بناتي بيطلعوني من طوري

[ام كحيلان 77]

السلام عليكم ورحمة الله وبركاته


أنا عندي ثلاث بنات وحده بثانية روضه ووحده بأولى روضه ووحده صغيرونه
مشكلتي ابناتي انهم واايد مزعجين بالبيت مسوين لويه بالبيت
وكله صراخ ونجره وريلي دوامه شفتات
يعني اغلب الأوقات بالدوام وانا بالبيت وكله نجره صراخ مع هاليهال
فكرت وايد اسويلهم نفس البرنامج اليومي عشان يتنظم وقتهم
ويفجون عن مناجر بعض يعني بعد مايردون من الروضه اغديهم وأخليهم ينامون ساعتين
وبعدها يقومون وتبتدئ المعركه معاهم
ابي وحده سنعه تساعدني شلون تقدر تشغل وقت فراغ عيالها عشان يتركون مناجر بعض ؟؟؟؟
خصوصا أني ماقدر أطلعهم حدايق او غيره كله محكورين بالبيت​

 

[๓ίşś зśŏłả..!]

اول شي الله يحفظهم
ولازم هالنجره والصيحه بكل بيت
انا اقول بناتج اللي بالروضه سجليهم بنادي
يعلمونهم السباحه والرسم او مراكز تحفيظ القرأن اكيد بتلاقين

 

[ام كوثر2007]

هلا ام كحيلان

حبيبتي بالنسبه للنجره بين الاخوان خصوصا بالعمر هذا عندنا وعندج خير


لكن صدقيني انتي اكبر غلط قاعده تسوينه انج تنومينهم الظهاري


خليهم عقب ما يردون من المدرسه ينشغلون بأي شى اهم يحبونه

مثلا انا عندي تؤام بالروضه وعندي بنتي ابتدائي سنه اولي ووولد سنه ثانيه

يعني اسم الله عليهم كلهم فوق بعض

لكن بالبدايه كنت صج تعبانه ما ني عارفه من وين ادخل لهم

لكن اشوي اشوي عرفت نقااط ضعفهم


مثلا انا حاطه تلفزيون بالغرف مالتهم اشتري وماني ملحقه من السيديااات اللى تعجبهم وهم ينقونها


القرووب الثاني مثلا يحبون شغلات اللى باليوتيووب اقولهم مثلا شفت جذى باليوتيووب شي عن العلوم او الطبيعه او عالم الحيوان وابطل لهم الجهاز ويلهوون فيه


الاي بااادااات عاد ماكو ياهل الحين ما عنده شغليهم فيها

لا تنومينهم الظهر وانا اختج خليهم لين صلاه المغرب يتعشون وسبحيهم وعلي فرشهم يقطوون راسهم ما يدرون عن ارواحهم من التعب


ويقعدون ست الصبح شبعانين نووووووم ونفسياتهم مرتاحه...


النوم النوم النوم اكبر غلط انتي تسوينه احنا كبار وشوفي لا قيلنا اشوي قعدنا ضايقه اخلوقنا ونبي اي واحد نتخانق وياا ه فما بالج اليهال؟


هاتيلهم كتب تلوين .. شغليلهم مسرحيااتنا واحنا يهال قبل ملووت هدي حسين بس قوليليهم القصه قبلها عشان يتحمسوون يشوفووون .. انا دايم اسوي جذى اقولهم القصه مالت المسرحيه وبعدين اشغلها لهم


ابتكري شغلات من راسج والله يعينج ذكرتيني بنفسي سابقا ههههههههه ​

 

[ام كحيلان 77]

مس عسوله
مشكوره حبيبتي بس فكرة النادي مستحيله لانه ماكو احد يوديهم انا زين حصلت لهم سايق للروضه
ام كوثر
بعد عمري ماقصرتي أفكارج وايد حلوه وان شاء الله ببتدي معاهم من بكره ماراح انومهم العصر

اتمنى الأمهات السنعات يساعدونا بحلولهم وافكارهم
لأني خلاص بنفجر من حنتهم ومناجرهم​

 

[washwoshh]

يختي فديتهم الله يخليهم لج انشالله
انا ما عند يفكره

 

[ام كحيلان 77]

تسلمين حبوبه​

 

[*ريما*]

الله يعينك
ويخليهم لك
ماعندي خبرة

 

[$حبيبة عبودي$]

من صجج تنومينهم غلطااااااااااااانه لاتخلينهم ينامون عشان يكونون
كسالى ومالهم خلق للهواش ..
الله يصلحهم اللي عندي وعندج

 

[manoooram]

الله يعينج عندنا وعندج خير و الله يخليلج عيالج
عادي يا قلبي شي طبيعي الصيحه والنجره والحنه بين اليهال لا تتضايقين واهم شي ان لا تنومينهم العصر
صدقيني مايصير المغرب الا كل واحد فيهم قاط نفسه على القنفه وماله خلق اللي يمه
شغلي وقتهم العصر بكراسات الرسم لوني معاهم - سيديات التعليميه يكون فيها موسيقى والوان
واهم شي انج تكونين معاهم وتشجعينهم انا اسوي جذي والحمدالله فايد معاهم بس ما يمنع يطقون بعض وصراخ ( هذا شر لابد منه يهال ) بس على الاقل أهون

