بنااات تكفون طمنوني

[انثى]

السلام عليكم ورحمه الله وبركاته
بنات شلونكم ...
انا خذيت منشطات وابره تفجييييير قبل اسبوعين والحين وقت التحليل وحللت والحمد الله على كل حااال مافي حمل لكن فيى شي استغربته حلمة صدري تعووورني حييل ومو قادرة اتحمل منها هل هذا طبيعي او هرمون الحليب مرتفع او في حمل مو مبين بالتحليل ماادري متوترة حييل ومو عاارفه بعد قلبي اللي تعرف شي لااتبخل علي بالرد

 

[سلطانة روحه]

سوي تحليل هرمون حليب

و عوار الصدر انا قبل احس فيه قبل تنزل الدوره عادي طبيعي

الله يرزقج من واسع فضله

 

[انثى]

الله يجزااج خير ياارب

 

[اميره بكلمتي]

ماتدرين قلبي يمكن الله كتبلج الحمل بعد التحليل كل شي قادر عليه

روحي سوي تحليل هرمون وفحصي

 

[Najla30]

حبيبتي هذا من آثار ابرة التفجير

 

[جورجسية]

انا اخذت الابره التفجيرية و ما حملت عليها و يتني اعراض مثل اعراض الدورة و عوار في صدري و لوعه خفيفة بس بعدها انزلت الدورة بس متاخرة تقريبا 5 أيام و الشهر اللي بعده بعد ما الله كتب احمل و هم تاخرت الدورة يمكن 10 أيام و اللي بعده حملت الحمدالله .. فالزبده لا تحاتين هذا طبيعي و الله يرزقج و تحملين قريب

 

[انثى]

الله يطمنكم يااارب مثل ماطمنتووني
الله كريم دورتي للحين مانزلت وتحليل المنزلي سالب وحلمه صدري للحيين تعورني الظاهر بتنزل بس متأخر �� الله يصبرني هاليوميين

 

[سلطانة روحه]

انا بعد ماكنت احمل بالابره التفجيريه

اذا الزوج طبيعي يصير حمل ان شاءالله

كل حملاتي بدون هالابره سبحان الله يمكن في اجسام ماتتقبلها
و بالاخير الرزق من الله اذا كاتبلج حمل بتحملين
كثري استغفار

 

[انثى]

سبحااان الله يعني مو بس انا اللي تصير وياي عالساالفه كل مراجعاتي اللي فيها ابر ومنشطات ما احمل عليها مع ان بوقت السونار كل شي اووكي لكن الحمدالله على كل حاال

 

[أبكاني ذنبي]

انثى


ان شاء الله يارب يكون حمل مع ان انا خذيت هالابره حوول العشر مرات وكلوميد جم سنه

مع ان مافيني شي ويايبه بيبي من قبل بس سبحان الله كليت مانع فتره وخلاص ماعاد حملت

من عياده لدكتور لمستشفيات مختلفه قط فلوس بالهبل بس الحمددلله ما يأست وواثقه ربي بيرزقني ان شاء الله

وكنت اتصدق وااايد الصددقه اثرهاا عظييييييييييم

والحمدلله هالشهر حللت وطلعت حامل بس معاي كيس حجمه 6 سانتي وللحين ماشفت كيس بيبي او شي

بس ان شاء الله في رجا خير رحمه ربي كبيييره وان شاء الله تبشرينا بحملج اذا مو هالشهر الشهر الياي باذن الله