بنات احسني ضايعه اتخبط يمين ويسار انصحوني اروح لها

[lucky]

بنات صارلي اربع اسنين ماحملت علي بجري يمكن لاني جبت بقيصريه وزاد وزني لدرجه مو طبيعيه 115 كيلو اول معاناتي بدت لما طلعت من الاربعين اكلت حبوب مانع من كيفي لمدت شهرين ونص وقطعت نص العلبه خصبقت عمري بعمري تلخبطت الدوره لان حبوب المانع تنظمها وهي اساسا هرمونات وعفست نفسي ومرت سنه ماتنزل الدوره اقعد7 شهور وانزلها بحبوب وترد تنقطع وارد انزلها بحبوب المهم قررت اراجع دكتوره كويتيه اسمها هند قالتلي حبوبه نزلي وزنج انتي معاج تكيس وضعف مبايض وعطتني كلوميد وابر منشطه وتفجيريه ومره ومرتين لين مليت منها وتشامت وقلت خلاص ماني مراجعتها بغيرها وبعدين رحت لناهده العلي ونفس الشي وغيرتها وبعدين رحت لفوزيه القطان ولالما رحت افتح ملف هناك عيو بنات الرسبشن يدخلوني عليه لازم اول شي تدشين علي اي دكتوره عنده بعدين ثاني مراجعه ندخلج عليها قلت اوكي راضيه ودخلوني علي ريم الصافي ايام ماكنت اهناك الحين راحت عياده ثانيه المهم دخلت علي ريم نفس الكلام تعبت اريح واكمل

 

[lucky]

المهم قلتلي نفس الكلام بضبط تكيس ضعف زياده وزن وقالتلي نزلي وزنج وفحصتني وقلتلي رحمج مرتفع واينفع معاج الا تلقيح صناعيي وسويت تلقيح علي فكره للحين مادخلت علي فوزيه قلت خنكمل عند ريم لان البنت الي برسبشن قالتلي انهم نفس الشي ونفس الدراسه المهم سويت تلقيح وماحملت واذكر اخر مراجعه جيتها قالتلي انا بروح عياده ثانيه تعالي وجيبي ملفج معاج نبلش اهناك انا طبعن سحبت عليها اهي وعيادة فوزيه بكبرها وطبعن كل العيادات الي راجعتهم قطيت فلوس قطموطبيعي تحاليل مالها اول ولاتالي المهم انهرت انهيار موطبيعي كرهت الحياه بكل معنيها تبهدلت الي يشوفني يقول هاذي موبالعشرينات بالاربعينات

 

[om-7amod]

الله يعوضكم يارب ويكتب لكم عاجلا غير اجل

 

[lucky]

قعدت فتره نقاها ورديت رحلة العذاب ويارب محديجربها ورحت للسلام عند دكتوراحمد الشاذلي ونفس كلامهم نفس التحاليل بس زيادة ان طلب مني اسوي اشعة الصبغه لان مسويه قيصريه قالي عشان كده انا اكره القيصريه لان مشاكلها كتيره المهم شفت شي ماشفت بحياتي طلعت روحي قدام اعيوني اقسم بالله عوار تذبح ذبح اذا في احد بعذب نفسه خل يسويها المهم مافيني التصاقات الحمدالله بعدين رد مره ثانيه وابر تفجير ومنشطات بس ماجاب طاري تلقيح ومر شهر وراشهر وماصار حمل والدوره استل متلخبطه المهم قالي زيادة الوزن كلش ماتضبط مع الي تبي الحمال

 

[lucky]

الله يعوضكم يارب ويكتب لكم عاجلا غير اجل

اميييين يقلبي الله يسمع منج مشكوره

 

[lucky]

المهم قالي اشرايج اتروحين عند خالد الشرف او الجار الله وتسوين تحزيم اوتحويل مسار خفت وقمت ابجي وخليته يولي وقعتدت 3اشهر ماراجع بعدين رديت له قلتله خلاص انا مابي احمل اذالله كاتب راح احمل بدون علاج بس ابي منك تنظم الدوره لي المهم عطاني احبوب مانع قالي اكليهم والل يسهلك بس انا انصحك انك تسوين منظار فتحتين ببطن وعند الرحم عشان نقطع العرج ونسيح دمه قلت شقصدكقال هاذي اخر احتمال اجربه معاكي ابشوف قنات فلوب وبطانة الرحم وكم شغله ثانيه المهم قلتله عمليه عمليه قال ايوا عمليه وبنج جان انهار وابجي وماوقفت بجاي يوم كامل وخليته يولي قاعده الحين 3 اشهور اكل احبوب المانع وعسل وقسط هندي وبردقوش عشان انظم هالدوره الخايسه

