بنااااات بسرعة شنو أشتري من مكه؟؟؟

[منهاتن]

السلام عليكم ورحمة الله وبركاااته,,,


بنااات ان شاء الله انا ماشية للعمرة بس شنو اشتري من هناك؟؟؟

من ادويه وملابس وملافع ومواعين ....

أبي اشياااء جديده و مميزه ...

وماركة نوبا وين تنباع هناك؟؟؟ ابي الحمرة الحمرة مالتهم ههههههههه


همتكم معاااي...

 

[جنون العشق]

اكيد ما علي لاملافع مزاج والشرقيه والفخامه


واسواق بن داوود حلوه مواعينهم وغلاتهم

 

[Tender Heart]

هلا حبيبتي تروحين وترجعين بالسلامه .... الملافع عندج احلى شي الشرقيه \ رداء الفخامه \ الحلوه ... ماركه نوبا موجوده بمكياجي بسوق الحجاز بالعزيزيه ... وبالنسبه للعطورات عندج حامل المسك ايهبلون خلطاته وعندج سيد جنيد عنده عطور حلوه مثل فتون ومعطر ذهب واخذي من بخورهم الغالي وهمن السرتي خلطاته حلوه ملابس مادري ماشفت شي حلو هناك اما اذا بتقعدين بجده شي ثاني تلقين ملابس حلوه وسلامتج

 

[هجوره 2009]

مرحبا لاتنسين بخور وهاج من اجمل مو موجود بالكويت والماجد عطوراته حلوه

 

[ام سوسو الحلوة]

عمره مقبوووله مقدماااا....

الملافع >>> الشرقية مزاج رداء الفخااامه ووايد محلات في اسواق مكه ملافعهم اتيننن وخاااصه الدبل فيس روووعه عندهم
نوبااا >>> تلقينهاااا بقزاز واهي موجووده بالكووويت رقم الحمره 7
محلات العطووور والبخووور عاااااااد هذاااا تخصصي
جنيد>>> اخذي منه عطر تنايف مع اللوشن -- لوشن لمسه اطفال-- عطر بنفسج--عطر فتينه
اصغر علي >> عطر جوان -- دهن عود الصحراء-- نذره مو متاكدة اذا منه او من جنيد
الجزيرة >> تلقينهم بالمصباااااح في عندهم عطر مانزل الكويت بس الكل يمدحه اسمه مانسيرا جووولد
يااس>>> البخووووووووووور عنده روووعه الامارت جميرا والملكي ولوشن للايد بدهن العوود رووووووووووووعه جربيه وينفع للجنطه
عندج نكتاااااااااااار موجود بمجمع الضيااافة >>>> السبريهاااااااااات ملووووت الجسم روووعه عن تجربة سويت نكتار -- نكتار ستار والفوااحااات بعد رووووعه

اي وبعد لاتنسين بدووون اسم عنده جنااط مرااات رووعه وناااعميييييييييييين
وعنده عباية ساااده خامتهاااااا صالوووونة رووووووووووووووعه رووووووووووووعه روووووووووووووعه تقريبا تطلع ب200 ريااااااال

واي شي تبينه انا حااااااااضر من عيوووووووووني

 

[عذوب79]

اشتري بخور الملائكه

الجاوني الابيض

ريحته حلوه وافخم انواع الجاوني

 

[معلمة انجليزي]

كل شي حلو بس لا تطوفك ملافع الشرقية و الفخامة
ونوبا موجود بسوق شهبندر الامارات بالفحيحيل