بناات اليوم لقيت الشغاله تكلم وتعطيهم اسمي الكاااااامل ؟؟؟ابي رايكم ضرووووري

[يااسمينه]

السلام عليكم
بنات ابي رايكم بشي .. انا في العاده اذا بنام اخذ معي جوالاتي والمفاتيح ادخلهم معي بالغرفه .. اليوم من التعب نسيت جوالي تركته في الصاله ورحت الغرفه ونمت بعدين جلست الا الشغاله ( اندونيسيه)تكلم من جوالي ..بالصدفه امها متصله على جوالي وردت على المكالمه من غير استئذان المهم جلست انا وزوجي شافها تكلم وعلى طول اخذ جوالي وسكر وسالها قالت ماما متصله وبعدين كلمت صديقتها وبعدين كلمت اخوها .. كل هذا من غير علمي وانا معلمتها اي شي تقولي ماتسوي ولاشي من غير علمي الشي الا قهرني انها قالت لامها اسمي الكااامل ..عرفت بكل التفاصيل من بنتي ..المهم انا سألتها ليه قلتي عن اسمي مع اني ماسمحت تخبر احد ولا حتى اصلا علمتها اسمي الكامل ..الا ظلت تبرر تقول عاادي وان امها تبيه قلت لها ليه عطيتيها الا تقول مادري !!! يعني شنو معقووول ماتدري والا لها نيه خبيثه ؟ والكفيل زوجي مو انا اذا الغرض تعلمها منو الكفيل هي جايه باسم زوجي مش اسمي .. وكيف عرفت اسمي الكامل ؟؟!! المهم الموضوع كله على بعضه قهرني منها مرره وعصبت عليها اول مره اعصب عليها بهالصوره .. وخاصه ان مبرراتها غبيه وكل شيو تكذب واكتشف كذبتها .. لما بحثت في السجل في جوالي لقيت انها عطتهم رنه عشان يتصلون ولما قلت لها الا تقول من بنتي ؟! الحين بنتي شنو عرفها ماعمرها سوت هالتصرف ..ومصره وتحلف وبنتي طبعا تقول كذابه .. من رايكم شنو اسوي معها ؟؟ وهل تتوقعون لها نيه خبيثه ؟ لما عصبت عليها الا تقولي خلاص تبين تسفريني سفريني ؟؟ يعني مو مستحيه من غلطتها ولا حاسه كلما اقول لها ليه سويتي ليه كلمتي وانا مادري وهي تقول هم الي متصلين .. ليه عطيتيهم اسمي الكامل تجيب لي مبررات غبيه اقول لها مو سامحه لك تتصرفين بكيفك ؟؟ تقولي عادي ماسويت شي ؟؟ بالله عليكم قولوا لي شنو اتصرف معها .. حقيقي مرررره مقهووره منها ...

 

[جروح خالده]

رد : بناات اليوم لقيت الشغاله تكلم وتعطيهم اسمي الكاااااامل ؟؟؟ابي رايكم ضرووووري

هذي شكلها موهينه

وديها المكتب والله هالاشكال تخووف

لاتسفرينها واضيع عليج فلووسج ذلفيها المكتب بيعيها

 

[nono-ful]

يا معوده خوفج تسوي سحر ولا شي انا اقول مشيها بس طالعي بغراضها قبل لا تكون ماخذه شي وتسويلج فيه سحر

 

[ELFAD3Ah]

رد : بناات اليوم لقيت الشغاله تكلم وتعطيهم اسمي الكاااااامل ؟؟؟ابي رايكم ضرووووري

والله شكلها بتسويلج سحر ديري بالج

 

[لؤلؤية]

رد : بناات اليوم لقيت الشغاله تكلم وتعطيهم اسمي الكاااااامل ؟؟؟ابي رايكم ضرووووري

اذا كانت اندونيسية
لا تخلينها عندج...بيعيها

 

[ياشايل الظبى]

وديها المكتب ولا بيعيها وافتكى منها هذى تخوف

 

[يااسمينه]

الغريبه ان فتشتها اكثر من مره ماعندها شي من الي ينخاف منه بالعكس الي عندها ادعيه وقرآن وداايم وقت فراغها تصلي وتقرأ قرآن صحيح عندها حبيب من اندونيسيا عندها صورته كل يوم تتمقل فيه بس انا منعتها لان بنتي تعلق وتقولي ماما الشغاله عندها صورة رجال ؟؟ فمنعتها كل شوي وتطالع في الصوره .. غير كذا مالقيت عليها شي وهي صغيره وغبيه .. دايم تعطي مبررات ترفع الضغط ..

