بنات ألحقووووووني بموووت ....

[متي أركد]

السلام عليكم ورحمة الله وبركاته

خواتي أنا بنت خالة صاحبة النك ... وطلبت من صاحبته أكتب المشكله لأن التسجيل يطول بمنتدي كويتيات علي مايطرشون كود التفعيل ...


ومشكلتي ماتحتمل انتظار والله تعبت و داخله علي الله وعليك تساعدوني لأن حدي تعبانه وموقادره أعيش حياتي طبيعي ..

أنا عندي الوالده عسي الله يحفظها مريضه والله يشفيها ويشفي كل مريض يارب المشكله مو بالمرض هذا شي ربي كاتبه والحمدلله يارب علي كل حال مشكلتي بنات تعبت من القهر والوسواس والتفكير أمي تعبت واايد أحس المرض أللي فيها بسببي أمي تحبني لأني أصغر وحده لعوزتها معاي بزواجي وطلاقي من زوجي وعقب مشاكلي مع أخواني وتحكمهم فيني ووايد أقعد اصارخ عليهم جدام أمي ماأجذب عليكم الغلط من الطرفين أنا عصبيه وأهما كانوا يأذوني في كل شي وكنت ماأرضي أحد يقولي كلمه حتي أهي ماكانت تخليهم يهاوشوني وأنا من عوابتي كنت أزعل بالأيام بدراي ياتسويلي الشغله ياماأطلع ماكنت للأمانه أطلب شغلات فيها مظره لي بس دلع بنات وماأطلع من داري وياحياتي كانت ماتخلين أحتاج شي أحس وااااااااايد بنات تعبتها حييييل ألحين عقب ماتعبت فقدت السند أللي لي بالدنيا سبحان الله أبوي توفي قبل 3 سنوات تقبلت الأمر وأمنت أنه شي من الله مع أنه توفي بمرض بس قلت يومه والله كاتب أنه يموت بهالمرض بس الأم غييير لما أشوفها تعبانه أقول بسببي أنا ظايقتها أنا زعلتها يوم من الأيام مع أنه لما أمسك أيدها وأبوسها أقول يمه أنتي راضيه علي تقول والله راضيه عليج دنيا وأخره بس أنا من داخلي مو قادره أرتاح تعبانه صايره ماأنام ولاأشتهي أكل بس قاعده أحاسب اللحضات أللي زعلتها فيها وظايقتها ساعدوني بنات شنو الحل شبديني أسويه لها ...

والله يابنات والله قاعده أبجي وقاعده أحاول أوصل أللي في بالي...

وجزاكم الله خير يارب ..

 

[VET-Nour]

يااا ربااه شالحب ؟! والله ليتني نفسج اوسوس اربع و عشرين ساعه

حاولي تقعدين عندها و تونسينها و لا تعلين صوتج و طيعيها ؛)

آلله يخليلج الوالده و يخليج لها
و ان شا الله تتعافى

 

[دمبوووشه]

ياعمري انتي.. عورتي قلبي
شوفي حبيبتي اول شي سويه
...
انج ماتعصبين ولا تصارخين ولاتسوين اي شي يضايق امج
وكل يووم خليج جمبها يعني ساعديها لان الام تفرح لمن تشوف عيالها يهتموون فيها
واهم شي كثري هالسؤال (( يمه انتي راضيه عني او انا مضايقتج بشي يالغاليه )) مع بوسه ع الراس
وصدقيني بتستانس وحتى الامراض الي فيها راح تخف باذن الله ياإاإرب
وعسى ربي يشفيها
واهم شي لاتأنبين ضميرج دايما
واستغفري لان الاستغفار يريح القلب ان شاء الله

 

[قطوه دايخه]

شوفي يالغاليه الندم مايفيد أللي صار صار وأللي راح مايرد خليني أكون صريحه معاج أهي بحاجتج بهالمرحله بحاجة حبج وحنانج خلاص أنتي تحسين أنج غثيتها وأهي بعافيتها ألحين حني عليها وطيعيها وبريها بمرضها وترا والله كل شي مكتوب ومقدر من الله وكلن عمره وحياته ومرضه من عند رب العالمين والله مصايب وبلاوي تمر علي الأمهات ماصار فيهم شي أمومتج عسي الله يحفظها ويشفيها حالها حال هالأمهات تكتم بهالقلب وربج يلطف بعياده الصالحين تعوذي من الشيطان وأستغفري لنفسج ولها وعسي الله يرحمنا برحمته أجمعين بس أنتي الظاهر أحد بعد قاعد يوسوسلج من اهلج أنه انتي السبب أللي فيها دعي الخلق للخالق..

 

[أسيـ(^_^)ـل]

الله يطول بعمرها في طاعته ورضاااه
ويخليها لك

حبيبتي الحزن بيمرضك ويمرضها
من رضي فله الرضا

ماحد يدري عن بكره فكل يوم عيشيه بسعادة وابتسامة ورضا
وتعوذي من ابليس لايمهك ويغمك


اتمن لك السعادة دووووووووووووووووووم

 

[(( الذهب ))]

الله يكون بالعون
شوفي اول شي لا تزعلين وتعصبين قدامها وترا الام تتضايق ان تهاوشو عيالها مع بعض يعني لا تشتكين
او تتهاوشين مع اخوانج قدامها حاولي انج تصلين بينكم ومدحيهم قدامها علي الاقل هاالشي بيريحها ويرفع
من معنوياتها كثير وبعدين امج اكيد كبيره بالسن وهالتعب لا تقولين منج العمر له احكامه ونتي الحين خليج
معاها وفرحيها فيج وانتي بعد افرحي فيها مافيه احلي من الام الله يخليها لج

 

[-فلانة-]

هذي أم يا حبيبتي،، تعرفين يعني شنو أم؟؟؟
يعني عمرها ما تشيل بقلبها على ضناها،، لو تزعل و تتضايق،، بس شوفتكم عندها بالدنيا و مافيها،،
المرض من الله يا غالية،، ماهو منج ولا هو من مشاكلج،،
ياما ناس مرتاحة و مو شايلة هم و تحوشها الأمراض أشكال و ألوان،،
لا زواج ولا طلاق و لا مشاكل تهز الأم،،
الوحدة منا بس تصير أم، تصير أقوى من الجبال صدقيني،، بكرة تتزوجين و تصيرين أم و تفهمين معنى هالكلام،،
لا تتضايقين يا حبيبتي،، وخليج قوية،، ولا تفتحين للشيطان باب يدخل عليج منه،،
يا عسى ربي يحفظلج أميمتج ويشفيها ويعافيها من كل شر..
​

 

[Unusual]

حبيبتي دام امك قالتلك رااااضية عليك يعني ان شاءالله انها راااضية عنك تماااام الرضا ..
وترى الأم قلبها كبييييير تنسى كل شي جاها من عيالها مهما كان .. بمجرد انه ينصلح حالهم
االحمدالله امك موجودة عنددك ربي يخليكم لبعض تقدري تعوضيها عن اللي مضى
وتكوني لها ونعم البنت البااااارة ..
ولا تتعبي نفسك وتجيبي لنفسك الهم وتفكري فاللي راااح ترى لو تعبتي محد راح يتعب غير امك
عشان كذا اهتمي بنفسك عشانك وعشان عيون امك .. والأم يكفيها انك تكوني حولها زي الفراشة بصحة وعافية تهتمي بها ~

*

 

[شوق العتبان]

ماقصرو البنات قالو الي ابي اقوله

اهم شي انها راضيه عنج وانتي بعد ريحي نفسج ترا لاشافتج مضايقه تضايق واذا شافتج فرحانه تفرح
مافي احن من قلب الام ترا تحس فيج اظحكي استانسي امل حياتها فرح
هذا دليل ان قلبج طيب والدليل انج حساسه وعصبيه وندمتي وجيتي تصلحين الغلط

الله يهنيج ويسعدج ويخليلج اميمتج ويفرحها فيج

 

[عادت ذكرياتي]

الله يرزقج برها ورضاها يارب ....

 

[عشق الكتابه]

الله يطووول بعمممممرررره ع طاااعته ..ويخليكم لبعض..والبناات ماقصصررررؤ

 

[طيش سكر]

اللله يخليها لج يارب

ويارب بأجر عالج يبرون فيج

 

[KOKO_284I]

الله يهدي سرج

والعصبيه ما اتييب الا عوار القلب والوالده ما عليها شر انشالله بس جابليها

 

[حروف الأمل]

حبيبتي أعطي كل حنانك وحبك لأمك بالقول والفعل وخليها دوم راضية عنك لاتنامي الا وهي راضية عنك

ربي يحميك ويوفقك اختي

 

[sosowaty]

ماقصروو البنات

و عسا ربي يرضا عليج

 

[بنت الأجوااد]

يارب يطول بعمر امج ويفرح قلبها وتشوفج عروس مره ثانيه

عسي ربي يرحمج انتى وامج ويرضيها عليج دنيا واخره

 

[Ms.MrMr]

عورتي قلبي <\3 .. حبيبتي الي راح راح مايفيد الندم .. انتي بنت اليوم واهيا بحاجتج لا تخلينها عسى الله يطول بعمرها ويشفيها ويشفيه كل مسلمين

 

[asoula al-3soul]

الله يرزقج برضاها​

 

[كايبه]

الله يفتحهاااااا عليج

 

[مرهفة الأحساس]

أختي الوسواس ماجاج من فارغ أكيد يحط تعب الوالده باللوم عليج لاتخلين الوساوس تاكلج ودعي الخلق للخالق وماعليها شر أن شاء الله وأجر وعافيه