بنات ابوظبي او للي سافروا لها .. أبيكم ضروري

[كشكش]

السلام عليكم ورحمة الله وبركاته ..

شلوووونكم بنات ؟؟

انا بصدد السفر لابوظبي ان شاء الله وأبي استفسر من خبيرات أبوظبي

عن عدة شغلات ..

1- كم تبعد ابوظبي عن دبي بالسيارة؟؟

2- وشنو أفضل الاماكن السياحية في ابوظبي؟؟

3- وأفضل المطاعم ؟؟

عفيه بنات بانتظار ردكم .. ولا تطنشوني ..

ومشكورين سلفا ..​

 

[كشخة دبي]

السلام عليكم ورحمة الله وبركاته ..

شلوووونكم بنات ؟؟


انا بصدد السفر لابوظبي ان شاء الله وأبي استفسر من خبيرات أبوظبي

عن عدة شغلات ..

1- كم تبعد ابوظبي عن دبي بالسيارة؟؟
تقريبا ساعتين

2- وشنو أفضل الاماكن السياحية في ابوظبي؟؟
عندج جزيرة ياس-عالم فراري-قصرالامارات-وعندج الاسوق المارينا مول_الوحد مول_بني ياس مول_المطاعم في مولات وعندج قيصر و قصر الهند


3- وأفضل المطاعم ؟؟

عفيه بنات بانتظار ردكم .. ولا تطنشوني ..

ومشكورين سلفا ..​

 

[كشكش]

كشخة دبي تسلمين حبيبتي على الرد ..

بس على فكرة احنا ما معانا يهال وما احب الاماكن اللي فيها العاب يهال ولويه ..

افضل الاماكن المريحة ومناظرها حلوة ..

قصر الامارات هذا فندق والا متحف والا مول ؟؟​

 

[ام يارا القمره]

ابو ظبي عاديه مافي الا مول مارينا مول
ابوظبي مول.
وفنادقهم تعبنا وحنا ندور على فندق مافي ديسكوا ولا بار لان كل بنات الليل توقف على مدخل باب فنادق الي او لوبي وقسم بالله ادخل على طول الغرفه لان مناظر تخدش الحياء
انا بكره رايحه دبي ويقولون مثل ابو ظبي وزياده
تبعد عن دبي ساعه ونصف وموفقه اما انا ندمانه لان سكنت ابو ظبي لان مافيها سياحه ابد غير مولا ت وبس
ترى اكثر فنادق ديسكو سواء نجمه وحده او خمس نجوم وارجعي بدري للفندق لان الساعه ١٢ راح تشوفين العجب

 

[كشكش]

يارا القمره الله يبشرج بالخير .. :krkrkr:
تسلمين حبيبتي على الرد ..

واحنا نوعنا ما نتأخر بالليل اذا كنا مسافرين !

وبانتظار ردود باجي البنات ..!​

 

[غزلان-2]

ماعندي فكره

والله يكتبلي سفره واستانس

ويبعد بنات الحرام عنكم اميييين

بس استغرب اللي عندهم معلووومات وساكتين ويييييييييييييييييينكم

 

[كشكش]

مشكورة يا غزلان على الرد وعلى الاهتمام والدعوه الحلوة ..

وبانتظار باقي الردوووود ..!!​

 

[مُخملْ]

1- كم تبعد ابوظبي عن دبي بالسيارة؟؟
تقريباً ساعتين
2- وشنو أفضل الاماكن السياحية في ابوظبي؟؟
أبوظبي منطقة هادية ، مب مثل ضجة دبي وبتلاقين أكثر
الأماكن السياحية عبارة عن مولات .

المولات :
الخالدية مول - الوحدة مول - المارينا مول
الفنادق :
قصر الإمارات - الخالدية - شيراتون - الوفت - شانغري وغيرهم
تقدرين تشوفينهم من بوكنج .

تقدرين تروحين الجزر : عندج دلما وبني ياس ...

3- وأفضل المطاعم ؟؟
يعتمد على ذوقج فكل مول بتروحينه بتلاقين كل المطاعم
اللي تبينها .

