بنااات ابليييييس قاعد يلعب براسيييي.. مابي اخرب بيتيي !!!

[MuChaCha]

السلالالالالالالالالالالالالالالالالام عليكم​

شخباركم بنااات​

مثل ماتشوفووووون @@ توني عضوه يديده بقراطيسييييييييييييييييييي ​

للامانه كنت دايما ادش المنتدى بس ولا مره فكرت اسجل !! ​

كنت دايمااا بس اتطمششش ويه الدور اللي انتوا اتطمشون فيه علي وتنصحونييي !!!​

سالفتي باختصاااااااااااااااااااااااار ​

تزوجت من 8 شهووووور واحد كان معاي بالجامعه في امريكااااااااا وكنت اعرف اخلاقه عدل مدل .. بس علاقتنا اهناك كانت تنقطع وترد بس ماكنت حب ترى !! بس صداقه جامعه​

مرت الايام
وتخرجت !!​

رديييت الكويييت واهو بعد رد الكويت !!​

صار النصيب وتجمعنا وتزوجنااااااا والحمدلله انا مستانسه معاه اهوا طيب وحبوووب بس لا يخلو من العيوووووووووووب انه زعوليييييييييي ولي عصب يطنقر صح !!!!​

المهم قبل اسبووووووع بالضبط عزمت حماااااي ومرته على العشاااااا ... وصج يو واستانسنا وطبخت وووووو هالسوالف... فا طلعوا ريلييي وحماي راحوا الجمعيه شوي .. فا قعدنا اناا ومرت حماي انسولف ... فا كانت اتسولف لي عن اول ماتزوجت ووووووو من هالسوالف فا كانت تسولفلييي انه ريلها كان يعرف وحده واناا ادري كان يعرف وحده لانه هم كان معاناا في امريكا ​

المهم اناا اعرف انه زوجي كان يبي يتزوج وحده امريكيه بس ماصار نصيب لاسبااب وايد .. بس مع الحجي كانت مرت حماي اتقولي سوالف وايد اناا ماكنت اعرفها او بمعنى اصح اعرفها لكن مو بالتفاصيل لانه انا ماحب اسال ززوجييييي واهو دايما يقولي انه ماضي وطيش شبااب ومراهقهه .. فا ماحب اتكلم بجذي سوالف​

بس يابنات اللي صار انه تميييييييييييت طول القعده وابليييس يلعب براسي يودي وايييب مخييي حدي تضايقت مادري يمكن قالت لي انه كان يحبها وايد وتحطم يوم ماتزوجها !!!!!!​

حتى يوم اطلعوا قالي فيج شي !!! قلت له لا مافينيي واناا والله كنت غااااصه فينيي بجوه !!!​

ودي اقوله مابي اخش بقلبييي .... مابي التفكييير يتعبني او يخلينيي اشككككك​

لا تبووون البلوه ... مرت حماي قالت لي انها عندهم في الفيس بووك !! قلت لها ريليي مصكر الفيس بووك قالت لي ريايييل مالهم امان يمكن عنده نك ثانييييي !!!​

من الصبححح ثاني يوم سجلت بالفيس بووك وادور وانبششششش بس اكييد ماراح الاقي شي لانه مليووووون شخص بالفيس بووك !!!​

اناا اعرف ريليي مايشبك بالنت وايد اذا معاي في البيت بس خلتني اوسوس انه يمكن يشبك بالدوام !!!​

بنات نصحونيي عادي زفونيي راضيه قولولي شسسوييي اقوله اللي بخاطري !! والا اسكت ​

ضايق خلقييي ​

​

 

[إنسانه وأكثر]

مرحبا حبوبه

شوفي ياقلبي كافي انه اختارج من بد بنات العالم كلهم
هذا معناه انه شاف فيج اللي يغطي على اللي كان يبيها

وكافي اذا قلتي انه الحمدلله احسن من وايد رياييل مايصارحون حريمهم ومستغفلينهم لانج قلتيها توج انتي تدرين بعلاقته مع هذيج لو كان ليلحين يبيها جان ماتكلم ولافتح عيونج على هالسالفه