 

[ام الحلوااات]

اللـــــــه يــــعــــيــــــنــــــــج ويـــعـــيـــنــــــي نـــفــــس الــحـــــالــــــه
بـــس انـــا بــنـــاتـــــي ثــنــيـــن 4 س و 2 س مـــا يــــرحــــــون روضــــــه بـــس مــجـــابـــلـــنـــــي اللـــيــــــل والـــنـــهــــــااار وكــــلــــه نـــــجـــــــــــرررره​

 

[ميرور]

تربية اليهال متعبببه ويبالها طوووووولة بال وصبررر بس من وين لنا الصبررررر خلص

الله يعينا عليهم ،،،

 

[ميرور]

شفت هالموضوع في موقع ثاني يمكن تستفييييديين منه



فن إدارة المشاجرات بين الأبناء :

1 - للخلافات أحيانا فوائد : فمن الخلافات يتعرف الابناء على بعضهم بعضا ، ويجربون المشاعر المختلفة من الانتصار وتقبل الهزيمة
2- أعط لابنك الفرصة لكي يختلفوا ويعبروا عن غضبهم ولو قليلا ، لان القواعد الصارمة ستجعلهم يخرجون ما بداخلهم بطرق أخرى .
3- إذا شعرت أن أحد الأبناء سيصاب بأذى جسدي. ضع حدا بأن تطلب منهم التوقف حالا
4- من المهم عندما تستمع إلى روايات أبنائك في أسباب الخلاف أن تشعرهم أنك محايد وعادل .
5- علم أبنائك أسلوب التفاوض ، فإذا اختلفوا على شئ فخذه منهم وأخبرهم أنه يمكنهم استرجاعه بعد أن يصلوا إلى حل واتفاق ، وأن إلتزامهم بذا الاتفاق سيضمن لهم الاحتفاظ بهذا الشئ.
6- لا تنخدع بدموع ابنك الصغير لأنه قد يبالغ في بكائه للفت انتباهك ، فحاول أن لا تنحاز مع أحد الأبناء ضد الآخرين.
7- لا تقارن بين أبنائك ( أخوك أفضل منك ) فمثل هذه المقارنة تجعل الولد يكره التشبه والاقتداء باخيه رغم صفاته الحسنة ويجعله يشعر بالغيظ من أخيه .

 

[Om_Ksha]

استفدت منكم مع انه تو الناس علي ،، بس ماقصرو البنات

 

[مواصله]

انا عندي 3بنات ورا بعض و بس حملت استخفو زياااده لكن من تجي الساعه 8 البيت هدوووء صخخخخه لانهم نايمات

اللي اشوفه البنات يلهون ويستانسون بالتلوين اشتري لهم سبوره كبيره ودفاتر رسم وتلوين

حددي لهم وقت للتلفزيون وقت للعب وقت للترتيب وخليج صااارمه معاهم

ولاتخلينهم ينامون النهار اكبر غلط

 

[ام دندوونه]

الله يعينج..حبيبتى عادي هذا حال اليهال في كل بيت..انا بنتى ثانية ابتدائي واخوهاااا اولى روضة..
مجننيني بالبيت..بس طق مطاقق..ومناجر وصراااخ..بس بنتى احاول اشغلهاااا بالرسم والتلوين..واخوهااا اخلي الخدامة
شوي تطلعه يلعب تحت..ومرات اقول لابوهم اذا كان موجود يطلعهم الحديقة العامة..يركضون ويلعبوون ويردون البيت منهد حيلهم يسبحون ويتعشووون وينامون علي 7..والله ياجرناااا يارب علي تربيتهم..

 

[ام كحيلان 77]

مشكورين على هالردود الحلوه اللي تبرد الجبد
​

 

[فطووومة]

الله يعينج حبيبتي ويخليهم لج

احس صج ازعاج |


مثل ما قالوا البنات لااااااااا تنومينهم بعد الغدا لان هذا اهو سبب نشاطهم وحنتهم وازعاجهم



ماشالله وايد ناس عندهم نفس عيالج وبيوتهم هدووووووء

لان اليهال ينامون 8 خلاااص البيت هدوووء

اسم الله عليهم والله يخلي لج

 

[كويتيه شماليه]

نوميهم من الساعه سبع ولا تنومينهم بالنهار مثل ماقالوا البنات اصلاً اذا ٢٤ ساعه مجابلينج انتي ماراح تفضين لنفسج

نومة الجاهل المفروض اقل شي ١٠ ساعات باليوم متواصله اغلب الامهات ينومون اعيالهم بأيام المدارس من ٧ الى ٦ الصبح والله اريح لج عالاقل تقعدين مع نفسج شوي البيت يهدا والله حاسه فيج عندنا وعندج خير الله يهديهم يارب