بنات استفسار عن وزاره الخارجيه؟

[chelabteen]

قوووة بنات شخباركم

بنات بستفسر عن الخارجيه حق زوجي


اذا كان شهادته بكالوريوس محاسبه يقدر يتوظف بالخارجيه ؟؟؟ هم لو واسطه يصير؟ ولا بس الخارجيه لازم علوم سياسيه؟؟؟

وحابه استفسر بالنسبه للسفارات لكويتيه بره يقدر بعد فتره يروح بره يتوظف بالسفارات ؟ على شهادته المحاسبه ولا لازم يكون علوم سياسيه؟؟ وشنو مميزات اذا كان موظف بره باحد السفارات لكويتيه؟؟

ياريت اللى عنده فكره عن الاستفسارات تفيدنى وشكرا

 

[Dlool Al7lwa]

صباح الخير حبيبتي انا موظفه بوزاره الخارجيه اي يقدر يقدم وزاره الخارجيه مو شرط علوم سياسيه وبالعكس تخصص محاسبه له مستقبل حلوو اول ما يشتغل معاشة يصير 1050 بعد سنه اذا خذا امتياز يطلعونه سفاره برا يصير ملحق اداري مو دبلوماسي طبعا من مميزاته معاش يزيد واذا متزوج يعطونه بيت ووياخذ معاه مرته واعياله ودراسه اعياله على حكومه وجنى سمعت الحين بيعطون بعد معاش حق زوجه دبلوماسي ولاداري حبيبتي خل يتوكل على الله ويقدم بس لازم يكووون عنده واسطه قويه وباب توظيف يفتح شهر 9
ان شاء الله اكون فدتج واي شي تبين انا بالخدمه حبوبه

 

[chelabteen]

صباح النور حبيبتى مشكوووووووووووووووره وااايد

زي استفسار الجواز هم دبلومسي يصير اذا راح بره ؟ ولا عادى ؟ وشو طبيعة الشغل بالسفاره الخارجيه هنى بالكويت ؟

 

[Dlool Al7lwa]

هلا وغلا حبيبتي العفوو ما سويت شي اي يصير جوازه دبلوماسي بس اذا رد الكويت يعني رد حق وزاره الخارجيه الي بالكويت ياخذون جوازه دبلوماسي يعني يرد جوازه عادي وطبيعه الشغل بوزاره الخارجيه محاسب يصير بس شغله وايد حلوو وفي مراقبه البعثات وايد زينه حق تخصص محاسبه وايد زينه