بنات ابى طريقه افهم فيها زوجي اني مابيه

[شونغ هونغ]

سلامم شلونكم... انا لي فتره متزوجه مع العلمم اني مابي الزواج بس رضيت بسبب ظروفي وحملت وصرت ام .. المشكله زوجي دايم يوعدني باشياء مايسويها اذا طلبت شي قال ابشري وكلام حلوو بس ماينفذه ويطنش ودايما ع هالحال واذا سويت غلط بسيط يشن حرب علي ويسبني ويعايرني ويجرحني لين ابكي بعدين يعتذر وش فايده العذر احس نفسي عافته افكر اتركه لانه مايلبي لي طلباتي كل شي يآجله والناس اذا طلبو منه شي مايقصر انا احيانا جوالي سايلنت يغسل شراعي ويقول ليه تطنشيني واحد محرضكك علي!؟؟ معد استحمله كنت احبه بس هالحين احقد عليه ساعدوني كيف اقوله مابيك ماعندي جرأءه انا في هم وغم

 

[Kocheko]

حبيبتي كلميه قولي له في أشياء في شخصيتك ما أحبها .. حاول تكون قد كلمتك تلبي لى طلباتي انا لى أحتياجات ..

ولو قالج من تارس مخج عليى قولى له والله محد .. بس تصرفاتك مضايقتني ..

 

[dalo0oa121]

عادي أشفيها استحمليي شسوين وعندك ولد

 

[REEMA15]

مو قادره تقولين له انك ماتبينه لانك اصلا تبينه بس عشان الامور السيئة الى يسويها معك تقولين مابيه

يعني انتي تكابرين ودك انه يعدل من طبعه ولا انتي مافكرتي تتركينه وهذا ابسط حقوقك

المهم امسكي زوجك فى وقت هو رايق فيه وافتحي قلبك له قولي كل شي ماتحبينه فيه واذكري الامور الى تحبينها فيه

مو اكيد عنده صفات حلوه تنحب

وان ماقدرتي تواجهينه بالحوار اكتبي له بورقه او بالواتس واطلبي منه يرد عليج بالكتابه

 

[M!SS.LOBY]

الله يهديج ويهديه ويسخره لج

 

[M!SS.LOBY]

يا اختي علاج زوجج عندي وسهل والله
اذا عصب او يحاول يغثج ويخليج تبجين جدامه وبعدها تكسرين خاطره ويراضيج كل اللي تسوينه هذا غلط
حقريه وطقيه بالطوف خليج روح وجسد وبلا شعور واحساس
لا يحرك فيج شعره وحده من داخلج بجذي تكبرين بعينه وما راح يسب

وبعض الرياييل يحبون الوحده اللي ما تهتم بكلامه ولا تعطيه اكبر من حجمه

 

[Red Al Rainbow]

مممممم

طيب ليش مآ تحآولين تذكرينه !!!

 

[تالا]

كلش الا الطلاق
مو لـ اتفه الامور تطلبين الطلاق وتكرهينه

شكثر حريم نفس الشي شكثر رجاجيل نفس النمونه
وحياتهم ماشيه



شدعوه انتي حساسه حيل
مو معقوله كل رجال تتزوجينه تلاقين فيه عيب طلبتي الطلاق



انتي ببيت زوجج مو ببيت اهلج
والزواج مسؤليه وتعب و احيانا حزن وهم بس تأقلمي مع حياتج


مو على أي مشكله تتوقف حياتج وتطلقين
لا والف لاااا
عالم من الحريم اكثر مأساة من حياتج وماشين.. كل شي بـ أجره


دوري حل بس مو الطلاق

 

[mrs.abk]

أختي انتي معورة قلبج بدون فايدة ..

قاعدة تعطين الحب لمقابل .. ما تحبين ريلج لشخصه تبيته لأنه مارد المصباح اللي بيحقق أمانيج

ولو ما تحققت هالاماني انتي ما تبينه !!


