بناااات help help كل ما طبخت ريحه البيت ........... ابي حل

[eman84]

انا انصحكم تحطون الشفاط الكهرباء و نوعية ممتازة و الله ماتشمون ريحة الطبخ علطول يشفط الريحة و يطلعها بره

 

[HASB_83]

انا اخليها تصط الباب وتبطل الشفااط
وجم دريشه مفتوحه بالصاله لان المطبخ يطل على الصاله

وابخر البيت
تروح الريحه!!

بس جني بجرب الياوي! صج ريحته تقمت بس عقبه بحط بخوور

 

[كرستال 2008]

لما تطبخين شغلي الشفاط قبل لا تبدين بالطبخ وخلي الدرايش مفتوحه ودايما بخري بمعمول هو اللي يوخر ريحت الحمس والاكل البخور العادي مايسوي شي يزيد الطين بله

 

[عواشه بنت بو حسين]

آنا أولع الفواحه وعطورها من بودي شوب وتالي أروح أطبخ ، وماكو ريحه مع العلم إن ما عندي إلا الشفاط العادي

 

[أم منورة]

اول ما تشبين الفحمه حطي علج لبان اللي اهو علج مر

وبعدها رشي كلونيا القديمة اللي على بنت وحطي بخورج وانتي مسكره الدرايش عشان تصير دخنه عدل وتثبت الريحه

بعدها شبي الشمعه المعطره وان شاءالله تروح لان انا مطبخي بالصاله نظام امريكي وما اقدر 24 ساعه بخور لان بنتي معاها حساسيه صدر

 

[أم وجيه]

شوفي اختي هالطريقة آنا مجربتها طبعا غير طريقة الجاوي الأكيدة
عقب ما تخلصين شب فحمه وحكي عليها قفشة سكر وجم عود دارسين صغار أو فانيلا تشفط كل الريحه أسويها لما أسوي السمج بالذات
وعقبها أبخر البيت وأرش برشوش ان شاء الله تنفع معاج

 

[داريني]

وانا والله بعد اعاني خصوصا من قلاي
ريلي يتنرفز
بس بجرب طريقتكم وانشالله تنفع

 

[miss-sarona]

حبيبتي فوحي ميراميييييييييه

 

[FoOoShYaa]

اذا عندج قهوة مطحونه عربيه او تركية رشئ شوي علي الزوايا الشقه راح تغطي علي ريحه او طحني هيل من النوعيه الزينه وحطيه في فازه صغيرة في الصاله او مدخل الشقه .
القهوه و الهيل قوين يعني ريحتهم راح تغلب ريحت الطبخ وجربي واشياء سهله وموجودة في البيت .
ولاتنسيني بالعاء بالذريه الصالحه

 

[الجعده]

حطى ياوى

 

[دانة الخير]

شبي جاوي يشفط الريحة وفوحي دارسين خليه يفوح على النار مع ماي عن تجربه شخصية حتى زفرالسمك يوخره

 

[MUFFIN]

السلام بنات .. وانتي تطبخين حطي دارسين و ماي طبخيه بجوله بروحه شوي تترقع الريحه