بنااات شنو السؤال اللي ما تحبوون تجاوبون علييه < الشجاعه تدخل حيااهاا

[نــggر]

السلام عليكم ورحمة الله وبركاته ..
​

سوف نعتبر انفسنا في مواجهة صريحة مع النفس ونكتب هنا بصراحة عن رأينا فيما يلي
:اخواتي مــا هـــو السؤل الي ما تـــحبين ان يسالـــك به احد ؟؟
​

ولا تحبين الا جابة علية؟؟؟
​

اريد تحديد
السؤال !! وبدون احراج

!!!!!!!

ومن الشخص الي ما تبينه يسألك هالسؤال...
ابوك..
امك..
اختك..
زميلتك..
.............................. ....

اي سؤال لا تحبون أن يسألكم احد به ..
​

. يلا ابتدوا ...

من عندها الشجاعة ...





بعض النساء لا تحب ان يسالها احد عن عمرهااااااا؟؟؟




مو بعضهن الا اغلبهن





وبعض الرجال لا يحبون ان يسالهم اي شخص مهما كان ( كم راتبك )!!!!!!! او هل تحب زوجتك ؟؟ او اسم زوجتك ؟؟؟ .....الخ

يعني لكل شخص منا سؤالة الخاص فيه...





ارجو المشاركه وبصراحة.....

في انتظاار ردودكم....
ممـــا راق لي

( منقووول )





​

 

[FeShinGoOo]

ماحب اسئلة اللقافه

ماتزوجتي ؟؟

ماحملتي ..؟؟

ماشتغلتي ؟؟

............ الخ من الاسئله الي ماتفيد غيري + كلهم يكونون عارفين الاجابه

مادري ليش يسئلون ..!!

 

[المرتاحة]

والله نفس اجابة الاخت اللي فوقي وخاصة هالسؤال

ليش ما تزوجتي؟!!

اقول لهم ان جانكم تدرون علموني


يردون على اي قسمة و نصيب

انزين دام تعرفون مافي غير هذا الجواب ليش تسألون لووووول

 

[نجداويه نجد]

ـ

زي أسئلة اللي قبلي ..!!
مااحب أسئلة الملقف ....؟؟
مااعرستي طيب ليه..؟؟
كم راتبك ...؟؟؟
وش تسوين اذا جالسه بروحك ....؟؟؟
وغيرها من الأسئله اللي مالها هدف غير حُب الفضول والقيل والقال ..!!

مع اني أفضل أكون محور حديث الناس زي مايقول الشيخ عايض القرني ..<<<

اعلم أن من اغتابك فقد أهدى لك حسناته ..
وحطّ من سيئاتك وجعلك مشهوراً ..
وهذه نعمة .

8
8

هو قال كذا _أنا مالي علاقه

 

[بنت العقربيه]

كل البنات مايحبون هالسؤال

كم عمرك

كم وزنك

متزوجه ولا عازبة ولا مطلقه


وغيرها بس هاذي الي ترفع الضغط

 

[ReeM ^ Style]

ماحب الاسئله اللي احس فيها حسد
والاسئله اللي فيها قلة ادب
والاسئله اللي مالها هدف بس حابه تستفزج

 

[ميـــم]

الاسئلـــــــــــة اللي فيهــآ تجـريح
والاسئلــــــة اللي يفتحــون فييهآ محضـــــــــــــــــــــــــــــــــر

 

[حبي بيرين]

صراحة عندي عمة وخالة الله لايوريكم لاحياء ولا مستحى كل شئ يسألون عنه لدرجة عمتي تسأل اذا كلمت وين قاعدين والله من الفضاوة اللي فيها المهم من الاسئلة كم راتبكِ

 

[غرام أنثى]

الاسئله الي تتعدى خصوصيتي ..كم معدلي في جامعه ولا ماتوظفتي ولا ماتزوجتي

اذكر وحده كانت كل ماتكلمني ماتزوجتي ماتزوجتي ..

