بنات اعتبروني اختكم وانصحوني

[شوقني ياشوق]

السلام عليكم ورحمه الله وبركاته


انا متزوجه من سنتين بالضبط
جربت اعشاب شهرين للحمل
جربت كلوميد وابر تفجيريه 3 شهور
عالجت التكيس ونظمت هرمون الحليب
وماصار حمل



انا اليوم ثاني يوم دوره



انصحـوووووووووووووووووووووووني شسوي

 

[cute_batoota]

اهم شي النفسية لا تفكرين بالموضوع وايد توكلي على رب العالمين وواضبي على الاستغفار ثم الاستغفار ثم الاستغفار والدعاء واقري سورة البقرة كثر ما تقدرين والله يرزقج الذرية الصالحة ياااارب ويفرح قلبج اللهم آميييييييين*

 

[DO7AWE]

انا مثلج
الله يرزقني وياج وكل محرووووومه ����

 

[شوقني ياشوق]

امين ربي يرزقنا اجمعين

جزاكم الله خير عالرد

 

[ابدا يالغالي مانساك]

انصحج تستخدمي عشبة المدينه
وخلطة الرويس للحمل
وربي يررررررزقج ان شالله دامج ثاني يوم دوررررره

 

[halafh]

مساء الخير أختي بصراحة أنا الحين أرجع عند الدكتور حازم الرميح مستشفي دار الشفاء والله سمعت يقولون وااايد زين ودقيق بالعلاج روحي والله يرزقج يااارب ،،،

 

[بانانا]

الله يرزقج حبيبتي
شوفي لااا تفكرين واايد
قولي يارب وتناسي الموضوع

 

[SHD ..]

لاتفكرين واجد وادعي الله مايرد من يطلبه

 

[قلوس وردي]

التفكيييييير
اهم شي لا تفكرين حاولي تشغلين نفسج
واكثري من الدعااااء والاستغفار
الله يرزقج يااااارب

 

[اشلون يعني &]

سوي باجر حجامه. ترى تساعد على الحمال
وعشقه البرقدوش اكلي منها تنظم الهرمونات عندج

 

[شوقني ياشوق]

جزاكم الله خير ياعمري
ما اترك الاستغفار وكل مالقيت وقت اقرا سوره البقره وادعي الحمدالله


Rana10
بالنسبه للحجامه المراه كل شهر يطلع الدم الفاسد من جسمها
وهي افيد للرجال لان ماتصير لهم دوره نفسنا
والبرقدوش عندي حيل حلوه نظفت بطني عدددل


ابد ما انساك يالغالي
امس كنت اقرا عن عشبه المدينه ونويت اشتريها بس عادي باجر رابع يوم؟
وانا باليوم الخامس اطهر!!

قلوس وردي + Shd... + بانانا
جزاكم الله خير مافكر بس لازم ما اقعد واسكت بعد
الله كريم جزاكم الله خير ياقلبي


Halafh
انا اراجع عند فوزيه القطان اشهر من نار على علم
والله الرازق سبحانه
جزاج الله خير ياعمري

 

[سعودية بالكويت]

أول شيء أنتي أخت غالية وعزيزة ياقلبي ودامج نظمتي هرمون الحليب​

وعالجتي التكيسات وأمورج أوكي حمدي ربج​

إن ماعندج الحين أي مشكلة تمنع الحمل يعني بأي لحظة​

بأمر الله بتحملين ثاني شيء أشربي يانسون وماي زمزم​

ودهني رحمج أيام الدورة بخلطة الرويس وتصدقي وأدعي ربج​

وعلييج بسهام الليل قيام الليل وربي مايردج​

ممكن أسألج شلون عالجتي التكيسات وعند منو أنا مجننتني هالتكيسات​

ربي يرزقج ماتتمنين ويعوض صبرج خيييير اللهم آمييين​

 

[شوقني ياشوق]

اجمعين اللهم امين
جزاج الله خير
عالجت التكيسات مره باعشاب اهتميت بالدوره حيل
قرنفل مع القهوه واشرب دارسين ونسيت بعد اممم لهوم من حرمه وطبيخه ونزل الكيس
هالسالفه قديمه وراح الكيس الحممممدالله
وبعدها بسنه رجعلي كيسين كبار ٤ سانتي عطتني الدكتوره مانع ياسمين شهر نشفتلي الكيسين وراحو
وترا للحين فيني تكيسات صغيره حيييل صوب المبيض بس تقول دكتورتي ماتاثر عالحمل
واللي سمعته يقولون تاثر لازم منظار اشيلهم!!!!!!!!

 

[سعودية بالكويت]

تسلمين ياقلبي ماقصرتي بس اللي فهمته منج فيج أكياس مو تكيسات

لأنهم يفرقون عن بعض أنا اللي فيني تكيسات صغيرة على المبيضين

جنب بعض هذي عبارة عن بويضات مانزلوا تجمعوا جنب بعض فوق

المبيض

ربي يشفينا جميعا ويرزنا هالشهر يارب​

 

[جنون الهوى]

الله يرزقك ويرزقنا بالذريه الصالحه​