ومرت حماج هذي من الحين ورايح لاتسولفين معاها سوالف خاصه لانه شوفي بجلسه وحده خلت ا لشيطان يوسوسلج ويلعب بأفكارج واعصابج حتى زوجج يكون تنكد من هالموقف يوم شافج مو على بعضج

ياقلبي رسمي الحياة جدامج بشكل حلو وجميل وشيلي الافكار السلبيه من مخج عشان تعيشين حياة مستقره وهاديه

ولاتخلين الشك يدخل بينكم ترى هذا اول شي يهدم الحياة الزوجيه

حطي الثقه جدامج عشان تمشي حياتج وقولي دايما يارب جملني بعين زوجي واستر عنه عيوبي واستر عني عيوبه ووفقنا لما تحبه وترضاه وابعد عن زوجي بنات الحرام وسخره لي

واتمنالج الحياة السعيده البعيده عن الشك والضنووون


موفقه

 

[الأميرة جوري]

رد : بنااات ابليييييس قاعد يلعب براسيييي.. مابي اخرب بيتيي !!!

الحين كلام مرت حماج اثر فيج ........اهم شيء الثقه واللي فات مات ..لاتخلين الشيطان يوسوس لج وتهدمين بيتج

 

[اميره1980]

كله من مرت حماج هذي شفيها ؟؟؟؟؟؟؟؟ تبي تخرب بيتج و تقثج ؟؟؟؟؟
دامه الريال زين وياج خلاص يلعن ابليس و اهله و اللي قاعدة تشيشج هذي على ريلج شنو كان هدفها و اهيه تقولج ماضي ريلج؟؟؟؟
قضبي بيتج و ريلج و حمدي ربج
اسفة كلمتج جذي بس مرت حماج بطت جبدي

 

[q8hadaya]

يبا لاتعزمينها مره ثانيه لسانها طويل وماتثمن كلامها كلش
لان مهما كان هالسوالف ماتنقال
خصوصا وانتوا الحمدلله عايشين فى سعاده

خلى عنج الوسواس وقولى الحمدلله على الريل الى يحبج

 

[sweet december]

رد : بنااات ابليييييس قاعد يلعب براسيييي.. مابي اخرب بيتيي !!!

امممممممممم انتي تبين المشاكل ولا شنو انا مابي ازفج لانج الحمدلله فاهمه وجامعيه وتعرفين كل شي انتي مو مشكلتج الغيره انتي ماتحبين تحسين انه شريك حياتج كان يعرف وحده من قبلج يعني انتي تدرين انه اكيد خربط بي ماتبين احد ايي يقولج هالشي لانه بصراحه يعصب

اهي مادري شنو مصلحتها جذي تقولج خلنا نقول تحبج مستحيييييل لانها او تحبج ما راح تقولج هالشي بهالاسلوب

شوفي حبيبتي الحين البنات يتعرفون ويغازلون ويسون كل شي قبل الزواج

شلون الرياييل !!

اهو اختارج من بين كل البنات الي بالجامعه والي برااااااا يعني اكيد مقتنع فيج ومحد جبره عليج

انسي كل شي وزعيشي حياتج

 

[فراولة شريرة]

رد : بنااات ابليييييس قاعد يلعب براسيييي.. مابي اخرب بيتيي !!!

اممممممممممممممممممممممم

حبيبتي حطي بطيخه صيفي في بطنج ورقدي وانتي ماامنه

بس حطي روحج في امتحان :-

اشلون تنسيه ماضيه
واشلون تخلينه يكون غلطان لانه اختار غيرج
وصيري له نفس روحه تعرفين الي في خاطرة قبل لا يقول
ولا تذكرينه بالماضي لانه يمكن يرجع اهو يدور عليها مرة ثانيه
بسسسسسسس خلي عندج ثقه انه اهوا لج وانتي له بسسسس
وانه حاسه انه ما يخونج ولا شئ هذه بسس تخيلات
وان شاء الله الله يخليكم لبعض

 

[MoonDiamond]