 

[lucky]

المهم الحين امي قاعده اتحن علي اروح عند عاليه الفضلي تقولي شكلها زينه مع امي ضد مراجعاتي كلها للدكاتره تقولي ضعفي بعدين شوفي اذا ماحملتي ماطلع امج بس ماني قادره اضعف قاعده احط حرت الي فيني وتعبي بالكل المهم تقولي روحي لعاليه اسمعتلها لقاء بتلفزيون وتقول احسن انها زينه روحي ورديسوي تلقيح صناعي

 

[lucky]

ادري طولت السالفه واهي اقصيره الي ابي منكم يالغاليات ان تدعون لي وللكل بنات الي المتاخرات مثالي وانكم تشورون علي اشرايم شسوي ضايعه ساعدوني فرجو عني همي وحيرتي اروح لعاليه

 

[بدوره 22]

حبيبتي الله يآجرج ويصبرج على كل هالتعب


انا اعرف وحده كانت مشكلتها السمنه وبس ضعفت حملت

ليش ما تروحين عند دكاترة التغذية او تسوين نظام الوجبات ؟؟

وايد بنات ضعفوا وبنفس الوقت كلوا وماحرموا نفسهم من الاكل

وبالنسبه للطبيب صلي استخاره وين تروحين ؟؟


عاليه الفضلي وايد يمدحونها وكل الللي رحتيلهم واااااايد زينين

بس اقولج شي لا تزعلين مني تحمليني

انتي حساسه وتخافين صح ؟؟

لاجل عين تكرم ألف

سوي منظار ليش لأ ؟؟

شنو يعني بنج عام !!

الله خير حافظ اقري وادعي والله بيحفظج وماراح يصير غير اللي الله كاتبه..

ترى انتي قاعده تسكرين الابواب بويهج .. انا اسفه على قسوتي في الكلام بس والله اني عديتج وحده من خواتي

 

[lucky]

الله يسامحكم 20 مشاهده ولاوحده بردت جبدي واحتي دعت لي دعوه يمكن يمر مللك وتستجاب الدعوه واتكونين بدعوتج سبب من اسباب حملي ان شاء الله

 

[lucky]

حبيبتي الله يآجرج ويصبرج على كل هالتعب


انا اعرف وحده كانت مشكلتها السمنه وبس ضعفت حملت

ليش ما تروحين عند دكاترة التغذية او تسوين نظام الوجبات ؟؟

وايد بنات ضعفوا وبنفس الوقت كلوا وماحرموا نفسهم من الاكل

وبالنسبه للطبيب صلي استخاره وين تروحين ؟؟


عاليه الفضلي وايد يمدحونها وكل الللي رحتيلهم واااااايد زينين

بس اقولج شي لا تزعلين مني تحمليني

انتي حساسه وتخافين صح ؟؟

لاجل عين تكرم ألف

سوي منظار ليش لأ ؟؟

شنو يعني بنج عام !!

الله خير حافظ اقري وادعي والله بيحفظج وماراح يصير غير اللي الله كاتبه..

ترى انتي قاعده تسكرين الابواب بويهج .. انا اسفه على قسوتي في الكلام بس والله اني عديتج وحده من خواتي

يابعد قلبي انتي نفس كلام زوجي قالي صلي استخاره وسويها وامي قالت صلي واخذي بالسباب اخاف يلعبون فيني وان شاء الله يسرلي اموري ومشكوره وردج كان مثل اليلسم علي الجرح وقمه بالادب مشكوره ماتخيلين شلون ريحتيني الله يوفقج ويفتحلج ابواب الرزق من اووسع ابوابه ويمتعج بصحتج وصحت ذريتج ويمتعج برهم لج ولابوهم

 

[lucky]

up
up

 

[كويتية 1980م]

شوفي السمنة تلخبط اللي مايتلخبط نصيحة مني انسي الحمل وفكري كيف تنزلين وزنج لان الدهون ضاغطة عالرحم والمبايض وادعي الله ان يجيبلج الطفل السليم الصالح في الوقت المناس وصدقيني خيرة لج بس خففي وانسي الحمل وفكري بجسمج اذا نزل وزنج راح تحملين على طول ان شاءالله بلا دكاترة بلا خرابيط بأذن الله يرزقج يارب بالطفل السليم المعافى يارب يارب

