بنااات ترى انا و اختي و بنتي و يدتي و يارتي و بنت عم خالة صديقتي بنفس النك

[Athwaq]

لا تستغربون من تناقض الردود بليز



انا واختي بنفس النك



انا و بنتي بنفس النك



،





السلام عليكم بنات

شلووونكم شخباراتكم

مادري مناقشين هالموضوع من قبل والا لا ؟


سالفة النك المشترك

شنو الهدف منه ؟ و ليش يعني ؟

الاشتراك ابلاش بالمنتدى .. يعني مافي رسوم عشان الواحد يقزرها والا يوفر شي

ادري احنا مالنا شغل بغيرنا و شي مايخصنا بس بصراحه اشوف انه ماله داعي والا شرايكم ؟ :bbbiu:

ليش مايصير لكل شخص معرّف خاص فيه؟

يعني هذا مثل اسمج .. شي يخصج انتي .. تعبرين فيه عن رايج و تكلمين و تناقشين و تهاوشين و تردين على مواضيعج

خصوصا اني احيانا اشوف انه ممكن يسبب مشاكل بسبب اللبس وسوء الفهم .. يعني مثلا خوات 2 بنفس النك وحده بنت و وحده متزوجه .. تابعوا ردودهم وشوفوا التناقض و تفكيرج وين يوصل اذا كنتي ماتدرين انه نك مشترك

او ام و بنتها مثلا وعليكم الحساب


يمكن الموضوع مو مستاهل بس صج صج ودي اعرف :jumpon:



ناطره رايكم

و خصوووووصا رد صاحبات النكات المشتركه

مطلوبيييييييييييين فورا للعداله :eh_s(13):

تعالو اشبعوا فضولي


:dddds:

 

[ونات الفرح]

والله انج جبتيها يالغاليه
انا بعد استغرب هالتصرف
بالعكس المفروض كل انسانه لها خصوصيته حتى بالردور
يعني حلو انه كل انسان يسجل باسم له علشان الواحد يعرف اراء الغير
مو تشتبك عليه الامور
مشكوره ياقلبي على هالموضوع

 

[غيدآء]

حبيبتي انتي ما تدرين عن ظروف الناس...يعني كل واحد وعذره....

يعني ممكن وحده ما يكون عندها ايميل او ما تحب النت ومالها بسوالف النت فا تلاقي اختها مشتركه بمنتدى فا عادي تاخذ نكها مرات وتدخل وتشارك...

الي بوصل له انه مو الكل يفهم بامور النت...


مشكوره

 

[law girl]

لووووووووووووووووول والله معاج حق تصدقين في منتدى اخوي مسجل فيه و انا عيزانه اسجل فصرت ادخل بنكه و اعلق لوووووووووووول الناس ضاعت حتى واحد يسال انت شنو بالضبط
و بعدها حرمت ادش الا بنكي

 

[مطيريه ماركه]

اي عادي قبل بنت عمتي استلفت مني نك نيمي جم يوم يسالونها البنات انتي مطيريه من شنو لووول قالت لهم عن نفسها ، انا غير وهي غير عني والحين صج وهقة شقولهم ؟

بقولج شغلة انا وبنات عمي مشتركين بمنتدى ثاني بنفس النك نيم مع ان الاشتراك مجاني بس مادري شالله حادنا لووول

يالله ياللي مشتركين بنفس النك نيم ارووا فضولنا ترا مو هجوم بس بنعرف مو تجي وحدة وتردح ندري حرية شخصية بس نبي نعرف السبب

 

[فديـت عيـونك]

هههههههههه عاد أنا يديده بالمنتدى وليلحين ماشفت هالشي بس والله صاااجه
تدرين شلون برووح أفتر بالمنتدى وأشوووف اللي تقصدينهم ههههههههههههههه

 

[بطة رشيقة]

انا معاج يا اذوااق ترى صج مو حلوه يعنى انتى تبين تكتبين شى يعبر عنج تيى اختج وتدش بالنك وتغير الكلام وتحرف على قولتج الاشتراك ببلاش والصراحه الواحد يحب الاستقلاليه اسم حقى بروحى عيبر عنى ليش اشترك مع اختى او امى بنك واحد وآراءنا مختلففه .....

