بنات احد مجرب حبوب تنزيل الدهون من الجسم ؟

[Pink GirL]

بنات في ناس مدحولي حبوب اكزينكال او شي جذي ماني عارفة الاسم بالضبط

يقولون تضعـف وتطلع الدهون اللي مخزنة بالجسم

بس ابي اسأل اللي مجربينها شلووون مريحه ولا لأ وجم نزلوا عليها ؟ وشكثر تموا يستعملونها ؟
زما وراها ضرر ؟​

 

[احلى قمر]

مشاركة: بنات احد مجرب حبوب تنزيل الدهون من الجسم ؟

حبوب زينكال
ناس كثير اعرفهم استخدموها
عادي ما نزلوا كثير
لكن ناس استخدموها مع الرياضه
ونظام غذائي نزلوا عليها
يعني لوحدها ما تنفع كثير

 

[Pink GirL]

مشاركة: بنات احد مجرب حبوب تنزيل الدهون من الجسم ؟

انا مسوية ريجيم واسوي رياضة ساعه باليوم
تعتقدين تفيدني ؟ وياريت تسألين اللي تعرفينهم عنها وتقولينلي يا الغالية احلى قمر

 

[chica_q8iya]

مشاركة: بنات احد مجرب حبوب تنزيل الدهون من الجسم ؟

انا بعد كنت ياية أكتب نفس الموضوع!
أبي أحد مستخدم زينيكال يقوللي عنه ! واذا يفيد أو لأ!
لأنه أنا ماشية على ريجيم وضعفت بس وزني صارله شهر ثابت بمكانه فقالولي غيري ريجيمج!
وقاعدة أفكر أستخدم زينيكال!
أمانة ياكويتيات اللي فيكم مجربته تقولنا!

 

[Forever & Ever]

مشاركة: بنات احد مجرب حبوب تنزيل الدهون من الجسم ؟

انا جربت حبوب الزينيكال بس ما استمريت

وكنت اكل عادي بدون رياضه علشان شذي ماستفدت شي

بس للامانه اقولج شتسوي ...

تنزل ثلث الدهون اللي بالوجبه اللي تاكلينها

اول الايام تلعوزج شويه يعني لازم تكونين جريبه من الحمام وصابونتج وياج بستمرار

بس تكرمين تشوفين الدهن بعينج لما يطلع ........

يعني هالشي يخليج تتاكدين ان الحبوب شغاله عدل

اما عن الاثار الجانبيه ماسمعت عنها شي ودكاتره السكر ينصحون باستعمالها

وهذا رابط الشركه ...

زنيكال

 

[أحلى عيون]

مشاركة: بنات احد مجرب حبوب تنزيل الدهون من الجسم ؟

شوفي يا غاليه حبوب زينكال كنت استعملهم وطريقتهم الاكل الي تاكلينه ينزل عن طريق دهون ويوصخ ومو شي ويلوع الجبد ويطلع ريحه واذا قطعتهيم تردين مثل اول وزياده


انا حاليا استعمل حبوب ايزي لاكس يعطيني اياهم دكتور طالب حبتين قبل الاكل بنص ساعه وكثرت الماي اشرب

 

[ii DareeN ii]

مشاركة: بنات احد مجرب حبوب تنزيل الدهون من الجسم ؟

حبوب زنكال تقدرين تستخدمينهم ويا المشويات اذا انتي مسويه رجيم بدون رجيم مراح تفيدج واي شي تهدينه وبترجعين حق الاكل بيزيد وزنج حتى الشفط يعني اذا هديتيهم مراح تزيدين وزياده اهيه عامل يساعدج على الرجيم بعدين يخففون البطن بصوره كبيره ومالهم اثار جانبيه الاطبا كلهم ينصحون فيهم بس اخذي فايتمين انا مره كليتهم وكنت مسويه رجيم دشتي كنت انزل ثلاث كيلوات بالاسبوع بس انا خربطت انشاء الله راجعه لهم طبعا بغيت اقولج شي اذا عندج احد بالسعوديه يروح وايد اخذيهم من هناك فرق تقريبا اكثر من عشر دنانير عن سعر الكويت

 

[Harmony]

مشاركة: بنات احد مجرب حبوب تنزيل الدهون من الجسم ؟

ما ضعفون و لا شيء بس يقللون نسبة الدهن اللى يمتصه الجسم من الأكل يعنى يخلون اكلج يمتنج اقل ما يسحبون شيء من الدهن اللى فى الشحم بجسمج وسهلون و لتركتيهم تمتنين طبعا دام ان اكلج كله دهن و تقدرين تحصلين نفس النتيجة و افضل بعد اذا قمتى تاكلين بدون دهن يعني طبخي عادي بس بدون دهن

 

[chica_q8iya]

مشاركة: بنات احد مجرب حبوب تنزيل الدهون من الجسم ؟

عفوا يا زهرة^ربيع
بس ماقلتيلنا شسوون حبوب الايزي لاكس!
ممكن تكلميننا شوي أكثر عنهم وشكثر استخدمتيهم وشكثر فادوج؟
وجم سعرعهم اذا أمكن!
وصج يا داريين أنا من زمان باطة جبدي سالفة فرق السعر! ليش الأدوية الزينيكال والردكتيل بالكويت سعرهم دبل عن سعرهم بالسعودية ؟؟؟؟؟؟؟؟؟؟؟؟

 

[معكرونه أسبكتى يم يم]

