طريقة عمل الكريب
المقادير
كوب لبن
كوب دقيق
بيضة
ربع ملعقة ملح ولو الكريب حلو يبقى سكر
شوية زيت
طريقة التحضير
اول حاجة تنخلي الدقيق والملح فى طبق كبير للعجن
حطيالبيضة وشوية لبن وقلبى شوية بملعقة خشبية افضل
حطي شوية لبن كمان وقلبى لغاية ما تبقى عجينة ناعمة
حطي الزيت وبقية اللبن وقلبى كمان لحد ما تبقى ناعمة
بعد كدة تسيبي العجينة لمدة ساعة فى الهوا
بعد كدة هتجيبي صينية او طاسة تيفال و تحطي فيها شوية زيت
وتحطي العجينة بالمقاس اللى انتي عاوزاه
و تستنى لحد ما يتحمر القعر شوية
ولو عاوزة تعملي سوسيس هتعملي الكلام ده
بعد ما تحطي العجينة واتعملت خلاص هتحطي شوية جبنة رومى عليها لو مش بتحبيها بلاش
وبعدين هتحطي السوسيس او اي اكل انتي عاوزاه يعني لحمة مفرومة او خضار اي حاجة
بعد كدة هتحطي المايونيز وبعديه الكاتشب على طريقة التوزيع
وتسيبه على النار لحد ما يستوى بعد كدة تلفي العجينة او الساندوتش
طبعا هتقولي ازاي بصي يا ستي
العجينة فى الاول تخليها مفرودة وهتحطي عليها الاكل كله اوكى بعد كدة اتنيها نصين واتنيها كمان لتبقى على شكل ربع يعني مثلثة كده.
و ممكن تحطيها شوية فى الفرن عشان تمسك كويس لو حبيتي يعني