تعوذي من ابليس ولا تونسينه
حبيبتي انتي اللحين زوجته وبتييبين عياله وشايله اسمه
رفيجته الاوليه مسجله بالفيس بوك ويراسلها وعادي
بس انتي اذا درى انج مسجله بالفيس بوك مليون بالميه اذا ما قالج سكريه بتضايق اقل شي
تدرين ليش لانج زوجته ويدري الفيس بوك شباب اشكال والوان ويغار عليج ويخاف يفز قلبج لاحد غيره لو ثانيه
اما هي عادي له ولغيره فما لها مكانه
الحياه مو حب الحياه احترام وتقدير
فا انتي الحب والاحترام والتقدير
لا تخربين بيتج ولا تنرفزين ريلج بمواضيع طافت


الله يسخره لج ويزينج بعينه ويسكنج في حجرات قلبه الاربعه وحوشه وسردابه وسطحه وحتى فالباركنج ههههه
اميييييييييييييييييين

 

[a7la_7b]

مرت حماج تبي تحرج وبس مالج شغل الاهم انه زوجج يحبج واختارج من بين الكل
لاتخربين حياتج على اشياء صارت قبل لاتصيرين زوجته
حاسبيه على اللي يسويه من صار زوجج مو من قبل لا يصير زوجج
اهم شي الثقه اذا انعدمت وبدا الشك تضيع حياتج كلها حاولي تنسين كل كلامها واذا قالتج اي شي قولي يكفي انه اختارني من بد الكل

 

[um.zooza]

حياتي اول شي حطي ببالج انه بعض الحريم غرااااااااامهم خرااب البيوت فلا تسمعين ..

الافضل وعلشان ترتاحين تكلمينه بالموضوع علشان لا تقعدين تعيشين بحيات شك وخوف من الخيااااانه..

وصدقيني كل انسان له ماضي وله صداقات وبعضهم يحن للماضي لكن صدقيني مرده يرجع ..

تعوذي من الشيطان وحاولي تحلييين الامور بهداوه ولالالالالالالاتعصبين ..

ودايما دايما بكل صلاه ادعليه انه الله يسخله لج ويصده عن بنات الحرام ..

وهذا دعاء ادعيه كل صبح ..

اللهم اني أستودعتك زوجيى ** وبصره وقلبه فاحفظه لي يارب
واجعلني قره عينه الوحييده وحبيبته ** ولاتشاركني فيه امراه اخرى
يارب اجعله قرة عيني الوحيد **وسخره لي وسخرني له ..

الله يخره لج يارب
وتقبلي مروري

 

[om MaRyooM]

ديري بالج الشك يدخل بحياتكم

الريال وان كان نظيف اذا شكيتي فيه وتكلمتي معاه بهالامور يمكن تفتحين عينه ويجرب وبعد

ومرت حماج هذي عطيها اكبر طااف بالدنيا .. طبع الحريم يحبون يشيون بعض ويمكن غيرانة منج وتبيج تبطلين عيونج عدل او او او وايد اسباب تخليها تقولج جذي

الي عليج انج تحافظين على بيتج وزوجج .. وترسي عينه وشبعيه كثر ماتقرين عشان لايروح يمين شمال ..
وان كان ع الفيس بوك البلوة هذا عادي ساليه وقطيله نغزة قوليله ماادري فلانة قالتلي يمكن عندك نك ماعرفه انا ؟؟ وشوفي شيرد عليج وبتعرفين ان اهو صاج ولا جاذب

 

[a7la_7b]

وبقولج شغله ثانيه
لاتنبشين من وراه لأنج راح تتعبين حييييل حتى لو مالقيتي شي
الله يسعدج ويوفقج ويبعد عنج الهم

 

[nezgha.85]

لا تنبشين بالماضي وليش تحاسبين الريال على ماضيه وإذا مو شايفه عليه شي وشاكه شي ليش تعورين قلبج وتسمعين حجي فاضي كان احب وحده ومالله كتب له نصيب معاها وخذاج ومرتاحه معاه شنو تبين اكثر من جذي لا تهدين حياتج وتعوذي من ابليس لا يقص عليج .. والله يسهل امورج

 

[@البتووول@]

رد : بنااات ابليييييس قاعد يلعب براسيييي.. مابي اخرب بيتيي !!!