مشاركة: بنات احد مجرب حبوب تنزيل الدهون من الجسم ؟

بنات انا مسويه رجيم دشتى اقدر استخدمها ......................؟؟؟

 

[jaggy-cat]

مشاركة: بنات احد مجرب حبوب تنزيل الدهون من الجسم ؟

بنات أنا يمكن من اوائل الناس اللي استعملوا حبوب الزينيكال
بصراحة هي لها فوائد ولها مساوىء ، من فوائدها تضعف وتنزل الدهون اللي بأكلج
بدون لا تضرج ، اما من مساوئها ساعات ينزل عليج الدهن وانت ماتدرين يعني لازم
تستخدمين pante sheet على طول ، واللي تفكر تستعملها لازم تاخذيها لما توصلين للوزن اللي تبينه.
طبعا هذا مو كلامي كلام الدكتورة اللي تشتغل في شركة الزينيكال نفسها .

 

[ii DareeN ii]

مشاركة: بنات احد مجرب حبوب تنزيل الدهون من الجسم ؟

مكرونه انا استخدمها ويا دشتي ومستخدمتها من قبل والله نفعتني وحتى الايزولاكس زينين حبوب اعشاب يقولون فيها نسبه من ماده تذوب الدهون وملينه للبطن

 

[@ الرسامة @]

مشاركة: بنات احد مجرب حبوب تنزيل الدهون من الجسم ؟

فيه عدة انواع من الحبوب لتخفيض الوزن

منها شيتوكال
وهذا الرابط
حبوب شيتوكال للتخسيس (تجاربكم)

ومنها الزنيكال وايضا نفس الطرقة تؤكل بعد تناولك للطعام الدسم

 

[معكرونه أسبكتى يم يم]

مشاركة: بنات احد مجرب حبوب تنزيل الدهون من الجسم ؟

تسلمين حبووووبه وان شاءالله بجربها

 

[@ الرسامة @]

مشاركة: بنات احد مجرب حبوب تنزيل الدهون من الجسم ؟

حياج الله

 

[الكيكة]

مشاركة: بنات احد مجرب حبوب تنزيل الدهون من الجسم ؟

انا جربت الزنيكال مع ريجيم طالب و بدون ريجيم .. لاضعفت ولا شي.. فاشله فاشله فاشله .. بكل معنى الكلمه

وجربت شيتوكال .. نفس الشي

و جربت ايزي لاكس كان معطينياهم ربيع ... ترا مايضعفون الدكاتره يعطونا هالايزي لاكس بس علشان تمنع الامساك ( بس تلين البطن ) مااااااااااااااااااتضعف


و جربت ريدكتيل و فات بيرنر .. ولاشي يضعف

 

[جرح الليالي]

مشاركة: بنات احد مجرب حبوب تنزيل الدهون من الجسم ؟

انا استخدمتها حبيبتي ونزلت عليها 9 كيلوات

وبدون رجيم ولا شي

بس المشكلة بدشت الحمام

مثل ما قالو البنات لازم تغسلين مع الصابوون

وعلى فكرة انا هادتهم من 4 سنين والحمد لله ما رديت التسعه

وانا بخاطري ارد لهم بس عندي مشروع حمل الله يتممه على خير

فاخاف اخذهم واحمل اتوهق

نسبة الدهن اللي تطلع تعتمد على الوجبه واذا الوجبه ما فيها دسم ما يحتاج تاخذينها

وسلامتج واي استفسار انا حاضرة

 

[كويتية أمورة]

مشاركة: بنات احد مجرب حبوب تنزيل الدهون من الجسم ؟

بنات حطوا بالكم من الريدكتيل ترى منعوه بأمريكا ووايد ناس ماتوا منه وهو ترى دوا اكتئاب
حطوا بااااااااالكم
اصلا من اول وايد يشتكون منه

الزينكال لازم معاه ريجيم اذا ماسويتي ريجيم ماراح تمتنين بس ماراح تضعفين
وفعلا اذا كليتي اكل مافيه دهون ماراح يكون لاه تأثير لانه هو وظيفته انه يطلع ثلث الدهون

 

[الحنان]

مشاركة: بنات احد مجرب حبوب تنزيل الدهون من الجسم ؟

سلام بنات ..........
بغيت افيدكم من تجربتي مع الجبوب ، بالذات حبوب الزينيكال اخذتها اول مانزلت من لندن سنه 2000 واستمريت عليها شهرين اولا اهي ما تنزل الوزن بس تنزل الدهن اللى بالوجبة يعنى يحافظ على وزنج بس ، والمشكلة الثانية اني بعد ما اخذته بفترة راجعت عند دز حسين دشتي وتعرفون انه برفسور جراح وبس عرف اني ماخذة الحبوب زفنيييييييييييييييي زف لانها تييب ثقب بالامعاء على المدى البعيد .......... وطبعا انصدمت وقفتها ، وبديت معاه رجيم البروتينات وفادني وايد ونزلنى مثل السحر ........
وبخصوص الريدكتيل ((((((( طبعا مجربه كل شى يضعف خبرة ))))))))
اخذتهم هم من لندن اول ما انزلو وشغلة يسد الشهية صج بس يسد نفسج عن الراحة و عيشني بماساة تعب وارهاق وبالاخير صداع نصفيي ، فانصحج لا تاخذينه لانى مجربتهم واذا بتسالين عن حبوب ثانية انا بالخدمه حقل تجارب ،،،،،،،،،
: )