وتفرحين فية بس اهم شي الحين فكري بصحتج اوكي يالطيبة

 

[حشمه]

اختي انتي اول شي سوي ريجيم

حاولي دخلي نادي ولا امشي يوميا

خففي اكلج لو ماتقدرين تروحين

حق هالشركات اللي تييب لج وجبات

انتي جربتي كل شي حق الحمل

من ادويه وغيرها بس الاهم الحين وزنج

 

[بدوره 22]

يابعد قلبي انتي نفس كلام زوجي قالي صلي استخاره وسويها وامي قالت صلي واخذي بالسباب اخاف يلعبون فيني وان شاء الله يسرلي اموري ومشكوره وردج كان مثل اليلسم علي الجرح وقمه بالادب مشكوره ماتخيلين شلون ريحتيني الله يوفقج ويفتحلج ابواب الرزق من اووسع ابوابه ويمتعج بصحتج وصحت ذريتج ويمتعج برهم لج ولابوهم

حبيبتي ما سويت شي احنا خوات وانتي اللي الله يجزاج الف خير على هالدعوه

والله اخنقتني العبره دعوتج لي أثرت فيني وغورقت عيوني والله ......وان شاء الله تستجاب

وما تخلص السنه الا وانتي حامل ان شاء الله

 

[lucky]

شوفي السمنة تلخبط اللي مايتلخبط نصيحة مني انسي الحمل وفكري كيف تنزلين وزنج لان الدهون ضاغطة عالرحم والمبايض وادعي الله ان يجيبلج الطفل السليم الصالح في الوقت المناس وصدقيني خيرة لج بس خففي وانسي الحمل وفكري بجسمج اذا نزل وزنج راح تحملين على طول ان شاءالله بلا دكاترة بلا خرابيط بأذن الله يرزقج يارب بالطفل السليم المعافى يارب يارب

وتفرحين فية بس اهم شي الحين فكري بصحتج اوكي يالطيبة

اي والله كل دكتور اول مايشوفني سيده يقول نزلي وزنج بسرعه يارب التزم بالرجيم والله كل شي سويته مشكوره علي النصيحه مشكوره يقلبي علي مرورج الجميل

 

[lucky]

حبيبتي ما سويت شي احنا خوات وانتي اللي الله يجزاج الف خير على هالدعوه

والله اخنقتني العبره دعوتج لي أثرت فيني وغورقت عيوني والله ......وان شاء الله تستجاب

وما تخلص السنه الا وانتي حامل ان شاء الله

امين امين يارب اجمعين يارب يرحم حالنا مالنا الاهو يلطف بحالنا والا احنا مالنا لاحول ولاقوه

 

[_ظل الياسمين _]

الغاليه..ربى يعطيج اللى بخاطرك وازود يارب العالمين ياكريم..
صديقه اختى قعدت 9 سنين ماتحمل..وكل ماتروح لدكتوره تقول لها نزلى وزنك وتحمليين..
واهى مطنشه..اخر شى نزلت وزنها 25 كيلو ماشاء الله ماجااا الشهر الثالث من الريجيم..
الا واهى حامل ماشاء الله..انا نفسك جبت اولادى 2 بعمليه قيصريه وصارلى فوق السنه
بحمل مالله قاسم لى للحين وعندى بعد كم يوم اشعه صبغيه..وربى يعطينا ويعطيك
وكل اللى البناااااااااااااااااااااااات اللى بخاطرهوم اللهم امين يارب العالمين.

 

[حبيبة زوجها2009]

الله يرزقج انشاء الله اهم شي نزلي وزنج ولاتسوين عمليات ولاخرابيط واهم شي لمن تختارين الدكتور او الدكتورة اتسوين استخارة والله يوفقج

 

[lucky]

اختي انتي اول شي سوي ريجيم

حاولي دخلي نادي ولا امشي يوميا

خففي اكلج لو ماتقدرين تروحين

حق هالشركات اللي تييب لج وجبات

انتي جربتي كل شي حق الحمل

من ادويه وغيرها بس الاهم الحين وزنج

والله جربت وجبات الهليث كومبني وضعفت جم كيلو ومن قالولي بنات الدوام ضعفتي وصرة انا سيرتهم وطقوني عين وهديته ودبلت كل الي ضعفته تخيلي