بنااات تكفون اللي تعرف حق القطاوه تدش ضروووري ؟؟؟

[أميره بــأخلاقي]

السلام عليكم


بدش بالموضوع على طول !!!!!!!!

بنات لقيت قطوه بالشارع مولوده صارلها يومين اعتقد امها موموجوده واهيا تصرخ دورت امها مالقيتها
يبتها بيتنا شربتها حليب مال بيت بس سويته حار وحطيته بدسوس بلاستيك وخليتها ترضع ؟؟؟؟؟؟؟؟؟


شسوي الحين جم مره اعطيها حليب ..؟؟ لانها تصرخ تعور القلب
واي نوع حليب عادي ؟؟؟ لانه ماقدر اروح البيطري الحين​

 

[Aboosah]

ويييييييييييييييييييييييييييييييييه حرام حياتي لاتشربينهاا حليب موزين لهاا توهاا صغيره لازم حليب مخصص لرضع تلقينه بمركز السلطان

حطيهااا بكرتوون والكرتون حطيه عليه منشفه وخليهااا بالمكان الي لقيتيه فيه علشان تجي امهاااا وتحصلهاا بس انتي حطي لهاا ماي وحطي لهاا حليب مخفف بالماي

 

[الكرزي]

حبيبتي القطوة الحين من غير ام إخذي فيها اجر إذا خليتيها بتموت يعني انتي صيري امها لين تكبر وتعتمد على روحها إن شاء الله وخليها عقب
حاولي اتروحين البيطري قولي حق الصيدلي تبين حليب حق الرضع + ممية (بطل حليب ) ماراح اكلفج حبيبتي
حطي لين رقم واحد حليب بودر ولين رقم 3 ماي دافي وشربيها راح اتعرفين انها اشبعت إذا وخرت حلجها كذا مرة اهني نوميها ابمكانها وييبي فوطة صغيرة او كلينكس ( لبسي تسوس اول) وحطي الفوطة او الكلينكس بالماي الدافي فقط ومسحي على ويهها شوي شوي عشان اتنظفينه من الحليب اللي انكب عليه والاهم مسحي مكان الخروج كذا مرة لين اتشوفين انها خرجت طبيعي (((( لانة البيبي مايعرفون اخرجون فالام اتساعدهم تلحس مكان الخروج فتحفز البيبي واتعلمة اشلون إخررج ))) عاد اهني خلي انام طبيعي وبعد ساعة تقريبا او اكثر بتلاقينة إماوي يبي حليب بعد وكرري العملية والقطو بياخذ تقريبا 45 يوم لين يعتمد على نفسة وابهالعمر عطية جبن او دياي مفيوح شوي شوي بيدج لين يتعود
وموفقة حبيبتي

 

[الكرزي]

نسيت اقولج الحليب الزايد لاتكبينة لانة ماراح يخترب لانة ماراح يمديج اتخلينة راح تشربة كلة فلم اتخلص رضعتها حطي الزايد بالثلاجة وإذا بعد ساعة شفتيها تبي بعد حليب حطي الممية ابماي دافي عشان يدفى الحليب اللي فيها وبعدين عطيها بس لاتخلين الحليب فترة طويلة لانة يتروب ويفسد

 

[ســكــّر]

والله هذي مشكله واكرهه لما القى قطاوه صغار ... :denya:

شوفي حبيبتي لازم طريقه الرضاعه صحيحه علشان ماتشرق ولايدش بالرئه وتموت على طول



شوفي هذي الطريقه الصحيحه

وهذي الطريقه الخطا

..


ولازم الحليب يكون مخفف تلاقينه الحليب قليل الدسم وتخففينه بالماي ويكون " دافي " مو حار حيل ولا بارد انتبهي

مايكون حليب بقري لانه ثقيل وتموت الكيتنز شوفي الصيدليه او المحلات الخاصه بالقطط في حليب حقهم يكون بالخفيف


وانتي جيبي السرنجه بدون ابره ورضعيه كل " ساعتين " مع استمراريه تنظيف مكان الاخراج بالقطن بماي

لانه الام دايما تحاول تمسحه علشان تسهل عليهم الخروج




..

وجزاج الله الف خير

 

[myoom]

يعورون قلبي
ماكو فايده انج اتردينهم مكانهم لان الام ماراح تاخذهم وراح يموتون من اليوع..

والله يعينج بس كله بأجره خيتو
خواتي ماقصرو معاج الكرزي وسكر..

وتقدرين اتروحين مستشفى الري البيطري ..اهناك في ركن يبيعون مميه حق القطاوه وتقدرين تسالين
وافضل تفحصينها بعد تتأكدين مافيها مرض ممكن يعديكم..مثل الفطريات ..

شوي راح تتعبين لان مثل ماقالت اختي الكرزي..
لازم تاخذين قطنه وفيها ماي وتمسحين ويهها والمخرج واتحسسينها انج امها..لانها ماتعرف تسوي شي نهائيا..

الله يعينج ويزاج الله خير ..

 

[سكارف.فوشي]

البنات ماقصرو يعطيهم العافيه

 

[Aljohara]

الله يجزاج خير على قلبج الطيب