بناااات نفسيتي تعبانه والله

[جـوود الحب]

بنات السلام عليكم

ابي افضض لكم انا شايفه هني البنات مره يتجاوبون ويساعدون من قلب فديييييييييتكم وربي :flower:

انا متزوجه لي 3 سنين وعندي ولدين والحمد الله مرتاحه بحياتي مع زوجي وزوجي اروع مايكون وحنون ماشاء الله عليه الله يخليه لي هو وعياالي .....المشكله ان اهله واهلي قرايب في صلة قرابه من بعيد بس هم حيل مع بعض بقولكم اشلون ...يعني امه مرت اخو امي يعني هي مرت خالي لكن زوجي ابوه مو خالي غير واحد ثاني الله يرحمه ...المهم امه طيبه حيل معي وتحبني بس تجي المشاكل من امي ومن خالي احسهم يبون يخربون علي كلن يقط كلام يجرح وانتقادات بالطالع والنازل ...وكلام من وراي يتكلم علي خالي وتجي امي تقولي خالج يقول عنج كذا وكذا كلام يزعل والله ..بس انا اسكت واشيل في نفسي بس تعبت والله ...وامي تعاملني مو زين جدامهم تفشلني وتصرخ علي دايم تصغرني جدامهم حتى اخت زوجي تزعل علي تقول ليش امج جذي ؟؟ مثل مره جيناهم البيت انا واخت زوجي جان امي تقول لي انتي مامشطي شعرج ..ماعندج مشط بالبيت تقول قدام بنات اختي ومرت اخوي تخيلي شكلي ذيج الساعه .....المشكله انا عصبيه واحط الحره بزوجي مادري ليه؟ اروح اتخانق معه مسكين يكره نفسه مني ..حرام مسكين يكسر خاطري والله وهم ولدي طالع عصبي مثلي لاني من كثر مااشيل بخاطري وواسكت احط همي بعيالي وزوجي مادري وش اسوي ...افكر مااروح لهم ابدا تعبت والله الله العالم بحالي والله ....:eh_s(11):

 

[غلا ستايل]

افهمي امد قوليلها لا تدخلين بحياتي وتخربينها وموفقه

 

[مارغريتا]

طوفي هي امج ماتقدرين تردين عليها
وبعدين اذا قالت لج شي
اسمعي مني وطلعي منيي
وصدقيني اذا ضليتي جذي بتتعبين وبتجيبين الامراض لنفسج وبتعبيين زوجج وعيالج وياج

 

[بكاء قلب 1400]

الحال من بعضه ياحبيبتي انا زوجي قمة في الاخلاق والتعامل ومعززني ومكرمني وعيشني بسعادة ماشفتها ببيت اهلي
لكن المشكلة ان امي تجيب لي المشاكل مع زوجي ودايما منكدة علي وعلى زوجي وتحاول تفرق بيني وبينه باي طريقة


المهم حبيبتي حاولي تخففي روحاتك لامك وحاوللي ماتتكلمين عن زوجك عندها لابالشين ولا بالخير

 

[كنوشة 2009]

حاولي بطريقة تحسسين امك انك زعلانة منها ليش اتكلمج بهالطريقة ويمكن مرة بعد مرة تتغير والله يهديها مهما يكون هذه امك
وبالنسبة حق زوجك واعيالك حرام ما لهم ذنب حاولي ما تحطين الحر فيهم

 

[lovely jojo]

حاولي اتحسنين علاقتج بامج وفهميها شنو اللي مزعجج .....

