بنات ابي مساعدتكم ماني عارفه اتصرف

[وجودي كافي]

زوجي حاط تلفونه بصمه مااقدر افتحه وكلا يخش تلفونه عني ومايخليني ابطله ولو اقوله بشوف شغله ولا بلعب ينجن ويعصب ويقلب الدنيا تكفون شسوي مت واللي تقولي لا تظنين سوء
اهو يقول اسامي وهو نايم وسامعته باذوني بس بتاكد ببطل تلفونه شلوووون !!!!!!

 

[أم حسوون]

السلام عليكم
شتبين بعوار الراس ، عيشي حياتج واشغلي نفسج بالمفيد ، ليش تجسسين عليه ، افهميه وبالعشره راح تكسبينه ، بعدين معظم الرياجيل ما يحبون أحد يشوف تلفونهم ، مو بالضروره يكون وراه شي ، لا تخلين الشك يخرب بيتج ، والله يوفقكم .

 

[rose2012]

وقفلي فونج اذا بطل تبطلين

 

[عطر !]

يمكن فيه اشياء خاصه بالدوام وربعه ينحرج انك تشوفينها
عموماً ايا كان السبب نصيحه لاتفتشين تلفونه بتتعبين واذا اكتشفتي شي بيضيق صدرك وتخربين بيتك على شيء فتره ويزول ان شاء الله
الوحده تتغاضى وتشتري راحتها النفسيه وبيتها والله ماورى التفتيش الا التعب انا قالي اخوي مره الرجال اكره مايشوف المره اللي تفتش وراه وتراقبه يشكل عليه ضغط كبير يخليه يتصرف التصرفات اللي تكرهها المره عشان يثبت لها انه رجال ومو مفروض يخاف من مره ويرضخ لها يعني كل شي له ودة فعل عكسيه اذا ماتصرفنا صح

 

[كوكو شانيل.]

ليش تحرين نفسج.. لو يخون حسابه عند ربه
والله هالريايل مريحين بالهم واعصابهم وعايشين حيااتهم
واحنا ماغير نحر بنفسنا وناكل بنفسنا وعلى شنو عشان ريل! وتحوشنا امراض بسبة الحره
ترا مافي شي يسوى

 

[الكيكه دندن]

اتفق مع كل اللي كتبوا فوق

 

[Stay alive]

كيفه تليفونه وهو حر

ترا سالفة التنبش عيب ،، ومايجوز اصلا لانها تدخل ضمن سوء الظن

قال تعالى :" يا ايها الذين آمنوا اجتنبوا كثيرا من الظن إن بعض الظن إثم ولا تجسسوا .." الحجرات


انا ما أرضى أحد ياخذ تليفوني يلعب فيه أو ينبش ،،، وينطبق هالشي على باقي أغراضي من لابتوب وغيره ،،، معناته انا لي سوالف بطاليه ؟!


احنا متربين على جذي انا واخواني وخواتي محد له شغل بأغراض الثاني ويمكن زوجج جذي بعد متربي

الله المستعان

 

[Jolyan]

لا تهتمين كل ما بينتي له انج مو مهتمه بفونه احسن اهو مع وقت راح يرتاح و يخليج تشوفين بفونه
بعض رياجيل بعد لشافوا زوجاتهم محترمين خصوصياتهم بالتلفون يرتاحون و ما يفكرون يخشون شي بس اذا وراه ورآه بالتلفون
او حتى لو انج مثلتي انج تبين تلعبين راح يحسب انج شاكه فيه و يزيد خلي كل شي على الله ولا تعبين نفسج ادعي له بالهدايه اذا حاسه بشي مو زين و استغفري
بس لا تخلين كل تفكيرج انج تدورين و تفتشين ورآه فضول هذا ما راح يجيب لج الا عوار الرأس و القلب قولي اللهم اني وكلتك امري عشان يكون الله ويكيلج و حسيبج

 

[Reem]

انتي مارح تقدرين تفتحينه اذا اهو ماسمح لج بنفسه


بس بنفس الوقت انتي بعد حطي رقم لفونج ولاتخلينه يشوف شي واذا قال لج شي قولي عندي خصوصيات مثلك


واهم شي توضحين له انه لو فكر يخون مجرد تفكير لايلوم الا نفسه قولي ترا مستحيل ارضا انك تسوي سوالف من وراي او تغافلني

وضحي له رايج بالموضوع عشان يفكر مليون مره ... وقولي له منو فلانه وفلانه اللي تقول اساميهم خليه يفهم انج فطينه مو غبيه ��


الله يستر علينا بسسس جننونا هالرياجيل

 

[Pink_Roses]

السلام عليكم
شتبين بعوار الراس ، عيشي حياتج واشغلي نفسج بالمفيد ، ليش تجسسين عليه ، افهميه وبالعشره راح تكسبينه ، بعدين معظم الرياجيل ما يحبون أحد يشوف تلفونهم ، مو بالضروره يكون وراه شي ، لا تخلين الشك يخرب بيتج ، والله يوفقكم .

نفس راي ام حسون لا تخربين بيتج بايدج

 

[baa6aa]

عندي و عندج خير
حتى لو قاعده اتكلم وبسجل رقم مايرضى امسكه اهوة يسجل
واذا رن تلفونه و اهوة بعيد مايرضى حتى اشوف منو عشان اقوله
يعصب اذا شافني قربت يم التلفون عشان اشوف منو

بس عقب مده اعترف ان مايحب احد يمسكه خصوصا على قولته احنا شباب بينا مسبات و حجي ماله داعي تشوفينه

هذا من وجهة نظره
فماحبيت اني اتعمق على قولتهم لا ادور عوار القلب

 

[هيبة ملك]

هذا شي خاص فيه شتبين منه