بنااااااات التربيه لاساسيه تخصص فنيه وتصميم داخلي تعالو

[دلع السلاطين]

مرحباااااا ياحلوين

بغيت اسألكم عن تخصص الفنيه والتصميم الداخلي

اانا مو وايد شاطره برسم بس اعرف ارسم لكن موعدل
فا بغيت اعرف انه لازم الى يتخصصون بالفنيه او التصميم يكونون وايد شطار برسم او لا
وغير جذي صج انه لازم واسطه للفنيه

وتصميم الداخلي شنوو اصير لما اتخرج ؟ وبعرف هالتخصص صعب ويبيله رياضات وجذي ولاعادي
وامتحان القدرات شنو طريقته بضبط

وهل التخصصين متعبين ولا عادي

ويعطيكم العافيه

 

[اتعبني غروري 7]

على حسب ما سمعت ...

تصميم داخلي لي الحين محد ذمه ..
والقدرات يكون على طلبين (( تصممين غرفه وتصممين غلاف كتاب ))
كل مره طلبهم غير .. غرفة صبي عمره 17 او صاله او رسبشن فندق ... او غلاف كتاب فيزيا مثلا ..
وفي دورات يعلمونج كل شي ايي بالضبط .. بمعهد الفنون التشكيليه بالجابريه .. عماره يم هارديز بالضبط

عالشغل .. ابلة ديكور .. او تشتغلين بروحج بره .. تطلعين ذهب وملايين ..

وعالفنيه نفس الشي .. بنات الفنيه الي صادفتهم يمدحونه (( لأنهم اهم يبونه ومو مجبورين عليه نفس العربي والرياضيات ))

وهم لا زم تتأكدين من كل شي لا تسمعين كلامي لوول

 

[N.A.S]

انا تخصصي فنيه وانشالله بفيدج ..
بخصوص الرسم اغلبية الطالبات داخلين التخصص لانه سهل ومايعرفون يرسمون .. بس مع الوقت تعلمو وصارو يعرفون يرسمون ..
هم في دوره يعطيها دكتور زعابي بالكليه حق القبول بالتخصص ..
وللاسف القبول يعتمد بشكل كبير على الواسطه .. لو انج فنانه وماعندج واسطه ماتنقبلين والعكس صحيح لو ماتعرفين ترسمين و واسطتج قويه تنقبلين ..
والتخصص يهبل ممتع بشكل كبيير لا صعب ولاتعب .. الحين انا مابقا شي واتخرج وظايق خلقي اني راح اتخرج من كثر ما الدوام ممتع ..
بالاخير كل وحده لها وجهة نظر ..

موفقه انشالله

 

[خالة الزين]

انا بعد بعرف

 

[دلع السلاطين]

انزين والي ماعندها واسطه شتسوي بالله

انزين امتحان القدرات يخروني ولا لازم اسوي كل الي يطلبونه

 

[.. رفيع الشآن ..]

اللي ماعندها واسطه والله ماتمشي اهيا فيها ظلم شوي

وامتحان القدرات اصلا مو مهم لو كان عندج واسطه انا رفيجتي رسمتها رسمة ياهل اقبلوها ووحده فنانه ماقبلوها والله الفنيه عجبه الصراحه وظلم بعد

وبالتجمع في بقية كلام كتبته لج جيكي عليه

 

[دلع السلاطين]

انزين شسوي انا ماعندي واسطه ياربي مايصير حرام