بنات إلي جربوا مطعم بيبيس بيتزا " هوليداي إن السالمية" ياريت يدشون

[albarooona]

بنات باجر الجمعة وانا طالعة مع رفيجاتي وبالصراحة أنا اقترحت عليهم مطعم بيبيس بيتزا " هوليداي إن السالمية " إلي براس السالمية وتوهقت مادري عاد عنه حلو مو حلو شلون القعدة فيه مريحة شلون الناس إلي يروح المطعم ؟
هل فيه مصبنة ؟
هل المطعم هادي ؟
شلون أكلهم حلو؟ وشنو الحلو إلي يقدمونه والمشروبات ؟
وهل فيه كبائن وإلا لأ ؟؟ والكبائن هذي بفلوس وإلا شاملة الطلب و إلا شنو
ياريت تفيديون بليز
وإذا فيه مطاعم في الهوليدي أن راس السالمية حلوه غيرة بيبيس بيتزا ياريت تفيدوني
فديتكم ناطرة ردكم

 

[opera]

المطعم هذا عجييب

ووايد حلو بيتزتهم خفيفه ومافيها دهن وااايد وعندهم سلاد بار وفي باستا ومقبلات حلوه تعجبج

والمكان هادي مافيه لويه و مافيه كباين


بس خوووش مكان :rerrerek:

 

[Athwaq]

حلو المكان هادي

بس الباستا مالتهم مش ولا بد

البيتزا احسن

 

[_zahra]

السلام عليكم
انا أؤيد كلام اوبرا,,قعدتهم حلوة خصوصا اللي برا لي صار الجو حلو ومكان هاادي وعوايل وفي كباين داخليه ,,وأجواء شموع واضاءه هادية,,اكلهم حلو ومتنوع راح تستانسون عن الحلو مادري ما جربت ويمهم في مطعم صيني مادري ياباني

 

[albarooona]

مشكووووووووووووورين ماقصرتوا فديتكم والله

 

[Om Ghalia]

قعدة روعة، وعندهم ترى بوفيه مفتوح يمكن 4.5 دنانير على الشخص شامل سلطة، بيتزا، باستا، وبيبسي...

 

[ابلة رسم كتكوته]

بشكل عام المطعم زين بس في ناس ما حبو قعدته السقف نازل وظلمه هذا بالليل
مارحت بالنهار ولا مره وبعدين على حسب العزومه
اهو مال تعزمين احد ما تمونين عليه فيه لانه عادي مو كشخه طقة بيتزا هت بس على اكشخ
ومافيه كباين مسكره
الكبينه مبطله وفيها كذا طاوله يعني عادي انتي وناس ما تعرفينهم معاج بنفس المكان
بيتزته حلوه وخفيفه وفرش
سلطاته حلوه اللي بالمنيو بوفيه السلطات مو زود
وعندهم بوفيه شامل الشوربه والسلطات والابيتزا والباستا سعره 3و900
طلبت سويت ما اذكر شنو بس كان حلو
واذا محتاره اي مطعم اروح انا وريلي رحنا له
ينحب هالمطعم وعليكم بالعافيه مقدما

 

[albarooona]

بشكل عام المطعم زين بس في ناس ما حبو قعدته السقف نازل وظلمه هذا بالليل
مارحت بالنهار ولا مره وبعدين على حسب العزومه
اهو مال تعزمين احد ما تمونين عليه فيه لانه عادي مو كشخه طقة بيتزا هت بس على اكشخ
ومافيه كباين مسكره
الكبينه مبطله وفيها كذا طاوله يعني عادي انتي وناس ما تعرفينهم معاج بنفس المكان
بيتزته حلوه وخفيفه وفرش
سلطاته حلوه اللي بالمنيو بوفيه السلطات مو زود
وعندهم بوفيه شامل الشوربه والسلطات والابيتزا والباستا سعره 3و900
طلبت سويت ما اذكر شنو بس كان حلو
واذا محتاره اي مطعم اروح انا وريلي رحنا له
ينحب هالمطعم وعليكم بالعافيه مقدما

حياتي تسلمين مشكورة كفيتي ووفيتي ماقصرتي

وكل البنات إلي دشوووا فديتكم الله يوفقكم ويرزقكم يارب

 

[hot caramel]

اهـلين حبي

البنات ماقصروا الله يعطيهم العافيه

لكن براي الشخصي ان المطعم حلو واكله خفيف بيتزته خفيفه تحسينها لايت وبدون دهن !

واحب ألفريدو باستا مالتهم و سيزر سلط حلوه بعد ., والناس اذواق

وبالنسبه لمستواه انا اشوفه رخيص وكويس وراقي

قعدته حلوه وهالايام مشاالله الجو حلو

ومـافي كباين بس في اماكن مدعوسه

وماكو مصبنه بس فيه زلزمات واهاليهم وهالاجانب يعني

وعندهم بوفيه مثل بيتزاهت تقريبا السلطات مع جم شغله جذي


ويمه اكو مطعم ياباني ومطعم لبناني ايام زمان حسابهم بالمنيو جارج وعندهم كباين واكلهم لذيذ


ونسيت بعد شنو فيه ! :rgewrg:



بـالعافيه ياالغلا ومحل مايسري يمري مقدما :tek:

واحب اهنيج على اختيارج الراقي الي يدل على صاحبته الراقيه والي كلها ذوووق نفسه !:eh_s(22):

وسمحيلي عالقصور .. وان شاالله اكون فدتج

 

[Om_Ksha]

شوقتوني له .. شفته بطلبات وقاعده اسوي سيرج

ميته يووع ومشتهيه بيتزا

 

[شهرزاد الحكاية]

اي مثل ماقالوا البنات عجيييب وحلو ومتنوع واكله لذيذ وسعره حيييل مناسب ....​