بنات ابي مساعدتكم ولدي حييل ملعوزني

[نورة حسام 2]

بنات السلام عليكم شخباركم
بدخل ف الموضوع على طول
عندي ولدي عمره سنة و 7 شهور
حييل شيطان لما عماته يبون يشيلونه عندهم ويلعبونه مايبيهم ويرفسهم ويتفل عليهم
جم مرة قلت له عيب بس مايسمع كلامي حييل عنيد يعني حتى مع يدته جذي يسوي مفشلني
بس يبيني انا وابوه وامي ماعرف شسوي ماعرف حتى انا حامل يرفسني على بطني
صرخت عليه جم مره عيب لا تسوي جذي انا امك ولا تسوي جذي مع يدتك بس مايسمع الكلام
حتى لما ابي اعطيه الاكل او وقت النوم يقعد يصيح لا تاكليني ماعرفت شنو يبي الصراحة
ساعدوني كيف اتعامل مع ولد جذي عنيد

 

[نورة حسام 2]

كل هالمشاهدات ولا رد

 

[جامعيه طموحه]

الله يحفظه ان شاءالله .. العناد شي طبيعي بكل اليهال غيري المعامله معاه يعني لا تدلعينه حيل وتهدينه براحته ولا تصارخين عليه او تحاولين تطقينه لانه بيعاند ويزيد وبيمد ايده عليج .. امي الله يرضى عنها لما كنت اتصرف تصرف ما يعجبها مثلآ تحذرني واذا كررت الغلط تشوف انا شنو اكثر شي متعلقه فيه وتحرمني منه يعني مافي لعب اليوم مافي اكل كاكاو وكنت اتعدل عشان مخدراتي اللعب والكاكاو ههههههههه قعدي معاه غرقيه بكلام الحب حبيب ماما وانا احبك وجذي وقبل لا يجونكم عماته او تروحين لهم وقوليله اذا قعدت شاطر وسمعت كلامي وماسويت شي غلط او اذا ما ضايقت احد هناك وحبيت عماتك وسمعت كلامهم عندي لك هديه واذا سويت مشاكل بهدك بالبيت بروحك مره ثانيه وطبعآ اذا سمع الكلام لا تقصين عليه :d يبييله هديه كاكاو شي يحبه كافئيه على حسن سلوووكه واذا ماسمع الكلام عاقبيه حرميه من الشي الي يحبه وقوليله لما تزعل ماما منك جذي ماتحبك ترى الاطفال وايد يحسون ويفهمون بهالطريقه بيحس انه سوى شي غلط لدرجة خلى امه تقوله انا ما احبك !!

وبالنسبه للاكل تفنني بالاكل عشان يحبه سويله حركات او اكلي معاه شوي وقوليله الله وايد حلو طعمه شجعيه ولا خلص هم عطيه رشوه هههههه كافئيه بحلاو ومثلآ لو عقبها طلعتوا زواره ولا جدام ابوه مدحيه وقوليله يازينه ولدي شطوور اليوم خلص اكله بيحس انه سوى انجاز لما يشوف الي حواليه استانسوا ويفردلج العضلات بكل مره ياكل فيها واذا عند كلش كلش كلش قصي عليه بطلعه قوليله اذا خلصت الصحن بنطلع فلان مكان بوديك العاب بشتريلك لعبه انت تختارها

اليهال عامة كلهم جذي ارشيهم يعطونج الي تبينه مايفيد معاهم عناد ولا دلع

واعتذر عالقرقه

 

[نورة حسام 2]

تسلمين على ارد جامعية طموحة
ردج عن رد كذا عضوة قرت ولا ردت تسلمين حبيبتي

 

[amonitta]

العناد مشكله باليهال ومادري شنو حلها بس مثل ماقالت الاخت ماتدلعينه وتسوينله كلشي يبيه

انا اختي لما يتشيطنون عيالها تزعل منهم وظل فتره بس مو طويله ماتكلمهم جربي مع ولدج يمكن ينفع معنه ياهل صغير ماراح يفهم

والله يعينج :eh_s(7):

 

[أسرار الجمال]

انا بنتي كانت جدي أحسن حل هو التجاهل يعني لما يسوي شي غلط انظريله نظرة ولا تتكلمين وقومي ولا كلمج تجاهلي صدقيني ماراح يعيدها مرة على مرة لان الصراخ يخليه عنيد وعنيف اكثر انت لاسوى شي لا تقولين ولااااااا كلمة وانشالله بيتعدل

 

[جامعيه طموحه]

يا قلبي الله يسلمج <3

 

[ام رينـاد]

اخذيها بالمسايس حبيبتي كل اليهال جذي

وبعدين اهو اسمالله عليه توه صغير ماكمل سنتين

اكيد مايفهم نطري يكبر ويعقل انشالله

وعسى ربي يخليه لج حبيبتي

 

[نورة حسام 2]

العناد مشكله باليهال ومادري شنو حلها بس مثل ماقالت الاخت ماتدلعينه وتسوينله كلشي يبيه

انا اختي لما يتشيطنون عيالها تزعل منهم وظل فتره بس مو طويله ماتكلمهم جربي مع ولدج يمكن ينفع معنه ياهل صغير ماراح يفهم

والله يعينج :eh_s(7):

تسلمين على الرد

 

[نورة حسام 2]

انا بنتي كانت جدي أحسن حل هو التجاهل يعني لما يسوي شي غلط انظريله نظرة ولا تتكلمين وقومي ولا كلمج تجاهلي صدقيني ماراح يعيدها مرة على مرة لان الصراخ يخليه عنيد وعنيف اكثر انت لاسوى شي لا تقولين ولااااااا كلمة وانشالله بيتعدل

تسلمين حبيبتي على الرد:eh_s(7):

 

[نورة حسام 2]

اخذيها بالمسايس حبيبتي كل اليهال جذي

وبعدين اهو اسمالله عليه توه صغير ماكمل سنتين

اكيد مايفهم نطري يكبر ويعقل انشالله

وعسى ربي يخليه لج حبيبتي

تسلمين حبيبتي على الرد