بنات ابي استشيركم بشى ضرورى وعاجل

[صمت الكويتيه]

بنات انا حامل بالشهر الثاني وودي اسافر الامارات اغير جو لاني احس اني محتاجه اغير جو وما ادرى اخاف اتعب اهناك وبنفس الوقت اذا مارحت اللحين بالعطله ماراح اروح وانا احس اني محتاجه اروح شرايكم باللي اسويه*انا اخترت الامارات لانه قريبه وبنفس الوقت عشان ما اتعب بالطياره مع اني رايحه لها اكثر من مره بس ودي اروح لاي مكان

 

[شيــوخه]

عادي سافري وغيري جو وايد بنات يسافرون وهم حوامل

 

[كويتية أصيله]

اذا حملج طبيعي شالمشكله؟؟؟؟؟ بس عاد هناك لاتهايلين من الصبح لي الليل لاااااا.... طلعي الصبح ورجعي العصاري الفندق ارتاحي ونامي شوي ورجعي طلعي المغربيات ....... يعني لاترهقين عمرج بالفراره بالأسوقه

 

[ام فوااز]

عادي بس ريحي هناك لاتمشين واايد امشي شوي وارتاحي

 

[أأأميرة الورد]

رد : بنات ابي استشيركم بشى ضرورى وعاجل

ان شاء الله ما يضر

 

[نشيج الروح]

ماقدر افيدج سألي دكتورج

 

[السطوع]

رد : بنات ابي استشيركم بشى ضرورى وعاجل

بالنسبه لي لا تسافرين علشان انا سويت نفسج وتحسفت سافرت وعقب مارديت بعد 4 ايام وطيحت لاحقه على السفر خليها بعدين روحي الحين منتجعات بالكويت غيري جو
مادري بس هذي نصيحتي لا تجازفين

 

[om_saleem]

برايي اجليها لي شهرين ولا ثلالث اشهور .. علشان يثبت حملج .. وكثري من القران والاذكار وان شالله نفسيتج بتتعدل ..

ومره وحده علشان تعرفين شنو جنس البيبي وممكن تشوفين اشياء حلوه حقه اهناك .. او روحي وقتها مناطق بعيده مثل اوربا وجهزي حقج وحق البيبي من الالف لي الياي لان شغلهم اينن ورخيص مو مثل الكويت

 

[أنفاسي دخون]

الدكتوره اللي تراجعين عندها هي اللي ترخص لش او لأ

لان عندها تقرير كامل ومفصل عن وضعش الصحي

اذا كل شي اوكي وما في خطوره توكلي على الله مع اني انصحش تشيلين الفكره لين ما ترتفعين شوي وتدشين الرابع على الاقل لان احتمالات الاجهاض بسم الله عليش ترتفع بالثلاث شهور الاولى