بنات الأساسية تخصص عربي دشوا ضروري

[أحلى عسل]

بنات أبي أحول تخصصي إلى اللغه العربيه

تنصحوني ولالا ؟؟ بلييززز ردوا عليي محتاره حيل

 

[بنوتة طموحة]

هلا حبيبتي

أنا تخصصي عربي سنة ثالثة

أنصحج أو ما أنصحج هذا شي يرجع لج انتي

أذا تحبين التخصص وتقدرين عليه كملي وحطي في بالج أكو نحو 1 و 2 و3

وأكو أدب جاهلي وإسلامي وعباسي وحديث

هذا طبعا غير النقد والبلاغة وقاعات البحث الأدبي واللغوي

بعدين تعالي للمساند يا إسلامية أو اجتماعيات

ممكن أكون خرعتج بهالكلام لكن فعلا ما أحب يصير فيج مثل ما صار برفيجاتي

مساكين كل همهم هالمعدل وانه ماينزل عن النقطتين عشان ما يشلخونهم إنذارات

لكن أيضا ع الجانب الثاني أنا الحمدلله ماشية بالتخصص زين لأني أحبه وأستمتع ببعض المواد

علشان جذي فكري وايد واسألي غيري

وشكرا

 

[أحلى عسل]

مشكوووره ما قصرتي والله ..

بس انا حالياً مساندي عربي .. يعني باخذ اغلب المواد اللي تبون تاخذونهم .. انا حيل خاطري بس متردده وخايفه ..

ما قصرتيي ونورتي بردج :*

رايكم بنات ؟؟

 

[أحلى عسل]

up

up

 

[بنت نونو-11]

ماعندي فكـره

الله يوفقج

 

[كيوت كويت]

السلام عليكم ورحمة الله وبركاته

انا ما نصحج تحولين حق تخصص اللغة العربية لانه حيييييييل تعب حتى بالوظيفه و انا انا صارلي سنه متخرجه و الحمد لله على كل حال تعبت في الدراسه و بالوظيفه كل شغل بشغل ...
و اخير شي انصج تستخيرين ربج لانه من استخار ما خاب .... بالتوفيق يارب

 

[أحلى عسل]

مشكوووووره حبيبتي عالرد ما قصرتي ..
الله كريم

 

[مارلينq8]

انا تخصصي عربي سنه3 ماانصحج تعب ودراسه ومليق وكل همي هالمعدل بس ابي اتخرج والله مواد تكرهين عمرج الناس تبي الفكه وانتي تبين تحولين

 

[أحلى عسل]

ويييه الله يعييين !!!

ثانكس حبيبتي

 

[سدددن]

شنوو هالاحباااط ؟؟؟

بالعكس التخصص حلووو

واذاا انتي تحبين التخصص و متقبلته حوولي

و اهم شي استخيري قبل

و اختااري الدكااتره الزينين و استمتعي بالمقرر

انا سنه راابعه لغة عربية

و من اول ما سجلت بالكلية مختااره اللغة العربية

و ماا فكررة احوول

بالتووفيييييييج

 

[أحلى عسل]

حبييييييييبتي والله مشكوووره عالرد
ومشكوووره على كلامج وعالمرور نورتي والله .. الله يوفقج ويسهل عليج :*

 

[ستروبريه]

واللللللللللله لاتفكريييييين الكل يبي ينحاش من العربي صراحه متعب وايد واغلب دكاترتهم مو شي وتعالي حق التدريس تطلع روحج 18 حصه بالاسبوع غير التوجيه انصحج حوولي ماده غير اساسيه عربي مع زوج وعيال وبيت وانبط راسي انشالله بحول ويييييييييييييع والله يوفقج ياااااارب

 

[مـزآج ــــية]

هلا حبيبتي


انا كنت حولت لغة عربية

شوفي اهوا التخصص مو سهل يبي له دراسه و مجابل

اذا انتي تحبين راح تمشين بس اذا نوعج ما تدرسين اول باول ما راح ينفع صراحه

لانه المواد دسمة ماخرعج انا الحمد الله ماشيه عدل الحين انا ثالثة

بس يبي لج تهتمين بالمواد


و استخيري

و عسى الله يوفقج