بنات ابي اشيل هالفكره من راسي اشلون؟

[jen2n]

السلام عليكم

اشلونكم بنات شخباركم


*












*


















*

مو عارفه شنو اكتب من الخوف والقلق والمحاتاه والتفكير اللي مسيطر علي-كتبت مشكلتي قبل... بس الحين قمت افكر فيها وايد انا مثل ما قلت اني مريضه لكن لهيت بالدراسه والجامعه ونسيت مرضي وكنت احط حرتي بالدراسه وكنت استانس لما اييب درجات عاليه لكن هالسنه بالذات قمت اشوف وايد من اهلنا اللي كبري واللي اصغر مني قامو يتزوجون ادري ان نصيب بس قمت افكر ليش محد خطبني هل لاني مريضه محد يبيني والا لاني طالبه توني وايد قمت افكر وكل ما اسمع عن احد خطب وحده من اهلنا قلبي يطق بسرعه من الخوف والتفكير حتى امي احس انها تفكر بهالشي بعد ///ليش انا واختي محد يخطبنا ...اختي حاليا ما تفكر تتزوج بس انا مشكلتي انا ابي وما ابي بنفس الوقت ما ادري ليش وقبل شوي امي تقول عن الوحده اللي اخطبت حق ولدها قالت اذا ما اعزمتنا ما راح نعزمها حق حفله خطوبتكم والشقه اللي ماجرينها فوق بيتنا يا حقج يا حق اختج ويمكن يخطوبنكم فما نقدر نسافر كله يمكن يمكن يمكن لان امي انا متاكده انها تحس باللي احسه تشوف البنات اللي اعمارنا تزوجو واحنا لأ وانا وايد افكر ونفسيتي اتعبت وقاعده انهار تدريجيا وحالتي الصحيه قاعده تزيد سوء يوم عن يوم بسبت هالشي ,,,ادري بنات بتقولون نصيب وتوني صغيره بس انا ابي اشيل هالفكره من راسي ابي نفس قبل افكر بدراستي وبس واني توني بعدي صغيره من يوم صار عمري 21 سنه وانا هالتفكير ذابحني///بنات تكفون شنو اسوي ؟

 

[طالبه الجنان]

السلام عليكم

يسعدني اني اكون اول وحده ترد عليج

اول شي انتي قلتيها الزواج قسمه ونصيب

وثاني شي يمكن رب العالمين يختبر صبرج يشوفج تصبرين ولا لا ؟

وانا عندي حل ان كنتي تبين تتزوجين بسرعه

بس بشرط اخذ منج وعد انج تنفذينه وان ماكنتي تبين براحتج ؟

انا ناطرتج عالعام مو الخاص

 

[^البارونه^]

اقري القصهـ القصيرهـ


فتاة طيبة جميلة وحبوبة ...

كل البنات اللي في سنّها أو اللي أقل منها مستوى انخطبوا ... إلا هي

فصار موضوع الخطبة يؤرقها كثيرا .. ودائما تفكر فيه

وكل دقيقة تمر عليها .. من ثقلها كانت بمثابة سنة كاملة ..

وفي النهاية ( لم تنخطب )


***


وبعد فترة .. تدخل معهدا لدراسة اللغة الانجليزية

ويصبح همها الأول أن تنال الدرجات العالية ومن ثم الوظيفة


**

وبين عشيّة وضحاها .. تتفاجأ بمن يطرق باب المنزل

طالبا يدها من أبيها ...

الي ابيهـ منج تفكرين بايجابيه ..


الرسول عليه الصلاة والسلام قال : أدعو الله وانتم موقنين بالاجابهـ



الله يوفقج يا حبيبتي ويرزقج كل الي تتمنينهـ يارب

 

[tolay]

ماراح الومج لانه اغلب البنات تفكيرهم زواج وخطبه

بس انتي مو موظفه وفاضيه عشان تفكرين بهالشي !

يعني للحينج تكملين دراستج !!