 

[*احلام*الدجى*]

صارحيها اهي امج واكيد بتتفهم بس مهما كان ما تقطعينها
والله ييسر امورج حبوبه

 

[كوشيه فوشيه]

رد : بناااات نفسيتي تعبانه والله

الله يعينج على ما بلاج
عن جد قطعتي قلبي
حبيتي مسكي امج وكلميها وبيني لها شكثر انتي متضااايقه من كلامها
وقوليلها كل شي بقلبج وحتى البجي ابجي قدامها وقوليلها انها بتخرب حيااتج جذي
وصدقيني راااح يحن قلبها وهذي مهما كاان امج ومافي احن من الام على اعيالها
والله يحنن قلب امج عليج ويصلح اوضاعج ويوفقج بدنياج واخرتج
اميييييييييييييييييييييييييييييييييييييييييييييييييييييييييييييييييييييييييييييييييييين

 

[حناينq8]

ما عليه يقلبي استحملي بس نصيحتي لج خففي من الروحات لهم وخليها على يوم الزواره الاسبوعي

 

[صمونة جبن]

يا حيااتي وللله حااولي تـتككلمين معاها وتصارحينها اهيا امج مستحيل تكرهج او تكره لج الخير ^^

ولاتقطين حرتج بريلج لا يمل او يزعل وغيرا انتي عارفه هالامور حاولي تهدين نفسج واستغفري ربج ولله يفرج همج يارب ويوفقج حياتي

 

[يوآش يوآش]

رد : بناااات نفسيتي تعبانه والله

انا قول امج ختقول اللي تبيه

وانتي طوفي .. ولا تتضايقين ولاشي ..

والزم ماعليج بيتج وعيالج لا توصلين لهم

التوتر اللي فيج ..

حرام بعدين ولدج ياخذ هالشخصيه العصبيه

وريلج بيتضايق منج بعد ..

كثر ما تقدرين طوفي ..

 

[bnt_shyo5]

قعدي معاها وكلميها
مافيها شي
قولي لها انا ام وافهم شنو اسوي
وما ابي احد يتدخل بحياتي
وانا مرتاحه فيها
وموفقه انشالله :tek:

 

[بقاياالليل]

عندك حلين لاثالث لهما

1\ ياانك تااخذينها بصدر رحب ومهما كان ذي امك يعني لاتبيني زعلانه خارجيا ومن داخلك اكثر ارتاحي وقولي امي وخذيها سوالف ومزووح

2\ تكلميها قولييلها يايمه البنات بدوو يتطنزون علي ويايمه تعرفين انتقادات الحريم ومن هالسوالف باسلوب اهم شي ماايجرح امك ياعسل
وانتبهي عيالك وزوجك مالهم ذنب لي يصير عادي لارديتي زعلانه اططبخي خخخخ الله يهون عليك وادعيلي يهون علي مصاابي

 

[دلولي]

الله يكون بعونك ياقلبي ويفرجلك ويخليلك زوجك واطفالك

 

[فطفط نجد]

مهما كان هذي امج حااااااولي تبينين لها انج منحرجه من تصرفاتها....وقوليلها يمه انا مابييييج تيبين سوالف خالي لي عندي انا بعيش بسلام وراحه بال وحسسيها ان الكل ستغرب من تصرفاتها معج >>>>ترا الام دايم تحب تزف بنتها وتنتقدها بس ماتحب احد غيرها يزف فلو قلتي لها الناس مستغربه صدقيني تتغير والله يهدي سرها عليييييييج

 

[nono93]

الله يهديها امج ليش جذييييييييييييييييييييييييييييي

ما عليج مدام امج جذي خلاص ادعي الله يهديها والله يخليلج زوجج

ولا تحطين الحره بزوجج ما سوى شي

 

[جـوود الحب]

رد : بناااات نفسيتي تعبانه والله

يارب الله يهديها اللهم امين ...وكلامكم على عيني وراسي والله تبردون الكبد جعلكم الجنه
كاهو توني مكلمتها وتقولي خالج وخالج وخالتج ام زوجج فيها وفيها تعبت والله تبي تكرهني فيهاااا الله يهديها يااااااارب
الله يهوووون عليج بقايا الليل يارب وعلى الجميع

 

[قطيووه^_^]

انتبهي على عيالج وزوجج
وصارحي امج وكلميها واذا مانفع خففي من زياراتج لها

 

[نـــور]

الله يعينج ياقلبي

صارحي امج وان شاء الله خير