مسالة انه ينرفز لو ما رديتي .. جربي انتي تتصلين له وهو برا وما يرد وشوفي كيف يتنرفزين


أختي الحياة الزوجية موب جيه .. راجعي نفسج وبتتغير حياتج

 

[نبض السعاده]

تحملي هذا مو سبب انج تتركينه اصبري كل بيت في مشاكل
والله يتمم لج علي خير

 

[ميـــم]

الله يسخره لج يارب ويهديه
هذا مو سبب انج تتركينه وتهدمين بيتج بيدج
ادعي له بالصلاح والهدايه *

 

[Stillness]

مشكلتج وايد قريبه مني بس في فرق بسيط انا زوجي متعود ما يتناقش لا متعود يتهاوش ويمد ايده بس من خذاني عودته اذا يبي شي يتكلم ما يرفع صوته علي ولا يمد ايده الحمد لله بس ملووووووووع جبببببببدي وااااايد من ناحيه الصرف يبيني انا اصرف عالبيت ويقزرها على افاي يبيني مثل ام او اخت مو مستوعب ان اهوا ريال متزوج وعنده بيت ومسؤوليه معاشه من اول اسبوع مخلص وباجي اشهر بس مطنقر مع ان معاشه راااهي والله لاااااعت جبدي واهله معووووديييينه على الاتكاليه بطريقه مو طبيعيه مع ان هالشي متعبهم بس اهما يبون جذي وهالشي متعبني انا بعد المهم مالج بالطويله انا طقيته بالطوفه مع اني وايد احبه قلتله بطريقه مو مباشره مالك شغل بمعاشي وواجباتي ااديها على اكمل وجه اشوفه مضايق وهالشي وايد يضايقني بس خلاص مصخها بصراحه المهم اقري كتاب الرجال من المريخ والنساء من الزهره وكتاب للنساء فقط وااايد راح يفيدوونج وعليج بالدعاء ترا الطلاق مو سهل وعلى قولة امي الرياااايل ننننفس بعض ما راح تلقين واحد كامل مكمل لازم احنا بعد نصحح اسلوب تعاملنا ونثقف نفسنا انا مره رحت خذيت استشاره زوجيه بس الطلاق ترا ما تسوى الحمد لله اهوى ما خانج ولا راعي مشروب عليج بالدعاء والله يهديه ويسخره لج

 

[ورد الجناين]

تدرون شنهي المشكلة .. يتربون على الدلع و الربادة وعدم تحمل المسؤولية .. ما أقول كلهم ، الوازع الديني ضعيف و ما يعرفون إن المرأة لها ذمة مالية مستقلة، حتى لو الريال ما عنده شي هي مو مجبورة تصرف عليه و لو كانت مليونيرة ..
بس منهو اللي يفهم هذا الحجي غير واحد عارف دينه و حدود ربه .. ادعي له بالهداية و تصدقي عسى الله ييسر أمرج

 

[هيبة ملك]

تحملي. حاولي. تغييرين. من طباعه او تتكيفي. مع طباعهالطلاق ابدا مو حل

 

[Combat]

شلون ماكنتي تبين الزواج
وتقولين كنت احبه؟
شهالخرابيط صج حريم

 

[aauu-]

الله يسخره لج يارب ويهديه ويهدي سركم يارب

 

[شيهانه الهيلا]

زوجك نفس زوجي بس صايره عشان ولدي

 

[افنان الحربي]

مجرد ما قبلتي احد يتدخل بحياتج ويغصبج على الزواج فتحملي وحاولي تتكيفين على هالشي هذا اولا
ثانيا مساله كل كلمة راح تبجين هم هذا مو حل لمشكله هذا نوع من الهروب اذا انتي مو غلطانه ليش تبجين غيري من اسلوبج حاولي تتمالكين اعصابج لي كلمج وعايرج قوليله انت معصب ماراح اكلمك الحين لين تهدي وخليه مع نفسه انتي بعد لازم ماتصيرين حنانه وتنرفزينه وتقولين انت تخدم الغير وانا لا نصيحتي طلبي الشي منه مره ومرتين وثلاث عادي بكلمه حلوه ترا الرجال مثل الطفل يجي بالاسلوب الحلو مو بالحنه بيعاند واخيرا كل شي تقدرين تغيرين فيه الا اذا كان بخيل او خاين حمدي ربج زوجج مو جذي وسوري على الاطاله