بناات تعالوا طمنوني يأثر والا لا؟؟ حدي خايفه

[**مناير**]

السلام عليكم
شلونكم بنات

انا الشهر هذا حللت وطلعت حامل و انصدمت صراحه قعدت ابجي
لاني الشهر هذا كنت اعالج اسناني شي خلع وشي عصب وغيره
يعني اخذت 6 ابر بنج ويمكن فوق 7 اشعات للاسنان
هذا غير المسكنات الكتافلام والادول والمضاد وحبوب حساسيه
ولما حللت كانت توها الدوره طايفتني لها خمس ايام
واخر مره رحت للاسنان يوم الخميس اللي فات شلت ضرس
ما ادري هذي الاشيا تضر والا عادي بما انه انا توني يمكن توني اكمل الشهر
شرايكم بنات حدي خايفه

 

[**مناير**]

سوري الموضوع نزل كذا مره
شابكه من الايفون ويعللللق
اتمني من المشرفات يلغون المتكرر من موضوعي

 

[عبث طفله]

الحافظ رب العالمين ..

ادكر وحده كاتب موضوع نفسج .. قالت لها وحده من البنات ان الدكتوره قالت لها ادا ماطاف موعد دورتج عادي ..


توكلي على الله .. ياما بنات دشو اشعه واكلوا بلاوي من حبوب ومضادات والحمد لله ماصار فيهم شي ..

 

[ام بوحنة]

انشاء الله مافيج الا العافية

 

[الله كرريم]

ان شاءالله مافي الا العافيه , في ناس من شيئ بسيط يتاثر الجنين وفي ناس والله يطيحون او ياخذون ادويه وسبحان الله مايصير بالجنين شيئ , لاتحاتين واجد

وانصحج تسوين سونار عند دكتورة خالدة الجيبيل تخصصها متعلق بالجنين وتشوهاته , والله يطمنج

 

[فواكه2000]

انا مثلج ما كنت ادري اني حامل وكليت حبوب مالت الحساسيه(عاد ممنوعه بأول اشهور الحمل) بالاسبوع اللي حللت فيه يوم طاف موعد الدوره يومين وطلعت حامل
رحت للدكتوره وقلت لها عن الحبوب قالت أول 45 يوم ما يأثر والحافظ الله .
وان شالله يارب مايضر الياهل يارب ياكريم الصحه والعافيه

 

[أأأميرة الورد]

ان شاء الله ما يضرج
نفس سؤالي واتمنى الإجابة الشافية

 

[أحلى عيون]

ياختي مافي اكثر مني اكلت حبوب


الله الحافظ ولا تخافين انا سويت عصب وحفر اسنان وطقيت ابره البنج ومضادات حيويه ودوا كحه بعد


الله الحافظ بارب

 

[حرمه المصون]

لا تحاتين الله الحافظ قولي اللهم اني استودعك جنيني فاحفظه لي انت الذي لاتضيع ودايعه

 

[أم حمودي**MALL**]

انشالله مافي الا العافيه لا تحاتين

 

[**مناير**]

مشكوريين بناات
انا رحت لدكتوري قال ان شاالله ماكو شي بس لو كنتي ماكله الفوليك اسد احسن انا خفت من كلامه لانه فعلا حاليا ما يدري ولايبين اذا الجنين فيه شي
قلت اسالكم اذا مريتوا بهالتجربه والا تعرفون وحده جذي و ولدت الياهل طبيعي مافيه شي
والله يستررر ان شاالله
انا مو خايفه من الحبوب كثر الاشعه والبنج

 

[سكر فتافيت]

ربنا يتم لك الحمل على خير
ويرزقك بطفل معافى من كل شر

 

[فلنتينو]

اللحافظ الله
بس الاشعه موزينه
بس لازم تروحين للدكتوره وتأكدين وتشرحين سالفتج
لاني انا لما كنت حامل كانت تقول الدكتورة الاسنان مانقدر نسويلج شي الا لما يصرلج 5 او 6
ورحتلها لما صرت بالخامس قالت لا كلمي دكتورج الولاده وكلمتها قالت مو مشكله لاني بالخامس
بس حطو على بطنب مثل درع حديد قووي عشان الاشعه

 

[Petite]

والله ماعندي فكره

ان شاءالله مافيج الا العافيه لا توسوسين

 

[آجمل نسآء آلدنيآ]

آللـه يتمم لـج ع خيـر ..
و آن شـــآءآللـه مـــآفي آلآ آلعـآفيــه
​

 

[الأميرة كيرارا]

ماكو شي يضر ولا ينفع إلا بيد الله سبحانه
لا تحاتين ترا كلهم إنشالله ما يضرون
أعرف وحدة نفس حالتج و يابت بنوتة تهبل ما فيها إلا العافية

 

[أم وليد الشمري]

أن شا الله ما فيج الا العافيه
وحتى البيبي
ربي يفرح قلبج فيه سليم
والله أختي جي
وكانت تحاتي طول حمالها
وراحت على ما أظن الى دكتور عادل زهير
طمنها والحمد لله
وولدت وشافت ضناها بخير
مثل ما ربي طمن قلبها
الله يطمن قلبج وقلب كل من تحاتي ضناها

 

[om mohammed]

لا تحاتين ماكو الا العافية انشالله
أنا شلعت ضرس العقل و سويت كل الي قلتي عنه و زود..حللت ثاني يوم من الخلع و اكتشفت أني حامل..
الدكتوره قالتلي لا تخافين لان البيبي وايد صغير اول الحمل و محمي بالكيس ماله الحمدلله ولدت و ولدي ما فيه شي.
الله يتمم لك على خير و لا تحاتين كلش*

 

[كيوي كويتي]

لاتحاتين حبيبتي ماكو الا العافية ان شاء الله الحافظ رب العالمين

انا والله تعبت من اسناني بحمالي هذا والحافظ الله ان شاء الله

الطفل يتكون بعد 40 يوم سبحان الله يعني لاتحاتين باذن الله
بس وقفي كل شي وصح كلام البنات اذا ماطاف موعد دورتج لاتحاتين باذن الرحمن

والله يحفظج ويطمنج