بنات أبي مساعدتكم جزاكم الله خير

[أم أسيــــل]

خواتي الغاليات

هذي أول مشاركه لي وأنا ما أنتسبت بهذا المنتدى إلا لما قريت مواضيعكم الممتازه

وأنا خواتي طمعانه بكرمكم ومساعدتكم لي وأنا متأكده إنكم بتساعدوني

خواتي بغيت اسأل شنو أحسن دكتور للرجال لأن آنا وزوجي أنعالج وزوجي يعاني من ضعف حركة وقلة الحيوانات المنويه

الله يجزاكم خير ويرزقني وياكم بالذريه الصالحه يارب

 

[الفنانه79]

هلا بالغاليه وحياج الله في منتدانا


حبيبتي والله مااعرف دكتور معين للرجال اعرف للنساء

يمكن البنات يفيدونج ماحبيت ادخل بدون ماارد عليج

 

[كدكد]

حبيبتى هم أنا ماحبيت أدخل وماأرد عليج بس والله ماأدرى عن دكتور مختص بطلبج بس نعرف دكاترات نساء وولادة .. أذا أحتجتى أنا مستعدة أساعدج ... الله يرزقج اللى في بالج ..............تحياتى

 

[@ دهن العود @]

دكتور منصور العرف اعالج نساء ورجال وحيييييييييييييييييييييييل شاطر

 

[كويتيه مذهله 87]

حبيبتي شوفي عندج منصور الصليلي وااااااااااااااااااااااااااااااااااااااااااااااااااااايد شاطر بس هو بالجهراء ما تطلعين منه الا وانتي حامل
وعندج حازم الرميح همن شاطر بس عندج منصور اشطر

وحياج بمنتداااانا

 

[bnt_kwt]

للاسف ما اعرف ما اقدر افيدج اختي

شوفي باجي البنات يمكن يعرفون

وعلى فكره يا بنات حازم الرميح اهو نفسه مدير قسم اطفال الانابيب بمستشفى الصباح

 

[kankona]

حبيبتي دكتور عادل الحنيان وايد ممتاز

 

[أم أسيــــل]

الفنانه 79 الله يحييج يالغاليه

كدكد بارك الله فيج وآمين الله يرزقني بالذريه الصالحه ونفسي في بنوته حلوه أسميها أسيل ويرزقج يارب ان شاء الله

دهن العود مشكوره يالغاليه بس ممكن ما عليج أمر إذا كنتي تعرفين رقم الدكتور كتبي لي الله يرزقج

حمامه مشكوره يالغاليه وان شاء الله ما تخلص هالسنه إلا وأنا وياج حوامل يارب

كويتيه مذهله الله يحيج ويبارك فيج أن شاء الله ويرزقج تكفين إذا تعرفين رقم الدكتور منصور كتبي لي وكون شاكره لج

بنت الكويت مشكوره على الرد وان شاء الله البنات ما يقصرون

كان كونا ممكن تعطيني رقم الدكتور عادل


بنات والله ماقصرتوا بنات الي تعرف أي رقم دكتور تكتبه لي والله آنا صارلي ثلاث سنين متزوجه ودي أصير أم الله يرزقكم ان شاء بالجنه

 

[أم أسيــــل]

حمامه بلى آنا راجعت وكان عندي ضعف وهرمون الحليب مرتفع وعالجت بالإبر والحمد الله تبويض صار ممتاز عندي بس لما سويت تحليل حق زوجي تفاجأت إنه حيل ضعيف بالحركه والحيوانات المنويه جدا قليله بس بغيت رقم وعنوان دكتور زين حق زوجي

والله يرزقنا ان شاء الله كلنا والله يا بنات متلاحظون إن ضعف صار منتشر بين الأزواج قبل أيام جدانه كان ماشاء الله من أول شهر حامل

الله كريم والحمد الله على كل حال

 

[Hello_kitty]

حبيبتي الغالية ام اسيل الله يرزقج اسيل واخوانها واخواتها يارب ولا يحرمج وكل المحرومين يارب
انه زوجي العدد حيل عنده ضعيف والحركة بعد وكل دكتور يشوف تحليله يقولي انتي ما تحملين الا بالتلقيح الصناعي اذا مو انابيب بعد بس بفضل الله ومنته وكرمه ورحمته ودعائي وبذلي بالأسباب رقيت زوجي ونفسي كل يوم اقرا وادهن ظهره لان مكان انتاج الحيوانات المنوية واعطيه مكسرات وخلطة العسل مع جنسينغ ومره وحبة البركة وحبوب اللقاح العطار يسويها لج واعطيه حليب بالزنجبيل بفلفل اسود على الريج وماي زمزم ورحت حق الدكتور عبداللطيف السيليم اهو تخصصه عقم رجال اهم دكتورين بس الي متخصصين بعقم الرجال بالكويت عبداللطيف السليم وعادل الحنيان والحمدلله وبفضل الله ما شالله تبارك الله الله ما ضيع تعب بعد خمس شهور يحلل حبيبي الغالي ويطلع فوق الطبيعي جدا ممتاز بفضا الله وقدرته حتى الدكتورة استغربت حطي في بالج كل شي بامر الله الله يقدروالاطباء مايقدرون بس الله يحب العبد اللحوح الي ياخذ بالاسباب.....
هذي تجربتي اتمنى اكون فدتج وادعيلي احمل هالشهر مابي الا دعوه بظهر الغيب يمكن الله يفرجلي واسفة اذا طولت بس حبيت افيدج كثر ما اقدر لاني حاسة بمعاناتج

 

[أم أسيــــل]

كيدي آمين يارب يرزقج ويرزقني معاج وفعلا رب العالمين هو الرزاق وهو طبيبنا وما خاب إن شاء الله من دعاه

الله يوفقج ان شاء الله ويرزقج يارب

 

[ام فوفو]

ماعندي فكره ان شاء الله البنات يفيدونج

 

[الغــ مرت ــالي]

حبيبتي انا اعرف دكتور اسمه دكتور ليون في مستشفى انترناشنونال كلنك

اهو مال المسالك البوليه ودكتور هندي شاااااااطر

يعني يعالج الضعف وكل شي