بنات ابي اشد حيلي بالدرسة شلون ?

[عاشقة العالم]

السلام عليكم ورحمه الله وبركاته

شلونكم ي كويتيات

انا بروح سابع وبشد حيلي حييييييييييييييييييل

يوم كنت بسادس كان مستواي ضعيف حيييل :eh_s(11):

كنت م اسمع قران و كنت م احل وجباتي حييل وما اعرف احفظ وحتى كان خطي خااااايس وكنت م الصق الاوراق وعندي نوتا بس فاضيه وانا ادا بدرس بس ادرس مكان واحد م اغيرا بس بغرفتي و بسريري وادا بسطر بس اسطر سيده وانا عندي استكرات واايد بس ما استخدمهم الي ابي منكم ان شلون اشد حيلي :eh_s(16):

شلون اشد حيلي
وشلون اخلي خطي حلو
وشلون احفظ ايه عشان اسمع
وممكن تسون لي جدول دراسي لاني ما اعرف :eh_s(2):
وساعدوني شلون اشد حييييلييي :eh_s(11)::eh_s(11)::eh_s(11):



ناطرتكم

 

[(عسل وقشطة)]

زين منج فكرتي تتغيرين
اول شيء لازم يكون عندج هدف
خلي هدفج انج تتفوقين الي تفوقوا احسن منج لا مافي احد احسن من احد
وما اتوقع انج مستانسة على هالمستوى
خلي امج وابوج يفتخرون فيج
وتكونين معاهم لمن يدربون المتفوقات وامج اتجيبلج حلاو التفوق
ترى التفوق شي جميل لكن يحتاج جهد
وخلاص الي راح راح والحمد لله انج موبالثانوية
ولازم تتعودين على النجاح والتفوق من الحين
والاهم من هذا كله
انج تحافظين على صلاتج وتقرين اذكار الصباح والمساء وتدعين ربج يوفقج وتقرين قران
والله اذا كنتي مع الله الله بيكون معاج وتشوفين الدنيا أحلى بواجد وطيعي امج وابوج وق ليلهم يدعونلج
وتصلين بالفرصة الثانية
وحاولي ترافجين بنات شطار ومحترمات
تحترمين الابلات وتحافظين على دراستج واذا ما فهمتي شي روحي للابلة بالفرصة وشاركي مع الابلة بالحصة
وحاولي تقعدين قدام عشان تنتبهين معاها
وحافظي على نظافتج وانتبهي لكلامج
وحبي المدرسة ترى المدرسة حلوه لكن الامتحانات اهيا الي مخربة عليها
وكل يوم تريقي الصبح ونامي مبجر واكلي اكل مفيد
واذا عن الخط انا خطي مو ذاك الزوود بس شنو اسوي
احاول امشي على السطر واستخدم اقلام جافة واترك اسطر بين كل سطر وحاولي تقلدين خطوط البنات الي خطهم حلو
ومع الايام راح يتحسن إن شاء الله
واذا عن التسميع احفظي الاية قبل بيوم وبالحصة راجعي عليها وسمعيها لاتخلينهم يتراكمون عليج
او من الحين حاولي تقرينهم وتسمعينهم عشان اذا جيتي تحفظينهم يكونون سهلين إن شاء الله
وبعدين انتي بنت لازم تهتمين بدفترج عشان الابلات والبنات يحترمونج
ولاتخلين شيء يوقف جدامج حتى لو عندج ضروف لا تخلينها تاثر عليج كل شي ولا دراستج
انا ياما مريت بضروف لاكن ما خليتها تاثر علي
وشوفي السوريين والمصارية مع ان ضروفهم صعبة لكن ماشاء الله عليهم يطلعون الاوائل واحنا الحمد لله بخير ونعمه ومانتفوق او نشد حيلنا
وقولي الحمد لله ان احنا ندرس وبلاش في غيرنا ماعندهم فلوس عشان يدرسون
والله يوفقج ونجحج
واذا احتجتي اي شي انا ابداً ماراح اقصر معاج انتي حسبت اختي مع ان ماعندي خوات صغار
واذا تبين تقولين لي شيء بالهاص ترى عادي ما عندي مشكلة
واعيلي اتخرج بنسبة حلوة

