بنات ... إللي خذت إبرة فيتامين دال تدخل بليييز

[Pixels]

السلام عليكم ورحمة الله وبركاته

بنات بسألكم .. إذا خذيتوا إبرة فيتامين دال يصير فيكم خمول ثاني يوم وتكسر وبس ودج تنامين وإلا عادي ؟؟؟

 

[الفراولة الوردي]

رفيجتي خذت الابرة
لان نسبة فيتامين د عندها اقل من10
تقول عواااااااااااار في مكان الابرة لمدة 3 ايام
و باقي لها جرعتين
الله يعينها
الطبيعي يكون اكثر من 75 الى اقل من 250

 

[سراب فوفو]

رد : بنات ... إللي خذت إبرة فيتامين دال تدخل بليييز

انا عندي نقص حاد بفيتامين د بس خايفه اخذ الابره مافي حبوب ولا لازم ابره

 

[Pixels]

الفراولة الوردية




مشكورة على الرد حبيبتي آنا الوالدة خذتها بس تقول متكسرة وبس ودها تنام وهي عندها نقص وايد في فيتامين دال وصح مكان الإبرة يعورها

سراب فوفو


والله حبيبتي أخذي الأبر أحسن لج وترى هي كل شهر مرة .. الأبر مفعولها أسرع وأقوى وأحسن .. لا تخافين مثل ما يقولون كلها شكت إبرة هههههههههه .. وعشان صحتج .. لنه نقص فيتامين دال يساعد على حصول هشاشة العظام .. أخذيها من ألحين لا تتوهقين بكبرتج بعد عمر طويل إن شاء الله


فيدونا من خبرتكم بنات =)

 

[تمنيته]

بنات شلون ادري ان فيني نقص؟؟ له اعراض؟؟

 

[am faisal]

مكان الابرة يعور مثل عوار التطعيم وتحسين بالام بالعظام ونصيحة الحبوب ما تجيب فايدة للاسف لازم الابر شنسوى واحسن دكتور العثمان وعيادتة بالجابرية

 

[cherry67]

أنا فيني نقص فيتامين دال وعطوني ابر بس ما خذيتهم وخايفة من الابرة على اساس اخذ ابرة كل شهر وعددهم 4 ابر

 

[زوارة خميس]

رد : بنات ... إللي خذت إبرة فيتامين دال تدخل بليييز

انا عندي نقص واخذ ابر ومكان الابره يعور

 

[غزلان الحلوة]

رد : بنات ... إللي خذت إبرة فيتامين دال تدخل بليييز

[

14​

مرحبا إذا الإبرة من الحكومة من المستوصف او المستشفي فعلا تعور وايد وتمت منتفخة لمدة شهر وسببتلي التهاب بس اخذت وحدة من دكتور خاص ب10 د.ك بس صج حلوة ماتحسين بألم وايد مفيدة وفي عند مستشفي شيخان الفارسي حبوب كل اسبوع وحدة انا اخذهم الحين والحمدالله احسن

 

[أفانين]

السلام عليكم....اناكتبت لي الطبيبه الابر بس سالت الصيدلي قال ممكن استخدم الدواءمع العصير واشربه والحمدلله عادي بس ثاني يوم احس بتعب...بس عادي اتحمل التعب ولا الابررررر

 

[مزيان]

رد : بنات ... إللي خذت إبرة فيتامين دال تدخل بليييز

انا خذيتها هذا ثاني شهر لي
صج في وقتها اتحسين الم بالورج
بس بعدها عادي يمكن يختلف من جسم لي جسم

 

[غربــــة اِحساس]

انا اخذتها

معاي نقص شديد لدرجه لازم اخذ ابره كل اسبوعين

بس انا من كيفي خليتها مرة بالشهر

تعور ويبقى الالم يومين

وصح تكسر الجسم بس شنسوي لازم نعوض النقص

الله يشفينا ..

 

[جوري وبنفسج]

السلام عليكم

أنا بعد عندي نقص وعيالي كلهم فيهم نقص وبنتي كتبوا لها أبر أخذت 2 وبعدها قلت لها لا تأخذين الأبر لأن زوجي قال لا تأخذون الأبر لأن معاه بالدوام موظفين قالوا له أنها مو زينة لأنها تضخ بالجسم كمية كبيرة من فيتامين د وبشكل مفاجيء وممكن يكون لها آثار بالمستقبل .

أنا على العموم قاعدة آكل سلمون مرة أسبوعياً وعيالي أعطيهم زيت كبد الحوت لأن فيه فيتامين د بنسبة كبيرة ( بس الحامل واللي تخطط للحمال لا تأخذ حبوب زيت كبد الحوت لأنها تسبب تشوه للجنين )

وعليكم بالشمس ثم الشمس ثم الشمس

حاولوا تطلعون بالحوش أو السطح كل يوم الصبح أو العصر لمدة 10 دقايق وأنتوا لابسين نص كم وبنطلون للركبة علشان جسمكم يمتص من أشعة الشمس فيتامين د .​

 

[^DanaH^]

uppppp