بنات اذا سويتوا لزانيا او معكرونا بشاميل تحسوون باللي احس فيه؟؟

[q8dvd2000]

السلام عليكم
شلونكم بنات
بغيييت اسالكم


بنات انا لما اسوي لزانيا او معكرونا بالبشاميل احس اول ما اطلعها من الفرن ان طعمها مو ذاك الزوود والبشاميل وايد سااايل,, بس لما اخليها بره جم ساعه او اخليها بالثلاجه لي ثاني يوم يصير طعمها ولا اروووع
وجامده جنها مالت المطاعم
انتوو تحسون بهالشي بعد؟؟؟

انا اسمع ان اذا سوينا اللزانيا لازم نخليها فتره قبل لا ناكلها ,,, انا اخليها جذي نص ساعه وهمم سايله
بقعد انطررر جم ساعه يعني قبل اكلهاااااا :eh_s(10):


ومشكورين فديتكمم :eh_s(7):

 

[فانتا ستروبري]

اي صح انا بعد بثاني يوم تصير احلى لاحظت هالشي
​

 

[q8dvd2000]

يعني الحين اذا بناكل لزانيا نسويها من بليل مثلا؟؟؟

 

[noynoy]

انا اسويها بالليل و ما ادخلها الفرن احطها بالثلاجه
و من باجر الظهر اوبالليل ادخلها الفرن و بس

 

[عاشقه رويشد]

اي صح انا صراحه ماجربت اسوي لزانيا بس اليوم ماكلتها وشوي البشاميل خفيف بس لما اتم فتره يتغير يصير ثقيل

 

[حساسة مصر]

احنا نطلها ونجهزها و نحطها ع الفرن

مانستناش وعادي طعمها عادي

 

[dnyay_mll]

لاحبيبتي البشاميل مو مظبوط عندج
هذي مقادير البشاميل

4 اكواب حليب سائل
6 ملاعق طحين ابيض
ربع كيس جبن موزاريلا صغير او 4 ملاعق جبن كرافت
ثلاث ارباع قالب زبده صغيره

حطي الزبده بجدر عالنار ولما تذوب حطي الطحين
حمسيه دقيقه بس على نار هاديه
وبعدها حطي الحليب وحركي عدل
لما يثقل شوي حطي الجبن
وحركيه لما يوصل الثقل اللي تبينه
تقدرين تضيفين نص حبة ماجي
وتقدرين تضيفين بيضه

وحطيه على المكرونه او اللزانيا
انا اسويها واقدمها على طول

 

[مهرة الدياحين]

ماتطلع بايتة

 

[رغوة لوكس]

حنا ناكلها مباشرة وهي ساخنه .

 

[جارة القمر]

أنا نفس noynoy

 

[q8dvd2000]

مشكوووورين بناات

وانا البشاميل اللي استخدمه بشاميل ماجي الجاهز

 

[مزيـانه]

حبوبة البشميل عندج مو مضبوط

يا انه حليبج زايد .. أو انج ما تخلينه على النار لما يصك

لازم اذا خليتيه على النار يصير خاثر .. بعدين تصبينه على اللزانيا أو المعكرونيا

 

[الأميرة جوري]

المشكله نحب ناكلها حاره ماجربتها شبه بارده<<<بجرب

 

[ام الدرر]

حبوبة انا استعمل بشاميل كنور
مقدار الحليب عالكيس زايد قلليه
بس ما احب طبقة البشاميل يامده
الكل عندي يحبها سايحة بس مو وايد​

 

[naNaii]

يمكن مثل ماقالوا البنات المقادير مو مضبوطة

 

[الحنونهـ]

خلي الخلطه ثقيله.,,

 

[BoZo]

لاحبيبتي البشاميل مو مظبوط عندج
هذي مقادير البشاميل

4 اكواب حليب سائل
6 ملاعق طحين ابيض
ربع كيس جبن موزاريلا صغير او 4 ملاعق جبن كرافت
ثلاث ارباع قالب زبده صغيره

حطي الزبده بجدر عالنار ولما تذوب حطي الطحين
حمسيه دقيقه بس على نار هاديه
وبعدها حطي الحليب وحركي عدل
لما يثقل شوي حطي الجبن
وحركيه لما يوصل الثقل اللي تبينه
تقدرين تضيفين نص حبة ماجي
وتقدرين تضيفين بيضه

وحطيه على المكرونه او اللزانيا
انا اسويها واقدمها على طول

ايي انا اسويها مثل طريقتج و ناكلها على طوول اول ماتطلع من الفرن و تكوون لذييذه

يعطيج العافيه :eh_s(7):

 

[الجازي@]

مقادير البشمل مومضبوطه

 

[LuLiTa]

في بيتنا اول ما انسويها يكون طعمها احلى فـ ناكلها على طوول ... و لما اتكون بايتة ما اتكون حلوة !

 

[ورده ولا كل الورود]

الخلل فى خلطه البشاميل