتعاملون الا مع الاستريت
شحن التليفون
وطعا اغراض الجمعيه (فرشاة-معجون-صابون اللوجه-صابون والشاور للجسم-كوتكس-سنفراتج-كريماتج-خلطاتج)
ديباج عادي حق البيت
الملابس الداخليه (السراويل بأنواعها-الدلاغات شفافه او ثقيله-ستيان الرضاعة والستيانات الخفيفه-ملابس حق البيت وامطا وملافع)
سيديات القرآن وخصوصا البقرة وتكون بشكل يومي شغاله
وانتو ذكروني واذا ذكرت شي بحطه


همكم كروشات​

 

[_Pure_]

انا عشان هالحوسه و اللويه كلها قررت اقعد فبيتي بالنفاس


ان شاءالله البنات يفيدونج

 

[أحلى الألماس]

اي والله صااااجه بس اعرف نفسي
لااااابد انسى اشياء في بيتي
مشكووووره

 

[rora_q8]

والله انا نفاسي كان في بيتي
لان والدتي متوفيه واريحلي بيتي

 

[انصاريه قمره]

الله يسهل علينااا ويعدي النفاس على خير

 

[miss-winter]

الله يسهل يارب علينا انا للحين مادري وين انفس بيت اهلي وله ريلي ؟؟ وللحين ماخلصت جهاز حدي حووسه

 

[Miss Golden]

انا بجر من جذي شي طبيعي نفاسي بيكون فبيت اهلي.. خصوصا اني اكبر وحده من اخواني و اولهم تزوجت


خوش موضوع الصراحه.. ماقصرتي حبيبتي :tek:


الله يسهل علينا كلللللنا ان شاءالله

 

[..’’ياقلبـك الخوّاف’’..]

بنات لاتنسون البناطيل اللي تحت القمصان تلقونها بالاسواق الشعبيه ..ترى الشتا جاي وبتخلص ..لحقو اشتروها

 

[n-h-m]

ذكرت زهبو مسج الولادة وظبطو المجموعه الي بدزون لهم المسج

ولاتنسون الة شفط الحليب ويفضل اليدويه مانشف الحليب
وانا حط بغرفتي الة تعقيم المميات عشان على عيني ماخذتها من مذركير
وغلاية الماي عندي بشقتي اخذها بعد مع اغراضي
ولاتنسون كتاب حون ترونه او مجلات حق ضيقة الخلق

 

[لوكي 22]

مشاءالله كل شي ذكرتيه ماقصرتي
يعطيج العافيه
اذا ذكرت شي بحطه بالموضوع ان شاءالله
واستفدت واايد ماقصرتي

 

[miss_q8ya]

انا بجريه بعد او وايد راح يفيدني هل موضوع

يعطيج العافيه وبانتضار باجي الاغراض

والله يقوومنه بالسلامه يارب

 

[NauGhty nuRse]

راح اكوووون فبيتي اريح لي
وماقصرتي علي الموووووووووضوع

 

[ناتشوو]

يعطيج العافية

 

[لوكي 22]

اب
اب

 

[فوز فواز]

الله يسهل علينا الولادة ان شاء الله ويعطيج العافية

 

[n-h-m]

اليوم ولله الحمد زهبت الجناط وخلصت بس خليتهم امطلين سبحان الله انسى شي


الفال لكم

 

[*ريما*]

رد : بنات التاسع وهمن الثامن حياكم ...

انا والله ولادتي كانت مفاجئة
علشان كذا ماجهزت شي
بس الموضوع حلو ومفيد
يعطيك العافية

 

[آهات الليل]

رد : بنات التاسع وهمن الثامن حياكم ...

يسلمووووووووووو
انا نفاسي ابيتي ان شالله باجي الكروشات يستفيدون

 

[حكستار]

يسلمو

 

[ماكنتووشه]

والله عن نفسي لو امي موجوده وخواتي عندي انفست عندهم

لاكن اللهم لاعتراض امي توفت وخواتي كلهم متزوجين

فطبيعي انفس في بيتي