بنات ابيكم تنصحوني اواجها ولا طااااف

[الراقيه 81]

السلام عليكم

اشلونكم حبيبتاتي
الله اني مشتاقة للمنتدى ولكم من زماااان ما دخلت

بنات انا سالفتي مع مرة حماي عاديه بس يمكن انا حساسه اشوي اول شي انا من عقب رمضان ماشفتها الا مرات ينعدون عالاصابع مع انا في بيت واحد بس كلمن لاهي بدوامه ومع اعياله المهم عقب بعيد الضحيه رحنا الخيران كلنا انا وحمولتي الا اهي كانت اوحام ولا راحت معانا وكنسلت الشاليه ولما يت الشاليهات ثاني يوم العيد بشاليه خالتي تغدت ومرت على حريم حمواني بما انها اهي اصغر منهم وعايدتهم ولا مرت علي وانا اكبر منها وشاليهي بالنص بينهم مرت على اللي اكبر مني واصغر مني، وراحت الوفره لاهلها ويوم سالت خالتي قالت اي افلانه عايدتكم وراحت انصدمت جان اقولها ما مرت علي جان تقول ها اي بصراحه اهي ما ادري اشفيها بس تسال عنج و عن اعيالج وعن لبسج وجنها تبي تسمع الزله عليه ولا حظتها قبل برمضان ما تكلمني قلتلها اشفيج قالت ولا شي المهم عقب الخيران تيمعنا عن خالتي وسوت عشا للحجاج وعشان اللي ماشافوا بعض بالعيد وانا الحمدلله والله من غير مدح خالتي وحمواني حيييييل احبهم ويحبوني ، بالعشا قعدت يمها وحاولت اسولف معاها لان مابيني وبينها شي
بس الصدمـــــــــــــــــــــــــــــــــــــــــة
عقب العشا بالليل درشتلي واتس اب تقول عن الجذب وعقوبت الجذاب والله ما ادري شنو السبب وسالتها شنو هالبرودكاست حطت فيس معصب
على فكرة ترا ما تطرشلي واتس اب من اول

اشتنصحوني فيه ؟؟؟؟؟؟؟؟؟؟؟؟؟؟:bbbiu::eh_s(22)::eh_s(10)::eh_s(2):​

 

[الراقيه 81]

اشدعوه ماكو ولا رد ؟؟؟؟؟ ​

 

[متحدونيه]

يمكن سامعه من احد انج قايلة عنها شي و انتي ما قلتي

او يمكن اهيا حساسة و ما تحبج و تدور المشاكل

الله يهديها

 

[أم ميميتو]

حبيبتي يمكن في احد ناقل لها كلام على لسانج و الناس هالايام ما عندهم لا شغله ولا عمله غير تنقل الحجي و خراب البيوت حاولي تفهمين السالفه منها يمكن تقدرين تعرفين منها شصاير والله يهدي النفوس

 

[om Firas]

عادي قولي لها وفتحي قلبج ولا تحطين شي بقلج دامج
ماسويتي شي الله يعينج ان شالله
ويمكن تكون متوحمه فيج تصير عادي
نطري عليها لين مايخف وحمها وشوفي

 

[iTaLiyA]

حبيبتي لازم تسالينها ليش متغيره عليج
يمكن سامعه شي او فاهمه غلط
أنا من رأيي انج تكلمينها فيس تو فيس احسن

 

[عسل مرت قيمر]

غريبه!!!!



اخاف سامعه شي عنج او احد موصلها شي او ناقلها شي !!



موقفها يدل على جذي


انتي حسيتج الا بتقربين منها ..

ليش ماتكونين بعيده ومحبوبه .. يعني علاقه حلوه من يعيد لي بعيد!!


بس لو انا منج مو مسويه شي كلش ولا طالعه مني كلمه ولا مقربه صوب احد ومالي شغل بحد


ويوصلني مسج جذي راح ادق عليها واسلم واقولها فلانه وصلني مسج مكتوب فيه جذي وجذي شنو حقي المسج ولا بلغلط لاني مو فاهمه شي
ماني عارفه شنو تقصدين !!!

وقبلها اخب تخذ راي ريلي بلموضوع


يمكن البعض يقول شكو تدخلون الرياييل ومادري شنو يمكن صخ بس انا علاقتي بريلي غير متعودبن ناخذ راي بعضنا ونشوف شبنيوي مع بعض



وفي نقطه
الله يهداها خالتج ليش جذي تقول جنها تسوي عداوه


وربي يوفقج يلغاليه

 

[عسل مرت قيمر]

الله يعينج على بدلياتي

 

[الراقيه 81]

الله يجزاكم خير بس السالفه من عقب العيد والمره لي الحين ما تكلمني ​

 

[الراقيه 81]

عسل مرت قيمر عااادي البدليات هههه احنا تالي الليل​

 

[يا كويتنا]

