بناتالجامعه كليه التربيه تخصص عربي اجتماعيات بليز وهم اداب عربي دشوووو؟؟

[يمه فديتني]

بنات بليز ابي منكم مساعده اللي تعرف هالمادتين ودكاترتهم تقولي كل شي عنهم ابي اسحب وحده فيهم لان الاثنين وقتهم العصر وانا جدولي يبلش من 8 فما اقدر كل يوم اداوم من 8 لي 5

فابي رايكم فيهم من ناحيه الحضور والغياب وهل متشددين وله لا وشلونهم بالدرجات يعطون قريدات وله لا


اول ماده مدخل درسات لغويه ونحويه عند محمد الطويل ؟؟



والثانيه سيكلوجيه نمو عند صالح ابراهيم ؟؟؟


وابي ايهو اسهل فيهم لان باقي المواد اللي عندي حيل حيل صعبين



وشكرااااا

 

[حدي كيوووت]

رد : بناتالجامعه كليه التربيه تخصص عربي اجتماعيات بليز وهم اداب عربي دشوووو؟؟

موقفه حبيبتي
بس الى اعرف الدكتور صالح ابراهيم زين والبنات يمدحونه بس شديد على الحضور وامتحاناته يبله تركيز والله يوفقج

 

[حدي كيوووت]

رد : بناتالجامعه كليه التربيه تخصص عربي اجتماعيات بليز وهم اداب عربي دشوووو؟؟

وهذا الموجود بالتقييم
التقييم ملاحظات الطلبة
- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: تنمية لغوية+سيكلوجية النمو التاريخ: 2010-03-12
الطالب: عذاري رقم التقييم: 20251

الصراحة دكتور صالح مافي منه اثنين بالكلية دكتور من احسن الدكاترة، أسلوب وتعامل راقي مع الطلبة شرحه جدا ممتاز امتحاناته تعتمد على الفهم ,محاضراته ما تطوف ، انصح الكل ياخذ عنده صراحة اللي يطلع من الجامعة موماخذ عنده حسافة

- النجوم:
- المستوى: متوسط الصعوبة
- الشرح: شرح ممتاز
- حصلت على: C
ننصح به
المـادة: تنميه لغويه التاريخ: 2010-02-02
الطالب: am am86 رقم التقييم: 19730

دكتور للامانه ممتاز باغلب النواحي

الا من ناحيتين ظالم..

اللي هو كل كورس عن كورس..له مزاج !؟
يعني احنا كانت محاضرتنا 8 وقاعدين من صباح الله ودايسين بالسياره
ونتاخر بس دقيقه نلقى الباب مصكر !!؟ ومايسمح لنا ندش
لكن الكورس اللي بعده اعرف من البنات انه عنده التاخير عاادي !!؟
وخسف فيني بالغيا..كان تاخير وحسبه غيابات

الشغله الثانيه عرفت انه يحاسب عالغياب بشكل مو طبيعي
يعني اول غياب ناقص 5 درجات اما باقي الغيابات درجه !!؟

خسف فيني والله

اما باقي النوااحي ممتاز والله

شرح +محاضره عجيبه + امتحان متوسط

- النجوم:
- المستوى: صعب
- الشرح: شرح ممتاز
- حصلت على: B
ننصح به
المـادة: تنمية لغوية التاريخ: 2009-06-16
الطالب: sara رقم التقييم: 17521

بكل صراحة و كلام فعلا ينوثق فيه .. هالدكتور من الدكاتره المتميزين بكلية التربية .. من حيث الشرح ممتاز .. يلتزم بمحاضرته و ساعاته المكتبيه .. يقدر ظروف الطالبات و تعامله راقي مو جاد حيل أو يستهزء بالطلبه مثل اغلب الدكاتره عندنا .. الدراسه للامتحان ماكو اسهل منها بس تنصدم بالامتحان اسئله يبيلها فهم و متابعة لكلامه بالمحاضره .. مايقصر اخر شي يرفع الكل ..( الغياب عليه درجات ، ماكو تقرير او بحث بس الدرجات تعتمد عالامتحان )

