بنات أبي نادي صحي؟؟؟

[جوهره الكويت]

السلام عليكم ورحمة الله وبركاته ..

شلونكم بنات شخباركم ؟

انا ودي اشترك بنادي صحي بهالعطله لاني متينه ودي اخفف ومتني بناطق معينه بجسمي

يعني بالزنود والكرش وقلت احسن شي اشترك بنادي صحي وابيه يكون سعره معقول

ويكون نضيف وزين وياليت تكونون مجربيه ...

لاتبخلون علي بنات بنصايحكم .........

 

[حنون المزيون]

مشاركة: بنات أبي نادي صحي؟؟؟

عندج نادي فيت التابع لجمعيه المعلمين بالدسمه
بصراحه رااااااقي ونظيف من قلب صار لي ثلاث اشهر مشتركه معاهم والحين بجدد اشتراكي بعد
اسعارهم ثلاث اشهر ب238 دينار مع جلسة مساج مجاني وفي اشتراك شهر اتوقع ب120
حمام السباحه ايد نضيف وفي ساعات تعليم سباحه وساعات رياضه بالماي
حصص الرياضه شغاله من الساعه 8.30 الصبح ليم الساعه 7.30
عندهم جميه انواع الرياضه بالاضافه لرقص مصري وافريقي
واجهزتهم وايد وبكل جهاز فيه تلفزيون يعني تلعبين وماتحسين بالوقت

وعلى فكره يقولون في نادي فلكس فاتح في بنيد القار بس ماشفته ليم الحين
يالله على هالمعلومات ادعيلي الله يحقق اللي ببالي

 

[نوال]

مشاركة: بنات أبي نادي صحي؟؟؟

نادي سفير الرقعي الشهر اشتراك الشهر 30 وثلاث شهور 75 انا رفيجتي مشتركه فيه وتمدحه وايد

وفي نوادي نسائية تابعه للهيئة العامة للشباب والرياضه بس فيها ساعه سويدي واجهزة موجوده في كل المحافظات يحطونه في صالة الالعاب بمدرسه واشتراكهم بس 7 دنانير بالشهر انا اشترك فيهم العب سويدي وعندهم خوش مدربات

 

[ZnBQ]

مشاركة: بنات أبي نادي صحي؟؟؟

misschampion ili bilgabreya 7lo
ilsena 450
ilshahr 150


wayd ntheef o kbeer o shr7 o mrtb

 

[غزالة99]

مشاركة: بنات أبي نادي صحي؟؟؟

السلام
لو سمحتي اختي نوال ممكن ترسلين رقم النادي التابع للهيئة العامة للشباب

 

[جوهره الكويت]

مشاركة: بنات أبي نادي صحي؟؟؟



مون 14 مشكووره ياقلبي والله يحقق لج اللي ببالج

بس عاد شنو ببالج *_^ اتغشمر وياج حياتي لاتزعلين

على وصفج حلوووو بس والله غالي

حبيبتي ممكن تعطيني رقمه ؟؟

وألف ألف شكر لج حياتي والله يحقق لج اللي ببالج يارب ..

 

[PearL]

مشاركة: بنات أبي نادي صحي؟؟؟

عندج نادي فيت التابع لجمعيه المعلمين بالدسمه
بصراحه رااااااقي ونظيف من قلب صار لي ثلاث اشهر مشتركه معاهم والحين بجدد اشتراكي بعد
اسعارهم ثلاث اشهر ب238 دينار مع جلسة مساج مجاني وفي اشتراك شهر اتوقع ب120
حمام السباحه ايد نضيف وفي ساعات تعليم سباحه وساعات رياضه بالماي
حصص الرياضه شغاله من الساعه 8.30 الصبح ليم الساعه 7.30
عندهم جميه انواع الرياضه بالاضافه لرقص مصري وافريقي
واجهزتهم وايد وبكل جهاز فيه تلفزيون يعني تلعبين وماتحسين بالوقت

وعلى فكره يقولون في نادي فلكس فاتح في بنيد القار بس ماشفته ليم الحين
يالله على هالمعلومات ادعيلي الله يحقق اللي ببالي

نادى فيت عجيب ... انشاللله باجر رايحه اجدد اشتراكي .. وحاجزه جلسه مساج لباجر
مو اليوم اول ايام الاجازة

المهم رقم تلفون نادى فيت الصحي

2526015

بعدين ترى ال 6 شهور افضل
السعر 338 وو 6 جلسات مساج وتوقيف شهرين ووعندج 3 زيارات

هذا غير انه فاتح من الساعه8 الصبح للساعه 10 باليل وبرمضان يفتح للساعه 11 او 12 باليل

 

[جوهره الكويت]

مشاركة: بنات أبي نادي صحي؟؟؟



نادي سفير الرقعي اهو اسمه جذيه؟؟

سعره معقول بس ممكن تعطيني رقمه اذا ماعليج امر ..

وبالنسبه لنوادي الهيئه انا سمعت عنها بس يمكن مو شي

اخاف ما يكون نضيف وياليت تعطيني رقمه ..

وألف ألف شكر لج حبيبتي على المعلومات ...

 

[جوهره الكويت]

مشاركة: بنات أبي نادي صحي؟؟؟

misschampion ili bilgabreya 7lo
ilsena 450
ilshahr 150


wayd ntheef o kbeer o shr7 o mrtb

بس الجابريه بعيد عني انا ابي قريب من بيتنا

مشكووره حبيبتي عالمعلومه ....

 

[PearL]

مشاركة: بنات أبي نادي صحي؟؟؟

شوفي سفير الرقعي مو شي الحوض صغير ووحده قاعده بحضن الثانيه
والاجهزه شويه جهازين ويم الرسيبشن ... وحاطين اورقه اشكبرها يسمح باستخدام الجهاز لمده ربع ساعه فقط
اى شي
ومدخل النادى نفس مدخل الفندق ... فرضا في عرس والا مناسبه اشلون ادشين واطلعين شكلج غلط

ماكو على نادي فيت قسمى ال 338 على 6 شهور شوفيها جم تطلع 56 دينار وطالعتلج 6 جلسات مساج يعنى الجلسه اب 10 60 دينار تقريبا يا بلاش

 

[جوهره الكويت]

مشاركة: بنات أبي نادي صحي؟؟؟

غزاله اي والله انا بعد ابي اذا خذيتي رقمه عطينياه

بيرل مشكووووووره حبيبتي الله لايحرمني منج ياقلبي

ان شاء الله اتصل فيهم اليوم

انزين اذا انا ماابي مساج بس ابي العب على الاجهزه ينفع والا لأ ؟؟

يعني هل اهو ضروري للتخفيف الوزن ؟؟

اعذروني بنات انا اول مره اشترك بنادي ياليت تقولون لي شنو المساج ؟؟

وألف ألف شكر لج حياتي بيرل على تزويدي لرقم النادي وعلى المعلومات

ويعطييج ربي العاافيه ...

 

[PearL]

مشاركة: بنات أبي نادي صحي؟؟؟

شوفي اهم معطيج 6 جلسات مساج ريلاكسيشن ... قولى لها غيريه حق مساج تخسيس لمنطقه معينه بالجسم نفس السعر ... ما عندهم مشكله ... والمساج حلوو يايلج ابلاش ليش ما تاخذينه

روحى النادى وصدقينى بتقطين افلوسج على طول.... والحين صيف كل الصغار والمراهقات مشتركين واخذيها زحمه ... فالهنادي هادي كله موظفات .. مو اى ناس تشترك ونظيف

اما شامبينز مو حلوو ما عجبنى صرراحه .... ه

 

[جوهره الكويت]

مشاركة: بنات أبي نادي صحي؟؟؟

بيرل حبيبتي والله كلامج يشوق بس ان شاء الله اشترك فيه

انزين بيرل انا احدد الوقت والا اهم يحددون ؟

وبعدين فيه مدربه والا انا اشتغل بروحي ؟؟؟؟؟

اعذرني حياتي اعليميه اول مره اشترك بنادي

ومشكوووووووووووووره ياالغاليه ...

 

[PearL]

مشاركة: بنات أبي نادي صحي؟؟؟

ولو تكرم عينك

انتى تحددين وقت ما تبين

تبين اتين النادى مرتين كيفج

وفي مدربات ادشين معاهم .. في حصص يوغا وستريجنج ينحت الجسم صح
وفي حصص رقص مصري ورقص روك اند رول
وفي غرفه بس قوارى صحه كامله
وحصص لعب بالكور ..حصص متنوعه صرراحه

المسبح روعه ... غير انه في عدد 2كافيتريا ..ومكانهم على الحوض
والاجهزة كلها اطل على الحوض وكل جهاز تلفزيون و رسيفر وحطى سمعاتج وانسي روحج ساعه ساعتين كيفج حللى اشتراكج

 

[جوهره الكويت]

مشاركة: بنات أبي نادي صحي؟؟؟

يؤيؤيؤيؤيؤ

كلش ولاالرقص مااعرف ارقص ولا روك بعد إلا كدينا خير

بس والله ماادري شقولج ياعمري ماقصرتي والله ياالغاليه ..

الله يوفقج ويسعدج ويهنيج في الدنيا والآخره يارب ..

 

[missdjah]

السلام عليكم
عفيه آنا بقيت نادى حقى آنا وبناتى بس ئهم صغار على 6و8سنين
ممكن اتفيدونى افادكم الله ويفضل انه يكون بالمنطقه الرابعه او الجابريه واهم شئ نظيف وفيه حمام سباحه
والى عنده خبر عن احواض سباحه متى مواعيدهم وجم ياخذون وشنو ايام الحريم وماكو تماسيح قصدى رياييل يعنى اهم شئ بس حريم لان والله ضايق خلقى من قعدت البيت ودى اروح اتسبح ومومطاوعنى قلبى اخلى بناتى هم ئهم يشتهون يتسبحون
اكون شكره لكم

 

[المزيونه cool]

شوقتوني ودي أشترك