بنات ابي صالون يصبغ الشعر حلو ويكون سعره مناسب

[شهرزاد الحكاية]

قوة بنوتات شلونكم ؟؟

بغيت استفسر منكم تعرفون صالون حلو ...
يصبغ الشعر وتكون اسعاره مناسبة
ومشكورين مقدما ​

 

[شهرزاد الحكاية]

بناااات معقولة محد عنده علم ؟

 

[tratel3D]

والله حالي من حالج لي شهور أدور وأسأل
وخاصه للشعر الطويل لان الصوالين بتقص ظهري
بالسعر :\

آخر مره سويته عند مس ون
اولا ماجابت الدرجه اللي ابيها بحجه ان شعري محنيته
مع اني جايتها مو حاطه حنه لي 4 سنين

ثاني شي السعر كان جدا صدمه بحدود 90 وكسور !
وشعري كان مو بذاك الطول يغطي ثلاث ارباع ظهري تقريبا

بس هالحجي قديم يمكن من سنتين مادري عن اسعارهم ألحين :\

 

[عالمي المجنون]

بحدود جم تبين

أنا دايم أصبغ بصالون جاك

بس السعر غالي الصراحة يطلع علي بحدود ١٥٠ و ١٣٠ دينار

 

[@تاج الراس@]

صالون الفي
بالجابرية
للشعر الطويل ب ٤٠ او ٤٥ دينار
بس تضبطه ان شاء الله
وتسويلج تست لخصلة من شعرج قبل الصبغ
عشان توريج شنو اللون الي بيطلع وتتاكد قبل لا تصبغه كله
روحي عند المصرية هبة اسمها

 

[sharoo_e5]

ااااااااااااااااااااب

 

[&موناليزا&]

عزيزتي رفع لعيووووووووونج

 

[أبلة فاتن]

بنات اللي حطو الاسعار شنو هذي 130 لا يكون الاوكسجين من ذهب وانا مادري

 

[مناتو]

روحي لابلوبيل الي بشعب البحري او كرستال صبغهم فوق التمام واللون الي تبينه تحطه بشعرج

 

[tratel3D]

شدعوه اقط هالسعر على صبغه !
اصلا اللي سويتها بمس ون ماقعدت شهرين
الا تطلع الجذور ورحت صبغته بالبيت بني !

يعني الانسان متقلب بمزاجه ووده يغير
وماتسوى اقط دم قلبي وجم شهر ازهق منه واغيره

اما اللي قالت عن الصالون اللي بالجابريه
صراحه معقول السعر وحلو بس لي تجربه
فاشله مع صوالين الجابريه وحرمت اطبها