واضح حيل انه واااصلها حجي عنج


وما تدرين شقايلين لها


الموضوع ما يبيله مشاوره


دقي عليها او زوريها وتكلمي معاها عادي وتالي سأليها عسا ماشر ليش طرشتيلي مسج بهالحجوه ترا ما فهمت قصدج


وبس. ما يبيلها

 

[sosowaty]

انا وحده حدي صريحه

و احب اوايه

ف نصيحتي مني لج وايهيها

 

[روح مغليها]

بصراحه خالتج. كلامها في انه يووم تقوول انهاا تسال عن لابسج ومدري شنووو
لوو صج قالت هكلام ماكان خالتج قالته لج
بس صدقيني المررره سااامعه عنج كلاااام ان انتي قايله شي بحقهاااا
لوو انا منج ادخل عليخا ابيتهاااا واسالهااا

 

[أم الفناتك]

لا سأليها شالسبب ليش هالمعامله ويمكن احد موصلها حجي عنج التمسيلها العذر والله يصلح مابينكم يارب

 

[الغاليه ام احمد]

حبيبتي خليج انتي احسن منها

واذا انتي متاكده من نفسج ما قلتي شي عنها وواثقه بنفسج

روحيلها شقتها وقعدي معاها وكلميها

قوليلها يافلانه انتي اشفيج اشوف خاطرج شين علي انتي سامعه شي او احد ناقلج كلام على لساني

وقوليلها لو انا ما اعزج جان ما وصلتج اشوف شنو بخاطرج علي

واذا احد ناقلج كلام قوليلي وواجهيني فيه لاني واثقه من نفسي اني ما قلت شي عنج

 

[lemonda]

ياسلام حلوه هذي وقفيها عند حدها حتى لوكانت مظلومه واحد قالها انك كذابه او كذبتي عليها اسلوبها مره بايخ روحي لها واوقفي في وجها وحققي معها اذا انتي واثقه في نفسك مو غلطانه معها وناسيه قولي لها يوم تسمعين شي تعالي واجهيني مو تتهربين وتساليني عني الناس وساكته قدامي ترسلين بعدين

 

[A_M_A]

لآتظنين فيهـآ ظن آلسوء آن بعض آلظن آثم

حبيبتي رآح تآخذين ذنووب

شوفي يمكن سآمعة عنج شئ

وآجهيهآ قولي شفيج ؟؟ سآمعه شئ ؟؟

وآذآ صج سآمعة صلحي آلخطآ بينكم

وآذآ شفتيهآ مآعندهآ سآلفه

طنشيهـآ وتحآشيهـآ قد مآتقدرين

وآلله يوفقج ويوفقنآ معآآج

..

 

[دلوعة صلوح]

كلميها يمكن فى احد اموصل لها شئ انتى مو قايلتة عليها .

 

[ياراا]

طاااااااف حبيبتي دامج علي حق وماغلطتي بحقها طاااااف وطنش تعيش منتعش
وعندها بدال الطوفه اربع اذا زعلانه بدون سبب وحتا لو سامعه حجي اكيد بتواجهج فيه
هذي نظامها غيرانه منج ومحتره حدهاا عشان جذي بتشغلج فيها وتشككج بعمرج لو احد موصلها حجي ما ادز بي سي عن الجذب !!
اعتقد تواجه وتسال اقل شي ؟! لانكم في بيت واحد
وكلام خالتج فيه شكه شوي مايندرا بعد مثل ماوصلتلج كلامهابتوصلها كلامج والله اعلم ما احط بذمتي
اللي يحبني ويبني يامرحبا به واللي مايحبني ومايبيني ماااااايشووووف شر واحذف عقبه سبع صخرات
ان شالله بعيش عمري اداري علي الناس ومحد درابي
نصيحتي لج عيشي اليوم بيومه لا تفكرين ولاتشيلين بقلبج وحطي اذن من طين واذن من عين وعيونج ما تشوف الا اللي يحبونج ومتاكده من محبتهم غيرهم مالج شغل فيهم ولا تفكرين في نغزاتهم تعليقاتهم تفاهتهم صدهم المفاجاء كل واحد وله ضروفه وانتي الضحيه
مثال وحده متزوجه وتوها متهاوشه مع زوجها وانتي قلتي سالفه عن زوجج او عيالج مستانسين او سالفه تضحك لا تستغربين تنفس عليج وتنغز فيج والا تقط عليج حجي عشان بس بضيق خلقج !!!
سووري لاني طولت عليج
واقول في الختام شعلي انا من الناس وشعلى الناس مني
وتقبلي مروري *

 

[صادقة بكلمتي]

والله حبيبتي الصراحه راحه على ما يقولون واجهيها وعلى ما تقولج تقدرين تاخذين قرارج ان احد موصلها تعرفين ان اهي الله يهديها ما تواطنج تبعدين وتكونين رسمية واهم شي ريلج واهل ريلج وعيالج والمعامله الحسنة للباجي الواحد ما يقدر يخلي كل الناس يحبونه ترا مهما كان زين وانتي سوي بطيبج