،
هالموقع مثل بوكنج فيه كل المعلومات اللي تبينها ل أبوظبي
واايد بيفيدجْ :
صفحة 1 - Visit Abu Dhabi - فنادق في أبو ظبي




رحلة سعيدة وإن شاءالله تستانسين بينا

 

[عاشقة العالم]

رحله سعيده

 

[كشكش]

مخمل ..

تسلمين حبيبتي على الرد ..

ووايد عجبني الموقع مشكوووووورة ..

انا رايحه هناك لدكتور بس قلت ما يمنع نشوف ونسأل عن

أماكن للسياحة ..​

 

[كشكش]

عاشقة العالم ..

جزاك الله خير ومشكورة حبيبتي ..​

 

[❞ Cleoραtrα ❝]

الله وناسه يوم شفت اسم بوظبي للول ,, >> من بوظبي ترآني ,,


1- كم تبعد ابوظبي عن دبي بالسيارة؟؟
تقريباً ساعتين أو سآعه ونص

2- وشنو أفضل الاماكن السياحية في ابوظبي؟؟
1- مسجد الشيخ زايد الله يرحمه ( ثالث اكبر مسجد بعد مكه والمدينه )
2 قصر الامارات من افضل الفنادق في العالم
3 - المارينا مول
4-كورنيش بوظبي (روووعه وفيه مطاعم وتأجير سيآكل)
5-جزيره يآس
6-عآلم فراري
7- الوحده مول
8-مشرف مول
9- جزيره دلما
10 - مدينه مصدر ( خاليه من الكربون )

3- وأفضل المطاعم ؟؟
عندج شانغريلا قرية البري ( مطعم لبنآني روعه اكلهم ) وفي عدة مطاعم
وفي مطعم بالمارينا مول اذا اتحبين اللزآنيآ مقابل حلبه الاسكيت
والله نسيت اسمه بس لونه هادي وعلى استايل فرنسي

 

[((غلاي))]

تروحين و تردين بالسلامه
ررفع لعيوونج

 

[غايوه]

مرحبــــــــــآ حبيبتي


اناا من سكان بوظبي




1- كم تبعد ابوظبي عن دبي بالسيارة؟؟

تقريبااا ساعه ونص

2- وشنو أفضل الاماكن السياحية في ابوظبي؟؟

عندج فندق شانغريلااااا فيه شاليهااات واسواق فخمه

عندج جزيره ياس تضم عالم فراري

عندج ابراج الاتحاد تطل عالبححححححر

عندج شاطى الكورنيششششش ممشي كبيييييييييير


3- وأفضل المطاعم ؟؟


القصر الهندي

ارض الماكولاااات

المطاعم الى موجوده في بوظبي مول




اى استفسار اناا موجوده

 

[mrs.abk]

ابو ظبي عاديه مافي الا مول مارينا مول
ابوظبي مول.
وفنادقهم تعبنا وحنا ندور على فندق مافي ديسكوا ولا بار لان كل بنات الليل توقف على مدخل باب فنادق الي او لوبي وقسم بالله ادخل على طول الغرفه لان مناظر تخدش الحياء
انا بكره رايحه دبي ويقولون مثل ابو ظبي وزياده
تبعد عن دبي ساعه ونصف وموفقه اما انا ندمانه لان سكنت ابو ظبي لان مافيها سياحه ابد غير مولا ت وبس
ترى اكثر فنادق ديسكو سواء نجمه وحده او خمس نجوم وارجعي بدري للفندق لان الساعه ١٢ راح تشوفين العجب

اتقي الله في ردج

لو انتي استخسرتي تنزلين في فندق محترم فهذا شيء راجع لج

بوظبي فيها فنادق بدون بارات وديسكو .. لكن الرهوة على اللي استرخصوا وعقوا عمارهم في فنادق خايسة


منو انتي علشان تشوهين صورة بلادنا .. ولو انتي وصلتي بوظبي بدون تخطيط فهذا شيء راجع لج انتي واللي وياج ولا تعممين على الناس


ردج سيء وأسلوبج في الحديث عن أحلى العواصم سيء بعد .. نظرتج سطحية وشكلج أول مرة تطلعين وتسافرين