بنات اذا خطبج واحد مطلق أربع مرات تقبلين أو لأ؟؟ أبى خبرتكم ورايكم

[ساره فهد]

السلام عليكم

مرحبا بنات عفيه ابى مشورتكم أنا وحده مطلقه وخطبنى واحد مطلق أربع مرات والناس حيل يمدحونه وسمعته بين الرياجيل والنعم فيه ومنصب ودين وأخلاق لكن شنو مشكلته مع زوجاته مادرى ؟؟؟ واستخرت كم مره ولاحاسه بشى وحدى خايفه
بالاول رفضت وقالو لى أهلى فكرى مع العلم ان عمرى 30 سنه فشنو تنصحونى فيه

 

[شقرديـه عالطل]

دام الكل يمدحه واذا انتي مرتاحه من صوبه ولاقلبج قارصج توكلي على الله مو شرط فيه العيب وحبيبتي هذا نصيب ويمكن انتي اتكونين الثابته
والله يكتبلج اللي فيه الخير يارب

 

[منيرة خالد]

انا ما اعترض على المطلق >>> لكن اربع مرات فيها إن >>> لازم تسألين وتعرفين اسباب الطلاق هالشي من حقج


والله الموفق

 

[randomy]

وايد اربع مرااات

 

[أهداب]

رد : بنات اذا خطبج واحد مطلق أربع مرات تقبلين أو لأ؟؟ أبى خبرتكم ورايكم

8 لادام مطلق اربع مرات فالعيب منه مو من الحريم
ويمكن معاملته مع الرياييل غير فمن جي يمدحونه
اذا انتي مطلقه وشايفه انج بتستحمليين وتعيشين معاه وتطوفين وافقي
الله يوفقج يارب

 

[mlakiya]

مع كلام اختي اللي فوقي :> ماكو مشكله بالطلاق بس اربع مرات اكيد في ان

 

[فله غير]

رد : بنات اذا خطبج واحد مطلق أربع مرات تقبلين أو لأ؟؟ أبى خبرتكم ورايكم

وش دعوه تبيني اسير الخامسه معصي ثم معصي​

 

[blue diamond]

ماكو مشكله انه مطلق بس اقول ستوب لأربع مرات وستوب انه طلق 4 مرات
لو انا منج اروح اسأل مطلقاته الاربع شنو سبب الطلاق لان محد يعرف الريال إلا مرته الا تعاشره لا ربعه ولا اهله

وهم اصلي استخاره

 

[شقرديـه عالطل]

بس صح لازم تسالين عن الطلاقات ويستحسن مطلقاته

 

[الكادي 2011]

اربع مرات لازم تعيدين حساباتج يمكن مع الناس غير وبالحياه الزوجيه غير

 

[كراميلا مرة]

احس اربع مرات وايد
اكيد فيه ان واخواتها بعد
شوفي حاولي تسالين مطلقاته ليش يمكن فيه شيء بس مايبين الا بالمعاشره

 

[ذهب ابيض]

البيوت اسرار ومحد يعلم شنو اسباب الطلاق وواجد المظلومين من بنات وشباب

استخيري وشوفي شيصير معاج

وحاولي تسألين احد من طرف زوجاته عن السبب

واعرف واحد الحين اخذ السادسه والعيب منه وماكو مره تقعد عنه

واعرف بعد واحد مطاق اربع نفس حالتج والعيب من الحريم واخذ الخامسه وهي ام اعياله

 

[[[ عيون جابر ]]]

4 مرات تخرع شوي
لاتستعيلين استخيري وسألو عنه حاولو تعرفون سبب طلاقه
وربي يوفقج ويسهل امورج

 

[Deeda]

رفيج أخوي تفركشت 3 مرات
و دايما مسكين هو المظلوم و الكل يمدحة يصلي بالمسيد وأخلاق


بعدين أنا يوم قلت لأخوي بخطب له المسكين
فضحة و عرفت الغمندة

طلع الأخ يكلم وحدة و على قولته كاسرة خاطرة مو راضي يتزوجها لانها فلتانه
ولا راضي يهدها لأن كاسرة خاطرة

و كل ما تزوج وحدة طاحت عليه ينت و استخفت و زعلت و تغيرت معاملتها معاه
المشكلة إنها راضية فيه بس نفسيتها تصير زفت و عاد شوفي
اللي ما تحاجيه و اللي ما تاكل و كل ساع طايحة رايحة المستشفى

عاد هذا قوم طلق لأن زوجتي صارت ما تعاملني زين

ما تشوف انت شمسوي بالأول !!



أنا ما أقولج اخذيه ولا لاتاخذينه
إنتى أدرى بظروفج و إذا ممكن أحد أحسن منه يتقدم لج ولا لأ

بس أنا أقول لا تتسرعين
اعرفي عدل ليش طلق كل وحدة

من حقج

و خل هو يعرف ليش انتي تطلقتي من حقه


قعدو مع بعض و كل واحد يقول اللي عنده
و انتي شوفيه اذا كان من النوع اللي دايما يحط الغلط على حريمه
خافي منه .. لأن لي غلط بأي موضوع ..انتي بردة فعلج بتكونين غلطانه .!. المفروض حتى لو خربط إنتي بس ترضين


إنتي كونج مطلقة أدرى إن مو شرط يكون الانسان سيء عشان يكون مطلق
بس أنا أقولج ... كوني حريصه .. كوني ذكية .. لا تاخذ العاطفة


و الله يكتب لج الخير يا رب
و ييسر لج أمورج

 

[مشتطـه]

يمكن اهو معقد من الحريم


صيري خوش مرا بعينه وتوكلي على الله

 

[منوووورة]

قويه اربع مراااات الله يعييينج استخيري ولازم تعرفين السبب

 

[ولهااااانه]

اسألي عنهـ أكثـر والله يوفقج ان شاءالله

 

[لوازم العائلة]

استخيري

 

[Gourges]

اول شي كتبت لا


بس بعدها فكرت


يعني انتي مو صغيره والعمر يمشي ... والفرصه طبعا بايد رب العالمين ولكن .. احنا نعرف مجتمعنا .. صعب شوي ...

المهم انا اقول استخيري .. مره ومرتين وثلاث وسوي الي تشوفينه عدل ...

واهم شي تعرفين ليش طلق الاربع

 

[الشهد كله]

حبيبتي انتي قعدي معاه وشوفي طريقة كلامه وأسلوبه وسأليه عن أسباب الطلاق في كل مرة

إذا حسيتي إن في كلامه لف ودوران معناته العيب فيه :rerrerek:

وإذا حسيتي إنه فقير ويكسر الخاطر فالعيب في الدرزن اللي ماخذهم :gr4uu: وانتي عليج الإستخارة ​