بنات ابي حل للقشرة

[(عسل وقشطة)]

بنات تفاجئت قبل شوي ان بشعري قشرة انصدمة من وين يت
الصراحه انا سمعت ان خل التفاح زين بس ماجربتة لاني ولا مرة صار فيني قشرة ولله الحمد
بس انصدمت قبل اشوي شفت قشرة والله شوي وابجي:eh_s(2):
بشنو تنصحوني احط حنه ان شاء الله بعد باجر بعد حنه
وتنصحوني اجرب الخل
والي تعرف طريقة السدر لا تبخل علي
وشنو الشامبو الزين للقشرة او اي شامبو ثاني لاني ما بي استخدم شامبو للقشره على طول
وعلى فكرة القشرة بس شويه عند قذلتي بس حسه بقرف
الحين بروح اسبح واغسل بديتول الاخضر مع ماي
وبغير الشراشف والمشط والملافع كلهم
والله يوفقكم
او ارفعوه على الاقل
بروح اسبح وارجع واشوفكم رادين علي على الاقل واسوني :eh_s(2):

 

[مولاي الفرج]

انا مثلج ناوية اشتري شامبو طبي

بس امس استخدمت هيد اند شولدرز اللي بالليمون لان شوي ينشف استعمليه لين نلاقي شامبو طبي

محتارة بجم واحد بعضهم يقوولون فيجي وبعضهم يقولون نيزورال والله مادري اي واحد احسن

 

[مولاي الفرج]

انتي زين بس قشرة

انا بالهبل يطيح شعري الحين مادري من القشرة او لا

 

[ضيوانه]

وانا ابي مساعده لي القشرة فيني.

 

[يا كويتنا]

كلير. حلوووو


يستعمله زوجي وخافه حيل قشرته

 

[بنوتة عتيبه]

http://www.hairloss-research.com/wp-content/uploads/2010/05/16avab.jpg


دعواااااااتك

 

[احآسيس هآدئه]

المويه الحاره بالصيف تزيد القشره
والقشره تسبب تساقط الشعر
نفس الحاله صراحه


بنوته عتيبه
شامبو نيزورال انتي استخدمتيه ومتى راحت القشره ؟

 

[سميره مملوحه]

اي تكفون عطونا حل انا بنتي طالعت لها قشره ياربي من وين هالقشره انا بغير شرشفها وبشتري لها مشط خشب خاص من بودي شوب وحاليا فركت شعرها بليمون والحمدالله خفت وامي وجدتي قالولي كله زيتي شعر بنتج لين تخف القشره

اما الشعر اذا كان جاف القشره تطلع وتزيد

والله كريم

والدكتوره اوصفت لها شامبو تقول راح يطيح شعرها بزياده
لا بالله ما اشتريه

 

[مسك إلمحآسن]

الحنه تنظفف الشششعر
والسدر بعد

ومدام انتي بالبدآيه علاججهآ سسهل

كل اسبوع سوي حنه مع قفشة سدر
والشامبو اللي يريحج
وحيل يمدحووون الخل + الليمون للقشره


, انا شعري الحمدلله ماكو قشره بس تساقط بشكل فظييييع
والله خصل خصل تطيح بالحمام خايفه ​

 

[@ام يوسف@]

اااااب

 

[(عسل وقشطة)]

ياربي الله يعينا
انا كنت ناويه اليوم اروح للعطار والصيدليه بس للاسف خالتي يت عندنا
ما عليهة خير
بس باجر بحط حنه واذا خفت اقولكم
ومشكوورين كل الي ساعدونا
وشامبو نورزيال وين او لا
انا الصراحه ودي اخذ شامبو فيتشي للقشرة لان هذي الماركه حييل حلو
بس اليوم بستخير واروح للصيدليه باجر ان شاء الله
الله يعينا على الشعر
مسك المحاسن اذا شعرج يطيح
استخدمي زيت عافيه مال الاكل وشوفي
وحطي حنه مع ماي الحلبه وان شاء الله يتحسن شعرج

 

[دارسين]

بنات القشرة اغلب الاحيان عبارة عن التهابً بالفروة

والماي الحاااار يزيد القشررة

وانا جربت ماي الورد حلوووو على كلام وحدة من الخوات بالمنتدى

 

[&موناليزا&]

عزيزتي رفع لعيووووووووونج

 

[اميرة زوجي]

حبيبتي حطي مع الحنا شوي خل ورح تشوفي ان القشرة راحت
ولو التزمتي بالحنا مرة كل اسبوع انشالله بتروح القشرة ومو مهم
نوع الشامبو بالعكس أنواع شامبو القشرة قوية و مضرة للشعر
خليكي عالحنا بشكل اسبوعي وأغسلي شعرك بشامبو جونسون للاطفال احسن
في وصفه كمان جربتها ممتازة بس ازا في جروح بفروة راسك لا تجربيها وهي
وصفة الثوم تفكري فروة الرأس بالثوم والله يعينك عالريحة و مفيد لنمو الشعر

 

[اشلون يعني &]

رحت المستوصف العادي قسم الجلديه عطاني شامبو لا يعلى عليه طير القشره من اول غسله معنه القشره فيني من سنيين
قولي لهم فيني قشره يوصفونه لج بصيدليه المستوصف لون علبته ابيض غرشه متوسطه والشامبو راهي
لاكثر من غسله
عجيب شويه عليه
اعذريني ناسين اسمه بس اتوقع هو الشامبو الوحيد عندهم

 

[Engineer A]

كلير عجيييب انا فيني مثلج بس من قمت استعمله راحت

ونصيحه اذا راحت عنج القشره لاتقطعين الشامبو لان راح ترد مره ثانيه

 

[ROSE AL Q8T]

علاج القشره طبعا من وصيات الوالده الله يحفظها

دهني شعرج وتسبحي وحنا وهذا نظامج من دهن وتسبح وحنه


وغالبا كثره السبوح تنظف الشعر وتخفف القشره
وغيري شامبو مالج

 

[بعـــيد الشــوح]

الحل عندي واعتمديه تفركين فروة راسك بالليمون زين وتدهنين بزيت الزيتون مع تدليك فروة الراس هذا هين وتقدرين تسوينه بسهوله وفيه وصفه ثانيه عصير البقدونس وتدلكين به فروة راسك..

 

[أحلى قصة]

انا استخدم شامبو سلسن بلو ومرتاحه عليه بس اهم شي اخليه في شعري من خمس الى عشر دقايق عشان تستفيد من فروة الراس لان الشامبو طبي

 

[(عسل وقشطة)]

مشكوورين بنات
انا اليوم حطيت حنه وخل حسيت احسن
وشامبو مابي استخدم كلير لاني امل من الشامبو بسرعه
روز شنو الدهن الي تستخدمينه
بعيد الشوحويقولون اليمون يبطئ نمو الشعر
اللهم اني اسألك التوفيق والسداد والغنى والعفاف والهدايه لكل وحدة ردة علي
الله يجازيكم خير