 

[سارونه الامورة]

اسمعي كلام عسل وقشطه وطبقي كلامها اضمن لش التفوق بعد

كل يوم اذا رديتي من المدرسة صلي وتغدي وغسلي وجهش واشربي لش شيء بارد وعلى طووول افتحي الشنطة وافتحي كتاب كتاب واحفظي الدرس اللي

خذيتوه اليوم حقظظظ صممم كأنه عليش اختبار بكرة فيه واذا حفظتي الدرس شوفي اذا فيه واجب حليه وحطيهم على جنب وافتحي الكتاب الثاني واحفظي

الدرس وحلي الواجب وهكذا مع جميع الكتب ورتبي كتبش وجدولش في الشنطه وبعدين افتحي الدرس الجديد اللي بتاخذونه بكرة واقريه قراءة بفهم وركزي





مع الابله في الحصه ترى كلها 45دقيقه ركزي معها وبما انش رايحه لمرحله جديدة اجلسي قدام وكوني صداقات بسسس مع بنات متفوقات مو عشان تستفيدين
منهم لالالا عشان تتاثرين بهم لان الصديق بالصديق يقتدي ؛) وحاولي تعطين لابله طابع لش انش بنت محترمة وجايه تبي تتعلم واحترمي الابله وركزي معها



واذا رجعتي البيت احفظي الدرس وحلي الواجبات وحضري للدرس الجديد ورتبي دفاترش بس ترتيب حلو مو الوان وخرابيط لالالا خليه دفتر يفتح النفس
والخط واضح والوان حلوة ومتناسقه وصدقيني اذا بديتي بالمذاكرة الساعه3 العصر بتخلصين كل شيء الساعه 7 وبعدها روحي تروشي وتعشي واجلسي مع



اهلش افتحي النت او اذا حابه تطلعين اطلعي بسس تطلعين بعد ماتخلصين الدراسه مو قبل الدراسه لانش اذا رجعتي بعد الطلعه بتكونين هلكانه ومالش نفس
لاي شيء بسس قبل لاتطلعين ذاكري وادرسي وكذا بتتحمسين للمذاكرة وتخلصين وتطلعين وانتي مروقه بعد ومريحه بالش ومستانسه على العكس اذا طلعتي


ووراش مذاكرة ودروس راح تفكرين فيها ومراح تستانسين ويوم لخميس خليه لش اوووف لاتفتحين الشنطة نهائيا وسوي اي شيء تحبينه والعبي واستانسي
واطلعي وكل شيء تبينه سوية يوم الخميس ويوم الجمعه الصباح اصحي بدري الساعه5او 6 صحصحي وافطري واقري لش شيء من القران وافتحي كل



الكتب وصممممميها صممم احفظيها مثل اسمش وحلي واجباتش وحضري اصلا مراح ياخذ منش وقت لانش مذاكرة طووول الاسبوع بس مراجعه وترتيب
افكار ومعلومات وتحضير وحل واجبات و بينها بريكات لصلاه الجمعه او تتروشين او يعني تغدين والعصر بتكونين خالصه من كل شيء واطلعي واستانسي


وخلي باقي يوم الجمعه والسبت وناسسه لش وبكذا اضمن لش التفوق والنجاح بنسبه عاااااااااااليه حييييييل بعد


بالتوووووووووفييق

 

[b2door2]

الله يفوقج

وانا بروح سابع بعد ومستواي زين

شاركي بموضوعي تجممع الصف السابع وان شاء الله نفيد بعض

 

[د.طموحه]

