بناات من جربت الطيران الكويتي لامريكا

[ودي***أفرح]

انا سمعت عن الكويتية انها مو بالمستوى المطلوب ولا تقارن بالقطرية والاتحاد والاماراتية

ولكني مضطره لان سعر التذاكر لامريكا على السياحيه زينه وزوجي يبي دايركت

وقبل الحجز ابي نصيحتكم من البنات اللي جربوها من ناحيه الخدمه والكراسي والترفيه

تقبلووووو تحياتي

 

[سيكولوجية]

ما انصح فيها كلش

أولا كله تأخير

عادي رحلات امريكا تتأخير. 10 ساعات واكثر ينقعونكم بالمطار

مافي اي ترفيه لا شاشات عدله لا اكل عدل
والطياره تخرع عادي تخرب عليهم ويصير عطل


ول ي امريكا حطي ابالج 14 ساعه مو شويه يبيلها اريح طيران
واضمن طيران


لو شنو ما اغامر واركبها مو بايعه عمري
انا حجزت عالقطريه لاني حيل احب هالطيران راقي ومريح من كل النواحي

 

[ودي***أفرح]

لا يحوووشك خرعتيني بصراحه

للاسف انها انسب سعر القطريه نااااااااااااااااااار

 

[سيكولوجية]

اي ارخض. لان مولايقين احد يحجز

تخيلي رفيجتي بتروح امريكا عالكويتيه تقول اخرونا نقعونا 16 ساعه تأخير

وطبعا امريكا وقتهم حيل يختلف ف تقول على ماطبينا نيويورك الا راح علي حجزي بالفندق اهناك
بسبب التأخير

هذا غير الخرابات بالطياره

ف نصيحه لاتغامرين

عندج القطريه
امارتيه
يونايتد
والبرتش

هذول احسن طيران حق امريكا

 

[Alrem_q8]

ماادري الكل يسب الخطوط الكويتيه احنا كل سفراتنا عليها لان ابوي مايحب الا الدايركت
اخر مره من سنه رحت ع الخطوط الكويتيه درجه سياحيه كان الكراسي زينه والشاشات تشتغل وسماعات وكل شي
والاكل جربت ريوق وغدا
الريوق نصه كان عادي ونصه مو حلو
اما الغدا كان عجييييييب مع اني كنت متغديه قبل لا اركب الطياره بس من كثر ماكان عيشهم حلو تغديت مره ثانيه ههههههههههههه


صراحه ماادري ليش الناس طايحه سب بخطوطنا
صج اني انا ماجربت غير الخطوط الكويتيه فأشوفها زينه
وبالنسبه للتأخير اذكر اخر مره لما رحنا دبي تأخرنا بس مو حيل
بالروحه قالو بنتأخر خمس دقايق مرت خمس دقايق قالو آسفين بعد خمس دقايق نطير يعني تأخرنا تقريبا اقل من ٢٠ دقيقه بس بالرده ع الوقت كانت ^_^

 

[ببي جونسون]

انا مفكره اربها لانه رخيصه بسب اهمال الطاقم

 

[دآنة آلرشآيده]

انا مانصحج فيها كلش خصوصا لامريكا الرحله
طويله وايد روحي على طيران سنه

لان انا سافرت عليها مرت وكرهت عمري وكرهت السفره
وتوبه بعد اروح فيها تاخير والخدمه موشي​

 

[Fooshy2]

بايعه عمرج من امه انحااشي
اذا تبين الالمانيا حلوه وKlm

 

[مشتطـه]

هههههههههه عاد الكويتيه ؟

كله محركاتها خربانه

حيل اخاف منها ماكو اهتمام

بس زوجي يقول من ناحية الامان

الطيران الكويتي للندن وامريكا يودونج بأحسن طيارة واجدد وحده اللي اهي سنة 98 مصنوعه




بس انا عن نفسي عادي اقط عالطيران


في طيران البرتش يروح لندن ترانزين 24 ساعه بلندن
بعدين يروح امريكا عالطيران الامريكي

ب 250 دينار بسسسسس

 

[ام الدلال]

الكويتيه ما فيها شي بس للأسف نزلوا سمعتها الأرض .. هذي رحله طويله ما تتحمل ترانزيت واللي يفكر بالطيران الأجنبي غلطان لانه حتى الأكل استغفر الله ما يتوكل وريحة الطياره خايسه ولازم يكون فيها مشروب والركاب الأجانب العن ما خلق ربي اذا شافوا عرب ...... والتأخير الحمدلله ما صادفني غير نص ساعه مره أو مرتين على الكويتيه ،،،،،،،، بصراحه انا وحده بس ادخل الطياره الكويتيه أحسن أني وصلت الكويت وارتاح ❤

 

[الغاليه ام احمد]

حبيبتي ودي افرح

انا رحت امريكا على الكويتيه

حلوه الرحله والطياره وسيعه والمعامله حلوه

توكلي على الله

 

[حبيبة دودي]

حبيبتي انا مجربتها من شهر تهبل مافيها شي بس الشاشات كانت خربانه
لكن الاكل والخدمه حللوه واي شي تبينه يساعدونج مايقصرون
ومافي تاخير يمكن دقايق بس لكن وصلنا ع الوقت المحدد بالروحه والرده

 

[M!SS.LOBY]

حلو الطيران الكويتيه

 

[أمانيQ8]

لو ببلاش ماسافرت عليها مو بايعه عمري

اهم شي ريل حماتي توا طاير من المطار عليها يقول احترق الجناح واهبطوا بسرعه زين ما ولوا


عندج اليونايتد الامريكيه او البرتش او الفتانزا او الklmكلهم يهبلون بس لازم ترانزيت

اليونايتد تطب DC

 

[ام رينـاد]

ليش اغلب الناس يذمونها بالعكس تهبل ومافيها شي

اخر مره سافرت عليها زينه والكل حلووو والتلفزيون شغال ويحطون افلام

 

[Mrs.Q]

الاخت اللي قالت ان اجدد طيارة حق امريكا معلومتها صحيحة 100%
امي ويدي راحوا عالفيرست يقولون دلع موطبيعي ورااااحة بس خالتي وريلها راحوا عالايكونومي يقولون الرحلة نفسها تزهق والكراسي عادية وشوي ضيجة