بنات أمي وأبوي تخانقو بسببي شنو أسوي ساعدوني
:eh_s(11):
أمي من جنسية خليجية ودائما عصبية وتبي تربينا بالطريقة القديمة إلي ربوها عليها أهلها
إلي هيا التحكم بكل شي مالنا حق بشي عمري 25 وللحين تعاملني معاملة الياهل
مالي حق أعترض على شي حتى لو كان يخصني وما أبيه كلشي لازم السمع والطاعة
المهم سبب المشكلة إني فكرت في إني أحد حد للموضوع وأخليها تستوعب إني
صرت كبيرة ومسؤولة عن نفسي في بعض قراراتي مابي أقول كلها علشان ماتعصب بزيادة
أمي نادتني علشان تحني راسي بس أنا ما أحب الحنة فقلت لها بلهجة مؤدبة
ماما لوسمحتي مابي أحط اليوم خليها بعد يومين ماأقدر اليوم وفعلا كنت ما أقدر
أحطها اليوم لسبب خاص أمي مارضت تسمعلي وأنا ظليت مصرة على
موقفي فقلت نادو أبوي لأن أبوي دايما
يحل مشاكلنا إذا توهقنا مع أمي فجأة ما أحس إلا مسكت دولكة الماي وحيل طقتها براسي
طبعا الدولكة إنكسرت وبعدها مسكتني من شعري وبطوفة بس ماتعور راسي لأني حطيت إيديني
أبوي طلع من الغرفة بس سمع الصوت وخر أمي عني وزفني قالي ليش ما تسمعين الكلام
طبعا أمي ما خلت دعوة ما دعتها علي إن شاء الله تموتين وأدفنج بالمقبرة بيدي والله لا يرزقج
وقالت مني ورايح ما أقعد بالمكان أو السيارة إلي إنتي فيها ولا تين تتأسفين ... إلخ
ومن يومها وإحنا جذي إهما يتفطرون مع بعض وأنا بروحي بغرفتي وبالسيارة إهما يروحون
مع أبوي وأنا ويا أخوي ، أخر شي أبوي عصب على أمي من تصرفها وقالها إنتي قلبج صخر
وبنتج أحسن منج طبعا إختي قالتلي إلي صار وأمي وأبوي ألحين متخانقين كل واحد بغرفة
وكل واحد يتفطر بروح وأبوي قالي إنتي خربتي بيتي أنا إنصدمت شكو وليش ماسويت شي
وطبعا أمي بتسافر ألحين جهزة أغراضها
أنا حيل منهارة قولولي هل فعلا أنا السبب الكل يلومني وحدي تعبانة من التفكير
بس أنا ما تعمدت أسوي جذي ولا حتى قليت أدبي
طول اليوم بغرفتي صرت أكره أشوف ويهم ولا أبي أشوفهم :eh_s(11):
:eh_s(11):
أمي من جنسية خليجية ودائما عصبية وتبي تربينا بالطريقة القديمة إلي ربوها عليها أهلها
إلي هيا التحكم بكل شي مالنا حق بشي عمري 25 وللحين تعاملني معاملة الياهل
مالي حق أعترض على شي حتى لو كان يخصني وما أبيه كلشي لازم السمع والطاعة
المهم سبب المشكلة إني فكرت في إني أحد حد للموضوع وأخليها تستوعب إني
صرت كبيرة ومسؤولة عن نفسي في بعض قراراتي مابي أقول كلها علشان ماتعصب بزيادة
أمي نادتني علشان تحني راسي بس أنا ما أحب الحنة فقلت لها بلهجة مؤدبة
ماما لوسمحتي مابي أحط اليوم خليها بعد يومين ماأقدر اليوم وفعلا كنت ما أقدر
أحطها اليوم لسبب خاص أمي مارضت تسمعلي وأنا ظليت مصرة على
موقفي فقلت نادو أبوي لأن أبوي دايما
يحل مشاكلنا إذا توهقنا مع أمي فجأة ما أحس إلا مسكت دولكة الماي وحيل طقتها براسي
طبعا الدولكة إنكسرت وبعدها مسكتني من شعري وبطوفة بس ماتعور راسي لأني حطيت إيديني
أبوي طلع من الغرفة بس سمع الصوت وخر أمي عني وزفني قالي ليش ما تسمعين الكلام
طبعا أمي ما خلت دعوة ما دعتها علي إن شاء الله تموتين وأدفنج بالمقبرة بيدي والله لا يرزقج
وقالت مني ورايح ما أقعد بالمكان أو السيارة إلي إنتي فيها ولا تين تتأسفين ... إلخ
ومن يومها وإحنا جذي إهما يتفطرون مع بعض وأنا بروحي بغرفتي وبالسيارة إهما يروحون
مع أبوي وأنا ويا أخوي ، أخر شي أبوي عصب على أمي من تصرفها وقالها إنتي قلبج صخر
وبنتج أحسن منج طبعا إختي قالتلي إلي صار وأمي وأبوي ألحين متخانقين كل واحد بغرفة
وكل واحد يتفطر بروح وأبوي قالي إنتي خربتي بيتي أنا إنصدمت شكو وليش ماسويت شي
وطبعا أمي بتسافر ألحين جهزة أغراضها
أنا حيل منهارة قولولي هل فعلا أنا السبب الكل يلومني وحدي تعبانة من التفكير
بس أنا ما تعمدت أسوي جذي ولا حتى قليت أدبي
طول اليوم بغرفتي صرت أكره أشوف ويهم ولا أبي أشوفهم :eh_s(11):