أنا حالياً آخر كورس بجامعة الكويت
ذكرتيني قبل لمن كنت كبرج ما كنت أعرف أدرس !
بس في وحد نصحتني قالت لي :
إذا تبين تضمنين إنج ماتخلين شي قعدي ع طاولة وكرسي أو ع الارض عادي
وطلعي كتبج من الجنطه وحطيهم يسارج
ومسكي مادة مادة وسوي شغلها كللللللللللللله لا تخلين ولااا شي
وعقب كل مادتين كافئي نفسج إنج تقعدين مع أهلج أو تطقطقين بفونج أو سوي شي تحبينه
بس هااا هالمكافئة حدها ربع ساعة بس عشان ما تطلعين تماماً من جو الدراسة ويبقى لي الحين في نشاط وحماس عشان تخلصين
وبعدين ردي ع طول كملي شغلج والكتب الي تخلصينها حطيها ع يمينج
راح تستانسين لمن تشوفين الكتب كلها انتقلت من اليسار لي اليمين يعني خلصتي كل شي
وعلى طول سوي جدولج وزهبي جنطتج لليوم الي وراه وباقي اليوم يكون كله ونااسه بوناسه
ونصيحة حاولي تسوي هالشي عقب الغداا عشان يبقى لج باقي اليوم راحة بس هالشي راجع لج شوفي أي وقت يناسبج
بس لا توهقين عمرج وتخلينه ع الساعة 9 مثلاً :/ متى يمديج تستانسين وتسهرين وتنامين لووول
بس تعلمي شلون تقولين لنفسج " لا " مو تلهين مع الوناسه وتخلين دراستج
لازم تعرفين شلون تختارين القرار الصح وتقررين إنتي بنفسج شنو تبين وتتحملين عواقب خياراتج ؛)
إنتي مو صغيرة ألحين وأنا واثقة إنج راح تختارين الصح وراح تتعلمين شلون تقسمين وقتج
بس حطي لج هدف وطموح وخليه فبالج داااااااايماً
ترا الإنسان يلتزم بمخططاته إذا كان عنده هدف واضح ومركز عليه


موفقه حبيبتي :*

 

[kiim]

ماشاءلله البنات كفو و وفو ,,
اولا لا ترافقين بنت كسلانه وتحب الضحك بالحصه وتسولف
هذه والله تطلعج افشل وحده بالصف .. وتنزل مستواج
لان قبل رافقت وحده جذي و خلتني فاشله جدا
مع اني شاطره واحب الدراسه والجهد .


.


وياقلبي انا دائما قبل لا اخذ موضوع جديد
اقراءه في البيت وادرسه ..
واروح للمدرسه متشوقه علشان احل مع الابله
واشارك معاها بالدرس الجديد << هالشيء يعطيج حب للدراسه والصف


.


وحفظ القران من اجمل مايكون حبيبتي
هو نجاح وتفوق ورضى لربك وهو حسنات ودرجات عاليه
اقريء وحفظي وتاملي بالكلمات بتحبين الحفظ حيل
وتستانسين يوم تاخذين ايه جديده فيها معلومات لنجاحك بالحياه *واكيد (المدرسه )


.


وحل الواجبات اول باول
كل ماده حليها مثل ماقلت اخني طموحه

وسطري دفاترج بشكل ناعم وحلو لان احلى مايحببج بالدراسه هو الدفتر لما يكون يفتح النفس

والخط حبيبتي تتعلمين مع الوقت ومو مهم الخط الا اذا كان علسطر
الحين بنت عمتي ب11 والله ان خطه مال ابتدائي
بس عادي ههههه

وياقلبي ربي يوفقج وينجحك بالدراسه والحياه
والحمدلله على نعمه الدراسه مثل ماقالت قشطه وعسل

 

[حلفت عℳري*ｼ]

البنات كفوو او وفو و ملاحظة : سوي عكس ألي قلتيه يعني ما كنتي تحفظين ماادري شنو سوي العكس