حاولي تنشغلين بدروسج وانسي سالفه الخطبه

لانه اذا فكرتي ماراح تطلعين بنتيجه اللي الله كاتبه بيصيييييير لو فكرتي مليون سنه

شي واحد ممكن يتحقق .... الدعاااااااااااء

اخذي حرتج بالدعاء ادعي بكل صلاااة انه الله يرزقج بالزوج الصالح ... لاتبجين ولاتتضايقين خلي طاقتج بالدعاااء

 

[jen2n]

السلام عليكم

يسعدني اني اكون اول وحده ترد عليج

اول شي انتي قلتيها الزواج قسمه ونصيب

وثاني شي يمكن رب العالمين يختبر صبرج يشوفج تصبرين ولا لا ؟

وانا عندي حل ان كنتي تبين تتزوجين بسرعه

بس بشرط اخذ منج وعد انج تنفذينه وان ماكنتي تبين براحتج ؟

انا ناطرتج عالعام مو الخاص[/
quote]

تبيني اوعدج من قبل ما اعرف الشي اللي تبين تقولين!

انا ما قلت ابي اتزوج بسرعه

بس ودي اشيل هالفكره اللي متعبتني

اقري القصهـ القصيرهـ


فتاة طيبة جميلة وحبوبة ...

كل البنات اللي في سنّها أو اللي أقل منها مستوى انخطبوا ... إلا هي

فصار موضوع الخطبة يؤرقها كثيرا .. ودائما تفكر فيه

وكل دقيقة تمر عليها .. من ثقلها كانت بمثابة سنة كاملة ..

وفي النهاية ( لم تنخطب )


***


وبعد فترة .. تدخل معهدا لدراسة اللغة الانجليزية

ويصبح همها الأول أن تنال الدرجات العالية ومن ثم الوظيفة


**

وبين عشيّة وضحاها .. تتفاجأ بمن يطرق باب المنزل

طالبا يدها من أبيها ...

الي ابيهـ منج تفكرين بايجابيه ..


الرسول عليه الصلاة والسلام قال : أدعو الله وانتم موقنين بالاجابهـ



الله يوفقج يا حبيبتي ويرزقج كل الي تتمنينهـ يارب

يا بعد عمري والله صج رفعتي من معنوياتي بهذي القصه القصيره بس فيها معاني وايد حلوووه

وهذا اللي ودي يصير اني اخلص دراستي وادش معاهد وعقب اتزوج بس لما اسمع اللي ينخطبون

وامي تقول جذي اخاف وقلبي يطق بسرررعه ما ادري ليش

تسلمين اجمعين يارب

 

[jen2n]

ماراح الومج لانه اغلب البنات تفكيرهم زواج وخطبه

بس انتي مو موظفه وفاضيه عشان تفكرين بهالشي !

يعني للحينج تكملين دراستج !!

حاولي تنشغلين بدروسج وانسي سالفه الخطبه

لانه اذا فكرتي ماراح تطلعين بنتيجه اللي الله كاتبه بيصيييييير لو فكرتي مليون سنه

شي واحد ممكن يتحقق .... الدعاااااااااااء

اخذي حرتج بالدعاء ادعي بكل صلاااة انه الله يرزقج بالزوج الصالح ... لاتبجين ولاتتضايقين خلي طاقتج بالدعاااء

عدل كلامج وانا ودي انشغل مثل قبل بدراستي وبس

لكن كل ما يتقدم العمر وبنات العايله اللي يتزوجون اقعد افكر بهالشي

الله كريم ان شاء الله

ونعم بالله

جزاج الله خير

 

[قناطير]

هلا حبيبتي الله يوفقج انشالله وعليج بالتوكل على رب العالمين وقراة سورة البقرة وانشالله تشوفين الخطاطيب

 

[وحدة من الناس *]

وي ما عندج سالفه والله

اشلج بعوار الراس والاذيه

خمام غسيل ويهال

تمتعتي بحياتج بعدج صغيره على الشقا

أسألي مجرب والله حولت من الجامعه الى التطبيقي

وموفقه ان شاء الله

 

[so_what]

حبيبتي اذا الله كاتب لج الزواج راح تتزوجين حتى وانتي مريضه ، هذا قسمه ونصيب ماله شغل بمرض و غيره والله يعطيج على قد نيتج ان شاء الله

 

[روح امها]

يا الله بنات شفيكم مستعيلين على الزواج
ترى الزواج مو وناسة وطلعات و روحات و سفر على كيف كيفج
الزواج مسؤولية كبيرة وايد وايد بعد مو شوية
انتي بعدج صغيرة ماشفتي شي من الدنيا والعمر جدامج عيل البنات اللي صارت اعمارهم فوق ال 30 شنو يقولون
ينهارون مثلج لا غلط
تعوذي من ابليس خلصي دراستج واشتغلي ومعاشج بيدج استانسي بعدين فكري بالزواج
واذا على المرض انتي تقولين انج مريضة ترى النصيب ماله علاقة في اي شي
الله يوفقج

 

[غيآبڪ عذآبي]

توج صصغيره وبعدين نطري نصيبج ولآ تحآتين !!

