مرحبا فيج اختي ،، بالنسبة للدوامات ــ الكل يعاني من نفس المشكلة في بداية مشواره ،، بس الامر كله يعتمد عليج بالدرجة الاولى ،، وعلى شخصيتج ،، اذا كنت تستحين وخجولة ماراح ينفع الحال ،، وياما ناس تغيروا وااااااااااااااايد بعد الوظيفة ، الوظيفة تساعد في بناء وتحديد شخصيتج حسب العمل او القسم اللي تشتغلين فيه ،، كافي الاستقلالية بالراي والمادة ،، بالنسبة لتعلم الشغل ،، شوفي اللي معاج شنو يسوون وحاولي تقتبسين منهم او تعرفين عملهم ،، مو بكثرة الاسئلة ،، لالالا ،، بالسوالف العادية ،، يعني تقولين لها ،، الله يعينج على هالشغل مو جنة وايد ،، او ،، شغلج صعب شلون تعلمتيه ،، لا تهملين اي شي ،، حتى ادق التفاصيل لاحظيها ،، حافظي على مواعيد دوامج ولا تكونين او تبينين انج سلبية متمللة وتاففين من الدوام ،، لا خليج مبتسمة ونشيطة ،،
بالنسبة للمعلومات الناقصة كل الموظفين الجدد يعانون من نفس المشكلة ،، حاولي تلجئين للمسؤول او المسؤولة المباشرة،، مو الموظفين او الزملاء ،، لان وايد احتكاك يصير بين الموظفين بسبب الشغل او المهام الي يسوونها وكل واحد يبي يبرز نفسه غصب ،، حاولي تستفسرين من المسؤول لا تقولين استحي ،، خلج جريئة لان الشغل يتطلب هالشي ،،
ابتعدي عن النزاعات والكلام الفاضي والاقاويل اللي مالها داعي ،، خليج في حالج بالبداية ،، مو انطوائية بس خلج بموقع المراقب ،، عشان تعرفين نوعية الناس اللي بالداوم ،، وهني يشتغل شغل المجاملات شوي ،، عشان تكسبين الموظفات او الزميلات او الزملاء حاولي تجاملينهم او تعطينهم بعض الاطراءات الجميلة ،، بدلتج حلوة ،، ماشالله عليج وايد مرتبة ،، يوم ريوق ،، يوم حلو ،، هالسوالف لين تكسبينهم ،،
بالنسبة للغة الانجليزية ،، مستحيل تتعلمينها الا اذا مارستيها ،، وياكثر المعاهد اللي تدرس وتعطي دورات لغة زينة ومفيدة
والله يسهل امرج ويوفقج امين
والله أحس إن نصيحتك لى طالعة من صميم قلبك
يارب يسخرلك أمور طيبة مباركة من حيث لا تحتسبين
كوب قهوة
أنا دخلت معاهد ليما قلت بس
بس ما فى فايدة يبيلى ممارسة وبالشغل عارفين نى ما أعرف إنجليزى فمثل اللى ما أفهم عندهم
وخاصه المدير الغير عربى اللى ينقل للمسئول الأكبر إنى ما أعرف وبعد أهو ما يعلمنى يخاف آخذ مكانه
أبى مواقع على النت تعلمنى الإنجليزى
