بناات اللي جربت حنه التنعيم بلييز ترد علي

[مِسك الكويت]

السلام عليكم

شلوونكم بناات ..

بلييييز تعقدت من شعري .. منو فيكم جربت حنه التنعيم
والله محتاره بين التاجرات اللي يبيعون الحنه (الذوق-كله و بنت الأحلام)

مادري منو اللي عندها الأصليه وكل وحده عندها بنات مجربين وكل وحده تمدح ماادري شنو اختاار بلييييز سااااعدوووني:eh_s(10):

 

[ام وحودي]

انا جربتها بصرحة روعة اخدتها من عند الذوق كله

 

[مِسك الكويت]

صج والله ..

جم قعدت معاج ومتى سويتيها

 

[مِسك الكويت]

وييينكم يابنااات ..

 

[حبيبة السوس]

وانا جربتها من بنت الاحلام بالبداية جم شهر وااااااااو وعقبها طاح شعري وصار جنه سيامة

 

[دمع الروح]

حبيبتي لاتحطين الحنا في البدايه راح تستانسين بالنتيجه وبعدين راح تعظين اصابع الندم انا تقريبا حطيتها على شعري 5 مرات وألحين متحسفه حييييل دمرت شعري وألعبت فيه وحاليا قاعده اعالجه علشان اسوي كيراتين وعلى فكره الحنه كنت اشتريها من السعوديه وكل حنا التنعيم فيها مادة العفص وهي اللي أدمر الشعر

لاتنسيني من دعواتج

 

[حبك مايعاضي]

أنا اشتريتها من الذوق كله أول مره تهبل ونعمت شعري صارلي 8 أشهر وما طيحت شعري لأني مهتمه فيه وأدهنه وأسوي حمام زيت الحمدلله

لاإله إلا الله

 

[نونا 3000]

نصيحه لا تستخمينها وربي دمار للشعر عن تجربه

صج انا كنت امدحها اول بس الحين وربي حتى عدوي ما اتمناه يستخدمها

نصيحه روحي لمركز فيتو متخصص بالشعر وسوي كيراتي ابرك لج اختي مسوتيه من سنه شعرها يهبل

 

[Athwaq]

انا شاريتها من بنت الاحلام شحلاتها الحين بكمل السنه من حطيتها

وشعري طال و برجع احطها مره ثانيه ان شالله

 

[مِسك الكويت]

يعطيكم العاافيه حبيباااتي وماقصرتووا

بس شي يحير واحده تمدح ووحده تذم ..

بس خلااص انا قررت اني ما احطها ..

وربي يوفقكم ويعين كل وحده اخترب شعرها