اللي الله كآتبه بيصير ~

 

[jen2n]

مشكورين بنات

 

[ملواكي]

الزواج قسمه ونصيب لا تحاتين نصيبج بيي لي عندج

 

[خجل انثى]

jen2n

صباح الورد ياوردة المنتدى .....هم انا احس بنفس معاناتك ... الحمدلله ع كل حال ...ربك يفرجها علينا ويرزقنا بأزواج صالحين .....حبيبتي الي تقول الزواج مو وناسه طلعات وروحات ...ندري بهالشي بس تعرفين انه يعتبر استقرار ...الوحده تحس انها مستقره لها حياتها الخاصه عائلتها الخاصة ....:stars: يارب الجميع يفرح من قريب
ربي يفرجها على الجميع ....​

 

[شوشو الشقيه]

يسلمو
اختي ديقيه
انا استغرب من البنات كلهم
عبالهم الزواج وناسه وطلعات وخروج وكلام حلو من الزوج ويا ربي وشهر عسل والي اخره
اختي
دقيقه الزواج تراه ليس مثل الافلام الي تشوفينه
حب وغراميات ورمنسيه والصبح ياتي لها بورده حمره والله يعشيها في مطعم في الليل
اختي كل هذه الاشياء الزوج في شهر العسل يسويها لج
يكون رومنسي درجه اولي
بعد شهر العسل
هنا يظهر وجه الحقيقي
الحين هو شبع منج خلاص
تشوفينه على حقيقيته الرومنسيه الي شفتيها قبل انسيهااااااااااااا
الي يسمع كلامك كل دقيقه في شهر العسل انسيهااااااااااااا
الي يدلعج على كل دقيقه انسيهاااااااااااا
بعدها تبدا الحياه الحقيقه الي كلها جديه ومسئوليه
لدرجه حتى بعض الازواج من كثره الجديه ينسون شيء اسمه رومنسيه
وهذا حال الجميع وليس فقط عائله واحده
تاتي المشاكل ليش
لاختلاف الافككار والبيئات لان كل طرف جاء من بيئه معينه
عشان يندمجون مع بعض
فتكون في بعض الاحيان مشادات اختلافات في وجه النظر وهواش ومشاكل
وبعد كم يوم يرجعون الي بعض سمنه على عسل
هكذا الحياه طوال حياتهم تكون جذي
لا تفكرين سهل الزواج بالعكس هو من الاصعب الاشياء الي الانسان يخوض تجاربتهااااااا
كل سنه من حياتك تكتشفين اشياء عن شريك العمر انتي غير مدركه لها
فالزواج ما هو حلو نفس الافلام
والله فلم
تايتنك
الي ذبحنا فيها
ههههههههههههه
من اختك شوشو الشقيه

 

[حب الرّمان]

انــــــــــا اخليج تشيلن المـــسؤليه أحذف عيالي عليج لمدة يوم واخليج تقو لين وييييييييع وتعزفين عن شي اسمه زواجج

وتنحل مشكلتج هههههههه شرايج حتن النوم بالحسرررره :ch12:

 

[دلوعة أبوهآ]

الله يرزقك ولد الحلال يـارب
ويفرح قلبك قريب .

 

[G!RLooNa]

ويه حبيبتي عادي انا عمري 20 و جم شهر و ما انخطبت

 

[Flower20]

حبيبتي انا نفس عمرج وباقي جم شهر اكمل 22 وماافكر بالزواج

لاني متاكدة ان نصيبي راح ايي بالوقت المناسب

في بناات اكبر مني ومنج وللحين ما تزوجوا وعادي الوضع عندهم

اعرف بنات جمال واخلاق وشهايد واصل وللحين مو متزوجين

وبنات العكس ومتزوجين

كل انسان الله كاتبله قدر غير عن الثااني

تأكدي ان كل تأخيرة وفيها خيرة

والنصيب ماله علاقة بالمرض ولا بالشكل ولا بالعمر ولا ......... الخ

الله يرزقج بالزوج الصالح المناسب

 

[شغـــف]

من صجج ...؟

اللهـ يهديــج تــوج صغيــرهـ وان شاء للـهـ بيجيــج نصيبــج

محد ياخــذ غــير نصيـــبهـ

واللــهـ يرزق كــل وحــدهـ ماتزوجــت