بناااااات طالبتكم لا تردوني <<<<<<<<< الله يخليكم

الحالة
مغلق و غير مفتوح للمزيد من الردود.
مروووم

مروووم

New member
إنضم
5 أكتوبر 2009
المشاركات
1,564
مستوى التفاعل
1
النقاط
0
الإقامة
حبيــ الكويت ــــبتي
السلام عليكم
الي تعرف تسوي جريش بطريقة سهلة يا لييت اتفيدني
ضرووووووووووووووري لان باجر بسوي غداي جرييش ادري انه متوفر واقدر اشتريه
بس المشكلة زوجي يبي ياكل من ايدي الطباخ اعرف اسوي اي شي
الا الجريش والهريس ما اعرفلهم :s141::s141:
 
زمردة الكويت

زمردة الكويت

Active member
إنضم
16 يوليو 2008
المشاركات
1,140
مستوى التفاعل
5
النقاط
38
الإقامة
USA
انااا اسوييه بالكويكر نفس الطعم لاني احب الشغلات السهله و السرييعه ...


يريش دياي السهل...



استخدمت بهاليريش كويكر لانه اسهل واسرع بالنضج والطعم نفسه.. ... تقدرون تاكلونهم ساده او مع حشو الجريش ( بصل مفروك ببهار ولومي ) بس خواتي يحبونه مع بصل محمر
استخدمت مضرب كهربائي عشان يمزجهم بس تقدرون تقدمونها من غير هالجزئيه


المقادير:
دياي مسلوقه مع هيل ودارسين و ورق غار و حبتين مستكه ( حبه صغيره او نص كبيره او حسب الرغبه انا مو دايما احطها )
علبه كويكر ( شوفان ) كامله الا ربع
بصل راهي ( تقريبا 2 كبار )
طماط ( 2 او 3 )
ثوم مدقوق
زنجبيل مدقوق
لومي ناعم وعدل
فلفل اسود
بهار
ماجي
ملح
معجون طماط
زيت او سمنه
حبه زبده صغيره

الطريقة:
نقطع البصل قطع صغيره جدا والطماط مكعبات نسحب الدياي ( تقدرون تحتفظون بالمرق لاضافته تالي )
نحمس البصل والزنجبيل والثوم ونضيف له الماجي
نضيف الدياي ونحمسهم عدل لين تطلع ريحته
نضيف الطماط واللومي ونتركه على النار مع التقليب لين يذبل الكل
نضيف المعجون والماي الساخن او المرق ونتركه لين يغلي
اول ما يغلي نحط الشوفان ونخلطه واول ما يبدي يبقبق (( مادري شسمي هالعمليه هههه )) نوطي النار ونحركه بين فتره وفتره لين يستوي
نحطه بالعجانه او نضربه مع اضافه قطعه صغيره زبده عشان يساعدنا في عمليه التسطيع

نحطه بصحن التقديم ونسطعه بظهر القشه ونضيف البصل المحمر بالويه ويقدم بالف عافيه
​
 
الحالة
مغلق و غير مفتوح للمزيد من الردود.
أعلى أسفل