بناتي ماتقدر تمشي ساعدوني

[فرحه عمر]

شلونكم بنات
امس طعمت بنتي للي قبل الروضه الحين مغيرين نظام التطعيم مو مثل قبل الحين ابرتين بالفخذ ونقط بالفم من ردت البنت البيت واهي تشكي وحده من فخوذها مكان الابره واليوم زادت حبيبتي جنها عيوز تمشي
اللي خرعني اني اليوم حلمانه انهم غلطانين بالجرعه
والله شكيت بروحي .. منو صار معاه جذي؟؟

 

[الراقية]

لا توسوسين حبيبتي , لريول تورم من الابره لانها حيل تعور هذي ياهل ,لا تخافين , وعلشان تتطمنين أكثر وديها الطبيب وحطي عليها كمادات دافيه ,,, واختي اذا شفتي حلم مره ثانيه فسريه تفسير حلو لانه التفسير يقع كما هو ,,, وانشالله حلمج اضغاث احلام لانج خايفه على بنتج شي طبيعي من عقلج الباطن ,,,, انشالله ماعليها الا العافيه وماتشوف الا كل خير

 

[الـفـجـر الـبـعـيـد]

ان شالله مافيها الا العافيه الابره قوية عشان جذي تعورها ومو قادرة تمشي عدل

ولد رفيجتي لما طعمته حق كمالة السنة او سنة ونص ما كان قادر يمشي مسكين

حطي لها كمادات دافيه على طول وكلها يوم ان شالله وتصير طبيعية

انا ولدي تطعيمه المفروض من يومين وكل يوم أأجل خايفه اوديه

 

[toyo]

لا يا حياتي عادي لا تحاتين دايما التطعيم يرتكز في منطقة الابرة

انتي كمديها بماي دافي مو حار ثلاث مرات على الاقل

وفي جل بالصيدلية لونه اخضر نسيت اسمه يساعد على توزيع الدوا


وانشالله مالها الا العافية

 

[@انترلاكن@]

حطيلها كمادات وافركي مكان الابره عدل وبعدين دهنيها بفكس ...
وديري بالج ترا بتصيح حيل وبعدها بترتاح انشالله

 

[داريني]

عادي انا ولدي ما قدر يمشي وحتى بناتي في تطعيم سنه ونص
حطي لها كمادات وكل اربع ساعات عطيها مسكن