 

[يااسمينه]

المشكله المكتب من جابها وهو يتهرب .. ونظامنا في السعوديه غير عنكم .. خلاص بس تعدي 3 شهور مايسوي شي المكتب .. مع ان صاحب المكتب يعرفه زوجي مع ذالك صار يماطل قبل لا تخلص الـ 3 شهور .. الحين قربت تكمل سنه عندي واليوم زوجي يتصل لصاحب المكتب لان عنده اندونيسي يترجم لكن شكله خبيث حسيت عيونه زااايغه قبل لما صارت مشكله وصار هالاندونيسي يترجم لنا ويترجم لها مارتحت له نهاائي وقام يسألها عن اسمها ولما زوجي عطاه عصير يبي يعطي الشغاله !! يعني ماشاء الله عليهم متعاونين ..!! الحين لقيت رساله في جوالي من الي كلمتهم cah hb ulau wka d binken k ank dnun9an urng arek n9bel dei اذا عندكم شغاله تترجم لي اكووون شاكره وممتنه لكم

 

[سمو ذاااتي]

رد : بناات اليوم لقيت الشغاله تكلم وتعطيهم اسمي الكاااااامل ؟؟؟ابي رايكم ضرووووري

الله يحفظج من كل مكروه لو منج ما اخليها عندي

 

[So0oKaRa]

انا مستغربه من شغله شلون الخدم يعرفون الاسم الكامل للزوج والزوجه؟من ويييييييين؟
شغاله اختي قبل ماتسافر لقت عندها ورقه مكتوب فيها كل اسامي الموجودين بالبيت ولا الاسم الرباعي بعد
وماخذه من كل شخص بالبيت شغله مثل شباصه بنتها ودلاغ ولدها واااااااي حسبي الله عليهم عاد اختي كانت تعاملها احسن معامله والله ولا عمرها زفتها
حسبي الله عليهم كرهت كل الخدم بسبه هالسوالف اكرف بروحي بالبيت ولا اييب شغاله تلعوزني
وهذي افتكي منها خوفج ناويتلج على نيه خاصه لو كانت اندونيسيه لانه السحر عندهم مثل شربه الماي

 

[يااسمينه]

الله يستر خوفتووووني .. مع انها صوم وصلاه وقرائة قرآن .. وصغيره ولها نوايا خبيثه ؟؟

 

[Heaven Light]

حبيبتي كلهم جذي جدامج يصومون ويصلون ويقرون قرآن ومن وراج الله يعلم

يعني آمانه شتبي باسمج تصور معاه مثلا ؟؟ اكيد تسويلج بلاء..

خلاص لا تستخسرين الفلوس على عمرج خليها تولي وجيبي غيرها سيلانية مثلا المهم مو اندنوسية ..

​

 

[رزووونة]

هذي حدها ماخذة راحتها
تستعمل تليفونج بدون اذن وتدز مسجات بعد
نصيحة وديها وفتشيها عدل عدل عدل قبل ماتذلف
الله ياخذهم هالخدم يعلووووون القلب

 

[Tulips]

رد : بناات اليوم لقيت الشغاله تكلم وتعطيهم اسمي الكاااااامل ؟؟؟ابي رايكم ضرووووري

والله انتو يالحريم مادري متى بتتعضون ... ياما قلنا شلكم بالاندنوسيات راعين طبوب وسحــــــــــــــــــــور

حبيبتي قبل ماتودينها المكتب فتشي اغراضها وحتى ملابسها اللي لابستهم فتشيهم .. اخاف ماخذه من اثركم لا سمح الله

والله الحافظ انشالله

 

[فنون التصميم]

أختي ياسمينه


أسأل الله العظيم أن يصرف عنك شر هذي الخادمة
أسأل الله العظيم أن يصرف عنك شر هذي الخادمة
أسأل الله العظيم أن يصرف عنك شر هذي الخادمة


انتبهِ على نفسك هذي ناوية تسحرك حاولي تمشينها من عندك وقبل ما تمشينها اشتري لها ملابس جديدة ولا تاخذ معاها شي من أعراضها مهما كان ، لأنهم يخبون الآثار في أماكن ما تخطر على بالك ، يعني ممكن تخبيها في ملابسها الداخلية مثلاً

وممكن يخيطونها في ملابسهم :rgewrg: :rgewrg:


الله يحميكم ويحرسكم


وربنا ينتقم من كل شخص أراد الضرر بالآخرين ​

 

[مشتاقه لك يبا]

رد : بناات اليوم لقيت الشغاله تكلم وتعطيهم اسمي الكاااااامل ؟؟؟ابي رايكم ضرووووري

ديري بالج منها هذول الاندونيسيات يخوفوووون

 

[مارغريتا]

يمه انتي ماتخافين تعصبين على اندونيسيه !
دير بالج منهم ترا هذيلا اهل المصايب والبلاوي
اذا تقدرين تيبين غيرها ييبي واذا لا كلميها عدل وقولي لها ان تصرفها ماعجبج ولا تعيدها
وخلاص انتي لا تعطينها مجال تطلع برا ولا تمسك التليفون حتى لمن تطلعون قفلوا عليها الباب

 

[أوكسجين]

من غير تفكير
وديها اللمكتب هاذي ناويه على نيه

 

[مارغريتا]

وترا اذا على سالفة انها تستخدم تليفونج انا ياما خدمنا اروح المدرسه واخلي تليفوني وارد الاقي الرصيد مخلص !

 

[om al ghaleen]

الله يسستر وان شاء الله مآكو شي
طلعي دفعه بلآء عنج وعن آهل البيت ~

\\