انصح به .. و عموما اهوا محتكر الماده

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: تنمية لغوية , وسيكولوجيا النمو التاريخ: 2008-07-09
الطالب: النور كلة رقم التقييم: 14485

دكتور روعة ومحترم ومذكرته 40 صفحة تقريبًا وحقاني كل بنت وحقها ما يدخل أحد وراه وامتحاناته سهله من المذكرة

- النجوم:
- المستوى: صعب
- الشرح: شرح جيد جدا
- حصلت على: C
لا ننصح به
المـادة: تنمية لغويه التاريخ: 2008-02-15
الطالب: moon14 رقم التقييم: 13342

الدكتور اول ما يدخل بدون سلام على طول يبدي بالموضوع

محد يدخل بعده و ما يرضا يكون بالمحاضره مستمعين

ما يرضا احد يسولف

امتحاناته متوسطة الصعوبه بس ما تتوقعين الدرجه عبالج يايبه درجه زينه و اهيا اي شي

لما يشرح يضيع مادري شلون شرحه

يعني بالمذكره بس نقاط و اهوا يشرح كل نقطه ولازم تكتبين معاه و لما تروحين البيت و تقرين انتي شنو كاتبه اتضيعين ما تفهمين شي جنه بدليات

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: سيكلوجيه نمو التاريخ: 2007-07-31
الطالب: شيووم الظفيري رقم التقييم: 11022

شرح ممتاز
وسوالف من واقعنا التربوي

المادة مو معقدة
كثر ماتحتاج مذكراكرة وكابه مستمرة
مع الدكتور اثناء المحاضرة
وابصرحه يعطيه العافية حده طيب

ويقدر الطلبه ويحترم رايهم

والاحلى انه حياوي


- النجوم:
- المستوى: سهل جدا
- الشرح: شرح ممتاز
- حصلت على: C
ننصح به
المـادة: سيكلوجية نمو التاريخ: 2007-07-05
الطالب: psd87 رقم التقييم: 10729


شرح ممتاز سواااااااااااالف

لان الماده تتكلم عن نمو الطفل ومراحل عمره

فيذكرلنا سوالف عن الجهال وشلون اهلهم تعاملوا معاهم

الماده سهله ونوت الدكتور اسهل عباره عن 40 صفحه تقريبا

الامتحان الاول كان سهل وجبت عنده 24 من 30


والفاينل كان متوسط الصعوبه

بس انصدمت لما شفت درجتي عنده C+

كنت متوقعه اجيب A او B على الاقل

رحت له لمكتبه بعد الفاينل بس ما كنت احصله لحد ما لقيته معلق الدرجات ومو كاتب متى نراجعه


بصراحه الماده سهله المفروض الواحد ياخذ فيها A

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: سيكولوجيه النمو والتنمية اللغوية التاريخ: 2007-06-12
الطالب: day رقم التقييم: 10262

دكتوووووووووور قمة الأدب والأخلاق والأحترام محترررررررررم بطريقة ما تنوصف دكتوووور ممتاز بالشرح ويعطي الشرح حقه ولا زيادة بس امتحاناته يبيله اشوي وإذا عندج أحد ماخذ المادة فبلج سأليها شنو عطاهم لان نفس الشي تقريبا وأهم شي كتبي كل كلمة يقولها ومذكرة مرتبه حييييييييل وحقاني بعد وكل شي زييييين ترى فيه بس ها لا تقلين احترامج ولا تستخفين دمج وخليج محترمه معاه يحطج على رأسه والله خوووووووووووش دكتور

- النجوم:
- المستوى: صعب
- الشرح: شرح ممتاز
- حصلت على: B
لا ننصح به
المـادة: سيوكولوجية نمو231 التاريخ: 2007-06-10
الطالب: asoom رقم التقييم: 10141

شرحه ممتاز لكن امتحانه صعب حيل ويحاسب على الغياب بشدة ويطرد البنات اللي يدشون وراه..

