بناتي التوأم والروضه

[سمو ذاتي]

شخباركم صبايا...

عندي سؤال محيرني بناتي السنه اليايه اولي روضه أنا ودي احطهم بصف واحد لان سمعت دكتوره بالتلفزيون تقول افضل للتوأم بصف واحد علشان يصير بينهم غيره تنافسيه شريفه...ولان رحلاتهم وطلعاتهم تكون وحده..
بس ابوهم مو راضي يقول افصليهم خلي كل وحده مستقله بصفها ورفيجاتها

إشرايكم صبايا.. واذا في بينكم دكتوره وعندها خبره لاتبخل علي؟؟

شاكرتلكم..*

 

[آهات الليل]

رد : بناتي التوأم والروضه

هلا حبيبتي الله يخليهم لج ان شالله
انا كانوا رفيجاتي توام ماشالله عليهم من الصغر ليما كبروا واهم بمدرسه وصف واحد وكل وحده لها شخصيتها وحياتها
نصيحتي خليهم بصف واحد

تقصدين شهر 9الياي بيدخلون الروضه
انا بجري بعد شهر 9الياي اول سنه روضه:krkrkr:ومستانسه

 

[*ريما*]

رد : بناتي التوأم والروضه

بالعكس بالصف واحد احسن لهم
والله يخليهم لك

 

[روعة الكلام]

رد : بناتي التوأم والروضه

أنا عندي كل وحده بصف أحسن لهم*الله يخليهم لج إنشالله وتفرحين فيهم عرايس*لان إنشالله إذا دخلو المدرسة ما اعتقد يكونون بصف واحد"

 

[أحبج يمه]

رد : بناتي التوأم والروضه

خليهم بصف واحد أحسن عشان يكونون حنونين على بعض وماعليج كل وحدة بتكون لها شخصيتها

والله نصيحة لا تفرقينها عندي عيال أخوي توأم فرقوهم عن بعض من يوم كانو صغار و بالمدرسة وبكل شي من سفرات الخ والله ألحين قامو من يجوفون بعض واحد وده يذبح الثاني الله يصلح حالهم

وبالعكس عيال اختي توام بنفس الصف والحمدلله حنونين على بعض وكل واحد له شخصيته طبعا الهواش والطق لابد منه لكن بحدود لأنهم تعودو يشوفون بعض على طول

وبعدبن الله خلق التوم ببطن واحد حرام تفرقونهم وماعليج كل وحدة بتكون لها شخصيتها وانتي حاولي بنفسج تشوفين كل وحدة شنو ميولها وطبيعتها ونمي هالشي فيها

أدري اني هذرت وايد بس اتمنى أكون أفدتج

 

[(نبنوبه)]

يا حلو التوأم الله يخليهم لج انا مدرسة ودايم التوام بصف واحد احسن لهم من وجهة نظرياي واحسن لج انشا الله اذا راحوا المدرسة تكون واجباتهم وحدة ومدرساتهم بعد فاسهل تتابعينهم مع بعض
يا قلبي انا بنوتي السنة الجاية روضة :krkrkr:

 

[حب الرّمان]

لاتفصلينهم ترا راح يبجوون
أنا عيالي لمن سجلتهم حضانه فصلوونهم بس كسروو خاطري يسمع اخوو يبجي بالصف الثاني يقولي انا اسمع ضاري يبجي

وانا ماادري وينه انا بس ابجي
بس كسرر خاطري وقتها بس وقت التسجيل ألله يعين

 

[سمو ذاتي]

حبايبي ماقصرتوا خلاص ان شاء الله بخليهم بصف واحد
فديت اليهال اللي بيداومون مع بناتي السنه اليايه

 

[Q8tya_GirL]

رد : بناتي التوأم والروضه

انا هم بنتي بجري السنه اليايه اولى روضه فديتها

بالعكس خليهم بصف واحد
بنات خالتي من واهمه بروضه لي الثانويه وتخرجوا ودشوا هالسنه الجامعه وهم نفس الكليه والتخصص
وما شاءالله عليهم كان كل وحده لها شخصيتها وكان يصير بينهم تنافس وغيره بالدراسه ما تبي وحده تصير احسن من الثانيه وما يرضون على بعض لدرجه حتي درجاتهم نفس الشي

 

[*ماي الورد*]

رد : بناتي التوأم والروضه

اريح لج بصف واحد

 

[@ دهن العود @]

سبحاااااااااااان الله نفس السؤال اللى فى بالى من اول ما ولدت :eh_s(22):

 

[om MaRyooM]

رد : بناتي التوأم والروضه

الله يخليهم انشالله


انا عندي فكرة .. ليش ماتسالين الاخصائية اللي بالمدرسة

اهما اخبر بنفسية اليهال