 

[توت عنكبوت]

اي والله انا دايم استغرب شكو حلاته فيه خصوصية

 

[كلي فخر]

انا بصراحه الحين داشه بنك اختي وقريت الموضوع وبجاوبكم

اولا:فيني عجز اسجل بالمنتدى << عجووووز مو بنت لووووووووولي

ثانيا:مو لاقيه نك يناسب مقاام المنتدى<<< يا انتي لوووولي

ثالثا:لان اختي همن ماتسجل خروجها من المنتدى فجذي استسهل الامر وادش اسرع

ويعطيج العافيه خيتوو عالموضوع

 

[xxx]

والله حتى انا مستغربة من الحركة :gr4uu:

التسجيل مفتوح للجميع

حلاته كل وحده لها اسم تثبت فيه نفسها بالردود والمواضيع الحلوة

والي سويت ايميل حق روحها وسجلت

تكمل جميلها وتسوي حق اختها ولا امها ولا ولا ... الخ

:gathering:


..... مشكورة Athwaq على الموضوع الي صج بوقته .......

 

[سارونه87]

خوش موضوع بصراحه
لأن حتى انا اقول ليش كلهم يدشون بنك واحد مع انه كل شي مجاني
وحلاته كل وحده ونكها عشان تثبت وجودها وشخصيتها
ويعطيج ربي الف عافيه

 

[.. مـــلاكـ ..]

لووووول

ترا التسجيل ابلاش

شي غريب والله

عموما كيفهم وكل شخص حر بتفكيره


بس صج شي يحير !




مشكوورة

 

[Athwaq]

الايميل مو عذر بنات

يبه اللي ماتعرف تسوي ايميل انا اسويلها

من الاسباب : الكسل وماكو ايميل

بعد شنو ؟

ادري كيفهم و اهما احرار .. انا ماقلتلهم غيروا نكاتكم .. بس بعرف لييييش ؟



مشكورين بنات على آرائكم و ردودكم العسللللل و ناطره الباقين يقولون

الست المديرة .. العفو و منورة موضوعي

 

[Mrs_Orchidia]

و الله هالسالفة منتشرة بطريقة مو طبيعية ..

بس الظاهر ما يبون يثقلون عالمنتدى لوووووول .. و لا يبون الكلافة

Cheaper by the Dozen

لووووول


يعطيج العافيه اختي



تحياتي للجميع
:aha:

 

[lala2]

بس فيه بنات اكثر من وحدة بنك فيصير لنا احنا اللي نقرا مواضيعهم تشتيت على الردود ومرات يصير لبس
وحصل اكثر من مرة بس على الاقل لو الوحدة تكتب في توقيعها عشان مايصير لبس وماتعرض نفسها للانتقاد.

 

[blue ocean]

بنااات ترى انا و اختي و بنتي و يدتي و يارتي و بنت عم خالة صديقتي بنفس النك

كلشي بصوب والعنوان بصوب فصلت عليه من الضحك :dddds:

والله خيتو صح اهو يصير فيه لبس بس تكون العضوه كاتبه تحت بالتوقيع

ان هالنك مشترك عشان لحد يفهمها غلط .. اهني اتوقع كلشي يكون واضح للعموم ..

مشكوره على الطرح ​

 

[haninoooo]

صاجه حبيبتي وانا ماحب الحركه هذي كلش
حلاته كل وحده لها نكها الخاص فيها
خووووو كله نك واسم مستعار مو اسم صجي واسم العايله!!!!

لازم في خصوصيه وكل واحد له رايه
احنا يالله نستوعب مواضيعنا هالمره تصير المواضيع والردود لنفس النك متناقضه!!!!
الله يعين مخوخنا عيل

 

[:: Diva ::]

في نقص بالنكات ههههه صج مو غشمره والله

 

[جرح الليالي]

هههههههههههههههههه اذوااق انا داشة اكمل العنوان


قلت احط انا وعايلتي وفريجنا بنفس النك خخخخخخخخخخخخخخخخخخخ

 

[noorq8]

أنا وبنتي بنك واحد أنا اشتركت بالمنتدى ولما دشت بنتي عجبها وصارت تشاركني بالنك:friends: