بنات ابي خبراتكم وتجاربكم في شفط الدهون الله يوفقكم

[اسماء العتيبي]

السلام عليكم كل عام وانتم بخير ومبارك عليكم الشهر
من زماااااان عن هالمنتدى الغالي
فديتكم والله

بنات انا كان وزني 83 وضعفت الى 69
وطولي 163

واحس اول شي راح الخدود
وباقي لي شوووي كروشه

وابي اسوي شفط دهون البطن
وحقن للمؤخره
وحقن خدود

طبعا انا قلت للدكتور ابي تخدير موضعي
لان انا معي خوف و خفقان واخاف من التخدير الكامل

بنات الله يوفق ويسعد ويرزق كل من ترد علي
شرايكم بدهون البطن للارداف والخدود
وكم تجلس
وهل تسبب خراجات او التهابات
انا ابي من تجاربكم الله يغفرلكم ويرزقكم


ماعليش انا داخله من الفون حقي لانه الشاحن تبع لاب توبي
انفقع ههههههه
واحنا برمضان ماودي اروح السوق الا ليلة العيد
بعد رمضان فرصه نبي نقرا قران وندعي الله
مانبي نضيع الوقت بالاسواق اللي ماراح تطير



اتحرااااااكم اختكم اسومه *

 

[** رش رش **]

شوفي اختي انا جربت الشفط بس ما جربت حقن الدهون
و انا قريت تجارب بنات هنيه بالمنتدى جربو الحقن و عاجبتهم النتيجه ... بس الي اعرفه ان لازم يتم الحقن اكثر من مره للمكان علشان توصلين للنتيجه الي تبينها
و اهم شي بالموضوع سواء شفط الدهون او حقنها بعد الاستخاره طبعا هو الاختيار الصحيح للدكتور

 

[مرامي ذهب]

شوفي دهون الجسم اضمن وحسن من المواد اللي ماتنعرف مكوناتها حقن المؤخره يبي مرتين عشان تثبت والوجه من اول مره بس لاتنصدمين ترا راح يصير اوفر بس اصبري اسبوعين وشوفي الخدود الحلوة

 

[اسماء العتيبي]

رش رش ياعمرري الف شكر لك حبيبتي الله يوفقك ويسخر لك زوجك وعيالك ويخليهم لك ويخليك لهم
بسااالك
لما شفطتي
هل كان تخدير موضعي ولا كامل
هل تحسين بالاداه المعدنيه ولا لا
كيف الاالام بعد العمليه
و كم اخذ وقت فتره منشان يبين ؟؟

اختي بنت الامطار عسااا عمرك طويل ويرزقك باللي تبينه
الله يوفقك يالغاليه
انا ودي احقن من بين الاذن والعين منطقة الصدغ
وودي احقن خدودي و حنكي هل دهون البطن كويسه ولا اخذ من الارداف والافخاذ
انا اسال بخصوص الوجه
اما الارداف اكيد من البطن

وبالنسبه للدكتور
انا بروح لدكتور مشهوووور عندنا بالسعوديه
بس بعد مااسوي العمليه ان شالله اخبركم واعطيكم رقمه

دعووووواتكم لي // تكفون بنات //

 

[صبر العمر]

لا تنسي الاستخارة اختي والصدقة قبل العملية ، حماكِ الله

 

[اسماء العتيبي]

جزاك الله خير يالغاليه
ان شالله اتصدق و استخير

 

[** رش رش **]

الله يسلمج يا اختي و مشكووووورة على هالدعاء الحلوو
انا سويت عمليتي ببنج كامل لان شفطت من اكثر من منطقه و الكميه كانت كبيره ... طبعا بالبنج العام تنامين تقعدين و انتي مخلصه العمليه .... يعني الالم اثناء العمليه مافي بس الالم الي بعد العمليه هو المووووت
تقدرين تقرين تجربتي بالعمليه انا حاطتها بموضوع موجود بالقسم في كل التفاصيل
و الله يوفقج ان شاء و يكتب لج الي فيه الخير لج

 

[dectora 7elwa]

موفقه
استخيري

 

[مألوفة]

رش رش اختي شلون النتيجة الحين معاج من صوب البطن؟

يعني راضية عن النتيجة وعلى جسمج اليديد؟

 

[** رش رش **]

رش رش اختي شلون النتيجة الحين معاج من صوب البطن؟

يعني راضية عن النتيجة وعلى جسمج اليديد؟

شوفي اختي انا شفطت الدهون من كذا منطقه و كل منطقه اختلفت نتيجتها عندي ... يعني مثلا
الزنود .... الوحيده الي راضيه عن نتيجتها و فعلا مبينه نتيجه العمليه حتى من تحت الملابس
الفخوذ .... في نتيجه بسيطه بس مو مثل ما كنت اتمنى
البطن ..... هذي ماساتي و انا اصلا كان الهدف الاساسي من عمليتي هو البطن لكن مافي اي نتيجه بالبطن مجرد الخواصر عندي تحددو اكثر و صار شكلهم احلى لكن بطني من جدام ابد ما تغير حجمها و صار فيها اماكن مرتفعه و اماكن هابطه يعني بصراحه احس شكلها مو طبيعي كلللش

 

[مألوفة]

شوفي اختي انا شفطت الدهون من كذا منطقه و كل منطقه اختلفت نتيجتها عندي ... يعني مثلا
الزنود .... الوحيده الي راضيه عن نتيجتها و فعلا مبينه نتيجه العمليه حتى من تحت الملابس
الفخوذ .... في نتيجه بسيطه بس مو مثل ما كنت اتمنى
البطن ..... هذي ماساتي و انا اصلا كان الهدف الاساسي من عمليتي هو البطن لكن مافي اي نتيجه بالبطن مجرد الخواصر عندي تحددو اكثر و صار شكلهم احلى لكن بطني من جدام ابد ما تغير حجمها و صار فيها اماكن مرتفعه و اماكن هابطه يعني بصراحه احس شكلها مو طبيعي كلللش

هلا حبيي حسافة عاد انا جسمي حلو بس احاتي البطن لاني كبر بطني من ولدت
والحين حامل ووخايفة يكبر اكثر من الاول اذا النتيجة مو مرضية الواحد يهون الصراحه والله يعوضج حبيبتي

 

[** رش رش **]

الله كريم ان شاء الله
و انا ناطره دكتورتي ترجع من اجازتها و اشوف شنو تقول السبب بهالنتيجه

 

[اسماء العتيبي]

بنات بسالكم

انا قمت اهوجس و اوسوس

هل الحقن الذاتي مايسبب تعفن
الدهن اللي من البطن ونحقنه بالخدود
والذقن هل مايتعفن ويسبب خراجات والالتهابات



يااااااارب استر ياكريم

 

[كشموووشه]

لاحياتي اي دكتور لمن يشفط الدهن منج لازم يصفيه وينقيه من اي شوائب ضاره بالجسم

 

[اسماء العتيبي]

ان شالله بس انا اخااااف