بطريقه حسستني اني عانس ..الزبده البنت فجاه هجدت ..

استغربت وشفيها ماتسالني ماتزوجتي ...

اكتشفت بعد فتره انها تطلقت ..الله يستر عليها

 

[^LILY^]

نفس اجوبت البنااااااات
والعن شي ليه ماتزوجتي ياااخي قسمه ونصييييييييييب

 

[AnA_NeYa]

لول صج عاد فيه ناس تسال ليش ماتزوجتي!!!

شالسؤال بالله اهما شدراهم كل شي قسمه ونصيب حمدلله والشكر

انا ماحب يسالوني اذا كنت حامل شنو ابطنج بنت ولا ولد احس اتوهق مادري اقووول ماقووول

وهم جم وزنج ويع ويع

شكرا عالموضوع

 

[منبع عبط^_^]

لمن يسالوني شفيج والا شمضايقج وانا متضايقه < ابجي ع طول لوووول اي سكتوو عني لمن اطخ وتالي اقول بروحي

 

[star warld]

واي عاد انا ياكرهي للي تسال ليش قاعده بروحج شتسوين بروحج
لا ابد سالمتج قاعده اسولف مع اليني الي جنبي

 

[جولينار]

كل سؤال يدخل في خصوصيتي


ماحب احد يتطفل لمجرد التطفل


خصوصا سؤال ماحملتي ؟؟

والله طولتي ؟؟

مانع والا من الله ؟؟


منك والا منه ؟؟


واخر شي الله يرزقك مع نظرة شفقه



لا ياشيخه تكلفتي وانتي تدعين !!



ممكن أقبل وحده تسألني من خوف ومحبه وتكون قريبه لي

مع ان صديقاتي ولا وحده سألت ليه ماحلمتي

ناس ذوق ربي يسعدهم


ولو سئلو ماعندي اشكالية بالعكس عارفه سؤالهم جا من محبه وخوف علي


بس المشكلة مايسئلوني الا الملاقيف اللي ماتربطني فيهم علاقه

 

[سـآرآ ’ ~]

آلآسئلة آللي تضآيقني من آلبنآت آكثر شي ,’~:eh_s(14):
شعندج مع آلدكتور شقآلج ..؟:eh_s(1):
تحبين..؟
في شخصية مشهورة تصيرلي حيل وآهم عآرفين ولآسآلوني عنه وعن خصوصيآته ..؟:eh_s(4):


عمومآ آلملآقيف يضآيقووني ,’~:eh_s(22):

 

[أحلام قطر]

ماعادي شي خاااص

وزني وعمري واسمي وشنو أحب وماأحب وشتسوين

كل شي عااادي

ومايسألوني ليش ماتزوجتي

لأني متزوجه وعندي بنت وخلااص

 

[Ray.Bana =$]

مادري عادي ماكو سؤال ما احب اجاوب عليه احب اجاوب على كل شي لووووووووووووووووووووووووووووووووووووووووووووووول

بس فيه اسأله تطفرني اهيا اسئلة الناس الملقوفه مثل اللي يسألوني عن شي خاص بعايلتنا يعني نظام بيسحبون حجي يآو اكره هالنوعيه

 

[وردة الكاميليا]

في ناس ملقوفة استغفر الله أول مرة تشوفينها وتسأل فلانة تصير لج وايد تشابهينها منو بنته وانتي شكو أم عيال شتبين فيني ويسحبون منج حجي بأي طريقة واااااي ماحب هالنوعية استغفر الله العظيم

 

[حلآ الدنيآ]

up

up

up

 

[فيونكه..~!]

بصرآحه يقهرونـي اللي يسآلونـي سوال وهم عآرفين أجآبته ..،

ولآ ترووح وتسال أمي وخوآتي ! مو مكفيتهآ أجآبتي !

والسسوال اللي يقهرنـي ؟!

أحد جآكم ؟ ليشش مآقلتوآ لنآ ؟ كم نسبتك ؟