بنااات شسوى فطريات بحلج بنتى

[بنت الوفا]

بنات بنتى عمرها سنتين عندها فطريات بفهما تكسر الخاطر شفايفها ولثه وحلجه والله تكسر الخاطر لا تقدر تاكل ولا تشرب راحت لمسشتفى وعطاها شراب اصفر بس لها يومين ماتحسنت وعليها حراره منو صار معها جذيه خايفه حيل عليها طبيعى هالحبووب قلت بروح لمسشفى قال زوجى راح يعطونج نفس الدوء والله قلبي معورنى عليها

 

[جفاف العاطفه]

لا يا أختي لازم تاخذين مضاد اسمه زوفوراكس إذا منتشرة تقوم عباره عن هربس لازم تعاليجنها ولا لتنتشر زياده

 

[um3bdullah]

فيه كريم اسمه ديكتارين مضاد للفطريات وقابل للاكل وطعمه حلو خاص للاطفال

ادهني حلجها فيه واحسن يكون وقت النوم عشان ماتبلعه ويبقى فترة طويلة

 

[بنت الوفا]

وينه ابي صورته توى وديته نفس الادويه كاسره خاطري لا تاكل ولا تشرب واذ حشه شي علي حلجها يطلع دم لها ٣ ايام مدري شسوى

 

[أم رتوجة]

حبيبتي اشتري من عند العطار قشر الرمان مطحون ومسحيه بحلجها عن تجربة يومين وراح تروح الفطريات

 

[بنت الوفا]

اخاف حامضه عليها وعمرها سنتين

 

[بنت الوفا]

راحت للمستشفي يقول القلاق مدري شنو فايروس عطنى كريم وكريم مخدر الله يشفيها كسرت خاطري ماتقدر تاكل يقول اذ ماتحسنت تنويم ماابيه اعذبه بالابر ياقلبي عليها ممية بيدها بس ماتشربه وعصير تاخذه علي طول بس تشرب منه شوى تقطه وتصررخ ��������

 

[ناتشوو]

الله يشفيها
تابعي الادوية
وادا ما مامشت معاهاوديها خاص
ادوية قوية
وبسرعه تشفيها
باذن الله

 

[PuPa^^SWeeT]

وديها و قولي مانفع وياها للحين



احنا مانقدر انقولج بالضبط شتسوين


روحي المستشفى مرة ثانية


او روحي خاص


و عادي خل تنقزز ابرة اسرع للتشافي

 

[Toggi]

نصيحة وديها خاص واخذي مضاد ماراح تفيدها الادويه الشعبيه ولاقشر الرمان ولا الدكتارين كلهم جربتهم ببنتي ماكو فايده قعدت ثلاث اسابيع لما ضعفت هد حيلها هد لاتنطرين تتعب بنتج اكثر وتعبج معاها اتوقع الخاص افضل من هالناحيه من الحكومهوبنتج نفس عمر بنتي لما صارفيها هربس بلفم يطول ويزهق الجاهل للاتجربيناشياء شعبيه وادويه الحكومه خرابيط لو تنومينها بل مستشفى احسن الله ياخذ هالفطريات منتشره بشكل مو طبيعي

 

[noha33]

دكتارين للفم ممتاز عن تجربة
ولو للحين تاخذ ممية اغليها عدل حتى ما تظل ترجع لها العدوى
أمرج بسيط حبوبة الله الشافي

 

[(حكاية قلب )]

,’
حياتي الله يشافيها ان شاء الله
طمنينا عنها

 

[كتالونيه]

في ًكريم بالصيدليه مثل الجل وحده بوحده
عجيييب والله وخر الفطريات من بنتي
كنت متعذبه معاها ووصفته لي جارتي جزاها
الله خير والله كل يوم ادعي لها

 

[بنت الوفا]

الحمدالله تشافت بعد ماضعفت الحمدالله علي كل حال