مالج شغل بسوالفها كل ريال له ماضي طنشيها حبيبتي الحين هذا ريلج حاسبيه من لحظة زواجكم مو قبل


وإذا في شي راح يطلع لاتعبين نفسج وتدخلين الشك بحياتج راح تتعبين حيل


ومرت حماج خلي سوالفج معاها عامه شكلها داهيه

 

[MuChaCha]

رد : بنااات ابليييييس قاعد يلعب براسيييي.. مابي اخرب بيتيي !!!

انسااانه واكثر ..... بعد عمري واللله تسلمييين على كلامج الحلووو والله ريحتيي بالي وشلتيي اللي في قلبييييييي ومشكووره على الدعوه الحلوه ....




الاميره جوري ... اي والله مرت حماي كلامها كان مثل ابليييس شلون لعبت بحسبتيييي





امييييره 1980 .... حبيبتيي والله لا عاديي مازفيتينييييي وتمونيييييييييييييييييييييييين يا قلبي





q8hadayaa ..... اييي هذا اللي بيصييير بحاول ابتعد عنها كثر ماقدر .. عاد والله ماكنت احتك فيها نهائياااااا واهيا ماتوجبني بشي موليه بس اناا عشان خاطر عيون زوجيي عزمتهم ماحب القطاعه .. مابي يقولون كل واحد مرته بعدت عن اهله فا قلت ايمع الاخوان لانه زوجي هذا اخوه الوحييييد .. وتسلمييين يا عمري مره ثانيه



sweeet Dreamer >>>> حياتي والله ميخالف زفينييي يمكن على قولتهم اصحصح .. انا ماحب المشاكل والله بس تدرين ساعات ابليييس يوسوس





فراوله شريره ... حبيبتي والله ... راح احاول اطنش الموضوع بس تتوقعييين اقوله شنو قالت ليي والا اسكت !!!




moon Dimond ... بعد قلبي انتي على الدعوه الحلوه وصح مثل ماقلتي البنات تغازل اللحين شلون الريايييل .....​

 

[MuChaCha]

رد : بنااات ابليييييس قاعد يلعب براسيييي.. مابي اخرب بيتيي !!!

a7la_ 7b .... انا عارفه انه مالي حق احاسبه على ماضي ... بس الغيره تذبح والله ... ومشكوووره على النصيييحه




Nezgha_85 .... حياتيي تسلمييييييين والله تعوذت من ابلييييس بس صرت اشبك سوالف اقول اييي اكيد عشانها ومادري شنو صارت اربط سوالف حتى اذا مالها داعي




البتول ... لالالا حياتيييي مرت حماي تقولي عن ماضي ريليي انه كان يعرف وحده اجنبيه ومتحطم فيهاا يعني تقولي سوالف ريليي بالتفصيل فهمتي !​

 

[الفدعى]

اهو اختارج انتي يعني يبيج انتي حطي هشي في بالج دايم وادحري الشيطان

ومرت حماج خرابه بيوت ياقلبي حسبي الله الي على هشاكله اهي جايه بيتج ضيفه المفروض ماتتكلم عن راعي البيت عيب اهو حسبه

اخوها ليش تبي تهدم بيته تعوذي يااختي من شيطان ولا توسوسين وادعي ربج دايم ان الله يحفظ لج بيتج وريلج ويخليكم لبعض


عندي ملاحظه خلي علاقتج مع مرت حماج سطحيه ولا دخلينها بيتج

 

[MuChaCha]

رد : بنااات ابليييييس قاعد يلعب براسيييي.. مابي اخرب بيتيي !!!

حبيبتي واللله يالفدعى تسلمييين على النصيحه واهي اصلا علاقتي فيها سطحيه بس قطت الحجيييي كله !!!!

 

[@البتووول@]

رد : بنااات ابليييييس قاعد يلعب براسيييي.. مابي اخرب بيتيي !!!

إي ياقلبي فهمت قصدج شوفي ردي غيرته

 

[MuChaCha]

رد : بنااات ابليييييس قاعد يلعب براسيييي.. مابي اخرب بيتيي !!!

البتووول... اي والله اهيا داااهيه .. عاد تدرين بيوم ملجتيي بالحفله قعدت يميي وقالت لي ديري بالج من فلانه وفلانه ترى يبون ريلج !!! فا اناا كشيت منها بس عزمتها وتوهقت وقدرت تسولف وتقط حجي