- النجوم:
- المستوى: صعب
- الشرح: شرح ممتاز
- حصلت على: B
ننصح به
المـادة: سيكلوجية نمو التاريخ: 2006-09-19
الطالب: طالبة رقم التقييم: 7398

دكتور ممتاز و يراعي ضميره في تدريسه و طلبته. صج طيب و متفهم وايد و مرن بالتعامل، لكن أيضا هو شخصية قوية و شديدة المراس و لا يمكن خداعه. يطرد و يحرج البنت إذا تسولف بالأحاديث الجانبية، تكلمي كثر ما تبين بالمحاضرة حول موضوع المقرر و يسمع لج بشغف، لكن بتسولفين مع رفيجتج ؟ أحسن لج لا تحضرين لأنه يخليج تتحسفين إنج سجلتي بالجامعة.
يفرق بين الطلبة الجادين و الطلبة اللعوبين. يساعد الجادين بدون ما حتى يطلبون

- النجوم:
- المستوى: صعب جدا
- الشرح: شرح متوسط
- حصلت على: B
لا ننصح به
المـادة: سكيلوجية نمو التاريخ: 2006-06-26
الطالب: سوسو رقم التقييم: 5465

الصراحة اولا كان دكتور زين لكن بعد فترة تغير ما ادري شصار فيه وبعدين حتى اسلوبة متغير لأني كنت ماخذة عنده قبل هالمادة مادتين لكن آخر مادة خذيت عنده كان اسلوبة زين بس اللحين متغير وصار ما يحترم البنات وييزف فجأة ما تدرين اذا كان راضي عليج او لأ

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: علم نفس تربوي التاريخ: 2006-03-17
الطالب: عزاشه رقم التقييم: 2832

بصراحة اكثر دكتور تأثرت فيه خذيت عنده مادتين صج اني مايبت درجة زينه بس كنت احب هالمحاضرة وليلحين امر اسلم عليه واذا بسأل سؤال اول واحد افكر فيه الدكتور صالح
واذا شافي يسلم علي وايد متواضع انصحكم فيه .

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: سيكولوجية النمو التاريخ: 2006-02-24
الطالب: حنان باباجان رقم التقييم: 2586

أب بمعنى الكلمة ، ذو أخلاق سامية ، ومحترم جدا جدا ، وأنصح الجميع بالأخذ عنده .

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: تنمية لغوية التاريخ: 2005-12-29
الطالب: جوري رقم التقييم: 1797

انسان قمة في الاحترام والأخلاق.. يحسسنا انا كلنا بناته وهو أبونا.. ما يفرق بين ناس وناس..يعطي كل طالب حقه وزيادة ومحاضرته قمة في المتعة

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: تنمية لغوية التاريخ: 2005-08-23
الطالب: دانه رقم التقييم: 670

أهم ما فيه انه يحترم الطلبه

يخلي الطلبه يعتمدون على انفسهم باتخاذ القرار في حضور المحاضرات.

- النجوم:
- المستوى: متوسط الصعوبة
- الشرح: شرح متوسط
- حصلت على: A
ننصح به
المـادة: تنمية لغوية و ألعاب أطفال وسيكلوجية نمو التاريخ: 2005-08-04
الطالب: 7a99ona رقم التقييم: 552

مدرس رائع .. صحيح إنه هادي وايد وماله حس لكن طيب بصوره رهيبه .. ماياخذ حضور وغياب ويعطي بونس عالبرزنتيشن ويسوي كيرف 5 درجات نهاية كل كورس ..
آنا أخذت عنده مادة في البداية بس هالمادة خلتني آخذ مادتين ثانيين من كثر مارتحت في المقرر ..
وخذيت عنده في المواد الثلاث A )

 

[حلا الظفير]

ماعندي فكره عن هالدكاتره


البنات ماقصرو وان شالله يفيدونج زياده

 

[يمه فديتني]

مشكووووريين بنات


ابي اي شي عن الدكتور محمد الطويل

 

[princess shosho]

رد : بناتالجامعه كليه التربيه تخصص عربي اجتماعيات بليز وهم اداب عربي دشوووو؟؟

ماعندي فكره والله
امبي انا متوهقه انزين بدش عرض ,,
في فرق بين مدخل رعايه اجتماعيه ومدخل خدمه اجتماعيه ؟؟؟
حدددي متوهقه @@