بنات اختي بورطه

[للاناقه عنوان]

بنات الله يجزاكم خير ساعدوني بحل هالمشكله اختي شهادتها ثانويه عامه وقدمت ع الديوان اقبلوها بالتربيه وراحت اهيا وزوجها وقعت الاوراق وكل شي وسوت الفحص الطبي بس ماطلعت النتيجه للحين المشكله ان وظيفتها منفذه خدمه وطبعا لما سالتني قلت يعني مسؤلة الفراشات قامة تبجي ماتبي هالوظيفه شالدبره الحين ساعدوني ومستحيل يخليها اخواني وزوجها تتوظف هالوظيفه ولا يهونون اصحاب هالوظيفه بس لكل عائله شروط

 

[للاناقه عنوان]

يعني اللي اقصده تطنش ماتداوم اخاف تروح عليها الفرصه بوظيفه حكوميه او ترفض الوظيفه عادى والاوراق اللي وقعتها

 

[shayoma89]

اختي اظاهر انتي فاهمه الوظيفه غلط لانه هالوظيفه مو حق كويتيين تاكدي اول .. واااذا ماتبي الوظيفه سهله تستقيل وبس وتقدم على الديوان عشان يرشحونها مكان ثاني

 

[shayoma89]

هذا شرح عن الوظيفه "بالنسبه لمنفذ الخدمه بالمدرسه يكون مسؤول عن النشرات المدرسيه يعني يفتر بالنشرات ويخلي الهيئه الاداريه والتعليميه يوقعون وهم بعد يكون مسؤول عن عاملين النظافه ومتابعتهم باعتقادي ان منفذ الخدمه وظيفته تعتمد على مدير المدرسه شخصيا ... وللعلم منفذ الخدمه يداوم قبل الهيئه التعليميه باسبوع هذا شهر تسعه قبل الدوامات عشان متابعة عاملين النظافه""

هالوظيفه حق متوسطه .. اختج شهادتها ثانويه خليها تاخذ دوره ادخال بيانات عشان تساعدها بالوظيفه .. وخليها ترفض لانه مو خوش وظيفه ..

شوفي شركة الغانم طالبين توظيف ورواتبهم عاليه .. و عندج بعد مجموعه الملا خليها تودي سيره ذاتيه مكانهم في شويخ واذا يبون موظفات يكلمونها .. دام الفحص ما طلع يعني اهي مو موظفه لي الحين لانه ما تعتبر موظفه الا لما تاخذ الفحص.. فخليها تتلاحق نفسها وتروح الديوان وترفض الترشيح عشان يرشحونها مكان ثاني .. و خليها تروح التربيه وهم تعطيهم خبر انها رفضت الترشيح .. وان شاءالله ربي يوفقها بوظيفه احسن من هذي ربي يسهل عليها .. لا تتنازل وتقبل باي وظيفه لانه اهي ثانويه يبونهم للتوظيف رفيجتي ثانويه ومتوظفه بالبترول ماشاءالله راتبها 1000 و شي ووظيفه روووعه ..

 

[1001]

حبيبتي الحين شهادة الثانوية ماتنفع وفعلا عندي موظفات كويتيات بوزارتي موظفات خدمه شهادتهم ثانويه
خليها ترفض
وتاخذ دورة 9 شهور كمبيوتر او سكرتاريه
تضمن وظيفة محترمه

اذ قدمت مره ثانيه بشهادة الثانويه ماراح تحصل وظيفه زينه وراح تتعب نفسها

ترى 9 شهور تمشي بسرعه وتتوظف بسرعه

 

[للاناقه عنوان]

مشكورات حبايبي علي هالمعلومات ماقصرتوا بس بالنسبة للاوراق اللي وقعتها عند التربيه انها اقرت انها تكون موظفه بالتربيه عادي هالشي اذا رفضت

 

[shayoma89]

اهي ةقعت انها تتوظف و ماتبي وما طلع الفحص فعادي ترفض من تلديوان وتعطيهم خبر

 

[1001]

عادي
تسوي رفض بالديوان وبس
إحتياطا إذا عندها اوراق راحت للوزارة خليها تسحب الاوراق لان ساعات يكون بين الاوراق صور شخصيه فتسحبهم احسن

 

[للاناقه عنوان]

جزاكم الله الف خير ماتدرون شكثر كلامكم شال الهم عنها وعني

 

[غـلآوي ّ ~]

حبيبتي تقدر ترفض و اذا حطوهآ بالمنطقه التعليميه تشتغل عادي مو مسؤولة فراشات

تاگدي اول وين حآطينها و ان شاء الله خير

 

[الطااااائر]

الله يعطيك العافية

الله يعطيك العافية